Home » Fonti documentarie » Codex diplomaticus Cavensis - 06 » 6.1019 » Pag 230 - 231

6.1019
230
231

230
+ In nomine domini Vicesimo quinto anno principatus salerni domni nostri Guaimarii
gloriosi principis, et quinto anno principatus eius Capue, et quarto anno ducatus illius amalfi et
sirrenti, quam et primo anno istorum principatuum et ducatuum domni gisulfi eius filii eximii
principis et duci, nec non et primo illorum anno ducatum apulie et calabrie, mense februario,
undecima indictione. Nos alfanus filius quondam iohanni, et petrus filius quondam petri, et
iohannes filius quondam iohanni, et riso filius quondam sergii porcarii Clarefacimus omnes prenominati,
quoniam nobis est pertinente abere terram cum casa que est cum fundamentum
de parieti fabriti per as fines et mensurias; de subter parte fine terra cum casa de eredes
aurimundi presbiteri, qui est consortem nostrum in ista casa et terra cum casa de alii hominibus;
de super fine via et fine terra cum casa de monasterio sancte sofie; et de uno capite
fine via et de alio capite fine, ipsius. monasterii, sicut pariete discernit. Est in longitudo
pedes viginti quadtuor, et in uno capite abet pedes viginti, et in alio capu abet pedes decem et
nobem ad iusto pede manu homini mensuratum. Infra predicte finis et mensurie est pertinente
nobis qui supra alfani, et petri, et iohanni inclita una quarta pars de tota ipsa terra cum
casa et mihi qui supra risi est inde pertinente pedes tres de latitudo de subter et de super
et de longitudo, quantu ipsa casa est per latitudo. Et ideo, sicut nobis toti prenominati
231
congruum est, bone nostre boluntatis per hanc cartam ante presentia amati iudici per
largietate et absolutionem supradicte gloriose potestatis, quem nobis dandum direxi per
ipsum iudex, venumdedimus tivi domni iohanni venerabili abbati predicti monasterii pro
parte ipsius monasterii inclite ipse nostre sortionis de ipsa terra cum casa, nos qui supra
alfani, et petri, et iohannes damus tivi inclita ipsa nostra quarta pars in parte orientis
coniuncta ad fine ipsius monasterii, et ego predictus riso venumdedi tibi ipsi tres pedes
de latitudo in omni loco et longitudo sicut dixi, iusta ipsa quarta que tibi dederunt ipsi
predicti consorti mei. Inclitum illut, qualiter supradictum est, taliter illut tivi domni abbati
venumdedimus pro parte predicti monasterii cum vice de via sua et cum omnia intra
se abentes, ad securiter et firmiter illut amodo et semper pro pars ipsius monasterii
abendum et omnia inde faciendum quod boluerit, absque omni nostra et de nostris heredibus
contrarietate vel requisitione. Unde pro confirmationem uius venditionis a presente
suscepimus nos qui supra alfani, et petrus, et iohannes a te qui supra domnus abbas pro
parte ipsius monasterii, i sunt triginta auri tari boni, et ego predictus riso suscepimus pro
parte predicti monasterii tarenos aureos bonos quadtuordecim: finitum pretium ipsum aput
nos, qualiter inter nos convenit, Ea ratione per convenientia guadia tivi domni abbati dedimus
nos toti prenominati, et mediatorem tibi posuimus nos mediatorem ipsis pro parte
suprascripti monasterii sancte sofie; et per ipsa guadia obligavimus nos omnes prenominati
et nostris heredibus ambdo et semper defensare integra supradicta nostra venditione
cum vice de via sua in parte predicti monasterii da omnes homines omnique partibus, et
quando pars predicti monasterii per se boluerit defensare sivi ipsa nostra, venditione, potestatem
abeat inde omnibus modis causare et finem facere, qualiter boluerit, cum quale
monimen et ratione inde ostendere boluerit. Si autem nos et nostris eredibus omnia supradicta
inclita parte predicti monasterii non adimpleberimus et aliquit de suprascriptis
vel exinde remobere, aut contradicere quesierimus qualecumque ingenium, per supradicta
guadia componere obligamus nos qui supra alfanus, et petrus, et iohannes, et riso et nostris
eredibus in pars predicti monasterii centum auri solidos constantinianos. Verumtamen hoc
memoramus, quia ipsa nostra venditio est intra hanc salernitanam cibitatem a subtus et
coniunctum ad ipsum monasterium et cum case ipsius monasterii, et taliter scribere rogabimus
te iohannes scriba.
+ Ego qui supra amatus iudex.
Torna all'inizio