|
+ In nomine domini quartodecimo hanno principatus domni nostri iohanni et nono anno
domni guaimari filio eius gloriosi principibus, mense martio decima indictione. Memoratorium
factum a maio archidiacono et abbate ecclesie sancti maximi, qui sum unum de dominii ipsius
ecclesie, eo quot in commitatum nucerie ante bonorum hominibus qui supter scripti sunt, ordine
pastenandi at pastenandum tradidit petri et stefani germani filii iohanni presbiteri et iohanni
qui gentile bocatur filius dominici, una pecia, de terra campense, quem pars ipsius ecclesie sancti
maximi abet in locum suptus barbaciano ha super campu ubi proprio at castaneolu dicitur, que
abet finis et mensurie ipsa terra: ha pars orientis fine rebus ipsius ecclesie, que nunc modo ego
qui supra maio archidiaconus et abbas at pastenandum tradidit martini filius theodori de eodem
locum barbaciano, sunt inde passi sexaginta sex: a pars meridie fine de eredes liotardi,
sunt inde passi tredecim et cubito unum: a pars occidentis similiter fine rebus ipsius ecclesie,
que nunc modo ego at pastenandum illos tradidit iohanni filius ursi qui est de ipsa ereditate ipsius
liutardi, et inde sunt passi sexaginta octo et pedem unum: a pars septemtrionalis fine
quod nunc retinet iohannes genero petri presbiteri, sunt inde passi quadtuordecim: tota ista
mensuria at iusto passum homini mensuratum. ec bero clausum per supradicte finis et mensurie
inclitum illos at pastenandum tradidit ipsorum petri et stefani et gentili pro pars ipsius
ecclesie; unde pro taliter per bona combenientia ipsi supradicti petrus et stefanus et gentile
uno tinore guadia mihi dederunt per absolutionem de ipsi genitori sui, et mediatorem mihi
posuerunt iohannes filius madelfrit de eodem locum nuceria. tali ordine, ud ammodo et usque
duodecim anni completi illis et suorum eredes debeant tenere et laborare et cultare ipsa supradicta
pecia de terra per supradicte finis et mensurie, et fobee et omnis sue utilitati ibidem
facere, sicut meruerit, et pastenare ibidem arbores et vites vono bitineo, et non queramus nos
vel pars ipsius ecclesie illos ipsorum petri stefani gentili vel ad illorum eredibus illos tollere aut
contrare, set da omnes homines omnique partibus illos ei antistare et defensare debeamus omni
tempore usque ipso constitutum cum bice de bia, quem modo nos eis assignabi a pars meridie
per capite de ipsa terra quem ipse martinus at pastenandum retinet a pars nostra,
ud omni tempore liceat illis et suorum eredibus ingredere et regredere per ipsa pastenationem
ipsius martini usque ipsa suorum pastenationem. similiter et ipse iohannes filius ursi
cum alii homines, qui et alia rebus ipsius ecclesie pertinet at pastenandum retinunt a pars
nostra et illorum eredibus licentiam habeant per ipsa bia, quem modo dissignabimus ha pars
meridie per capite de ipsa illorum pastenationem, omni tempore inde ingredere et regredere in
supradicto ordine usque ipsa suorum pastenationem; et de quantum vinum hamodo et usque
ipsi duodecim anni de ipso pastino tollere vel abere potuerint ipsi petrus, stefanus et gentile,
vel illorum eredibus, totum illos sibi abeant, et omnia inde faciant que illorum placuerit, absque
omni contrarietate nostra vel de pars ipsius ecclesie; et de quem in eadem terra seminaberimus
amodo et usquedum illos illis tenuerint at laborandum, omnem annum terraticum que
legibus inde exierit, in tertiam partem illos inter nos dibidamus: illis vel illorum eredibus tollant
inde due sorti, et nos vel pars ipsius ecclesie tollamus inde una sorte quod est tertiam partem. at
completi vero ipsi duodecim anni, tunc illi vel illorum eredibus abeant tota ipsa terra pastenata
et operata et factum ibidem pastinum bonum cultum, surtum et operatum, sicut de tantos annos
fuerit et locus ipse meruerit; et usquedum illis vel illorum eredibus illos tenere boluerit ad
laborandum, in antea omni tempore nos vel pars ipsius ecclesie antistare et defensare illos eis
debeamus in supradicto ordine, et illis vel illorum eredibus debeant illos laborare et cultare annualiter
de super et de supter suis temporibus, ut bene pareat laboratum et cultatum, et, ubi meruerit,
arbores et vites annualiter debeant illos ibidem pastenare et propagenare, et omnem annum
per bindemie tempore faciad scire nos vel pars ipsius ecclesie et debeant illos bindemiare, et totum
ipso vinum at palmentum fiat dibisum in tertiam partem: nos vel pars ipsius ecclesie tollamus
inde una sortem, quod est tertiam partem, et illis vel illorum eredibus tollant inde relique ille
due sorti; et si quod illis vel illorum eredibus noluerit illos laborare in supradicto ordine, tunc inclita
ipsa illorum pastenationem ebeniant in potestatem nostram vel ad pars ipsius ecclesie; et quod
si illos laborare boluerit illis vel illorum eredibus, et per oppressione pars publice vel a generationem
de ac terra illis exierimus, et alicubi extra principato salernitano ad abitandum ierint,
similiter tota ipsa eorum pastenationem per supradicte finis et mensurie ebeniant in potestatem
ipsius ecclesie vel nostra, et abeat spatium usque quinque anni completi. et quot si infra
ipsi quinque anni ic rebersi fuerint ad abitandum et recolligere illos voluerit ad laborandum
in iamdicto ordine. tunc inclitum illos ebeniant in potestatem illorum vel de illorum eredibus
ad laborandum illos in supradicto ordine; et quot si ic non fuerit rebersi ad abitandum infra
ipsi quinque anni, tunc postea inclitum illos abeamus nos vel pars ipsius ecclesie absque omni
contrarietate illorum vel de illorum eredibus. quot si ipsi supradicti petrus, stefanus, gentile,
vel illorum eredibus ipsa terra per supradicte finis et mensurie noluerit laborare et cultare
et pastenare in iamdicto ordine, et omnia, qualiter superius legitur, noluerit eos nobis vel ad pars
ipsius ecclesie illos adimplere in iamdicto ordine, et quomodocumque per qualecumque rationem
de omnia que prelegitur. aliquit inde remobere aut retornare quesierit, tunc per eadem guadia
obligaberunt se suis filiis et eredes at componendum nobis et ad posteriores suos vel ad pars
ipsius ecclesie viginti auri solidos constantinianos, et omnia, qualiter superius legitur, illos nobis
et at pars ipsius ecclesie adimpleant. verumtamen et ab ipsi duodecim anni in antea, dum
illis ad laborandum illos tenuerit, omnem annum per bindemie tempore debeant nutrire secundum
suam possibilitatem missum nostrum, qui ibidem fuerit ad bigilandum ipso vinum et ipsa
sortione nostra de ipso vinum, at suum spendium debeant portare et reponere in ipso cellario
quem pars ipsius ecclesie abuerit infra nucerie. et omnem annum concient organeum, hubi illos
reponere possant. + ego petrus clericus et notarius interfui et unc brebem scripsi.
+ ego maraldus notarius me subscripsi
+ ego petru
+ ego leo.
| |