|
+ In nomine domini tricesimo secundo anno principatus domni guaimari, et secundo
anno principatus domni guaimarii optato filio, gloriosi principes, mense iulius, tertia indictione.
Memoratorium factum a me nicola filio eo quod ante presentia domni
iohanni venerabilis presuli sancte sedis pestane, et ante eum astaret idoneis ominibus
subscribti testes, per vona combenientia et per iussione ipsius domni presuli divisimus cum
romoaldo iudex et atvocatorem ipsius domni presuli una pecia de terra cum binea in locum
ortaianu finibus lucaniae, quod ante os annos in partionis ordine tultum at pastenandum
abuit, set nunc modo, deo iuvante, in eadem terra binea perfecta fecimus et in duas partes
illam divisimus: una sortione exinde fecimus in pars orientis, et alia fecimus in pars occidentis;
unde prius compreensit ipse atvocator per largietate domni iohanni parte illa qui
est in pars occidentis, et michi tradidit in sorte parte illa, qui est in pars orientis per ec
finis et mensuras: a pars meridie fine via pluvica, sunt exinde passi viginti: a pars occidentis
inter ec vinea et vinea, quod in sortione compreensit pars episcopio, passi quinquaginta:
a pars septemtrionis a subtus partibus, ubi ipso salicario est, quod communiter cum
pars episcopio illut per medietate reservavimus, passi decem: a pars orientis saliente et
iunget in priore finem passi quinquaginta sex, totum mensuratum at iusto passum et ex
omni parte terminatum est. Hec vero predicta pecia de terra cum binea per superscribte
fines et mensuriis totum et inclitum in sortione ipse atvocatorem illut michi tradidit, cum
introitu et exitu, et vice de via sua, et cum omnia infra se aventibus omnibusque inde pertinentes,
et defenset illut michi meique eredibus pars eidem episcopii ap omnibus ominibus
omnique partibus. Tantum, si illut daturum vel vinditurum abuerimus, non aveamus licentia
per quabis modis alicui illos alienare, nisi prius scire faciamus pars episcopii pro illos emendum
per tertium constitutum, quod sunt dies triginta sex; si autem boluerit pars ipsius
episcopii emere, deant exinde nobis iusto valiente pretium, sicut iuste fuerit apretiatum; si
autem voluerit pars ipsius episcopii illut emere infra ipsa constituta, licentiam aveamus illut
dare cui boluerimus, apsque omnes contrarietate pars ipsius episcopii; nam, si antea ipsa
constituta alicui illos dederimus et pars ipsius episcopii scire non fecerimus, sicut dictum
est, tunc tota ipsa rebus redeat in pars ipsius episcopii; et si pro quacumque necessitate
de ac terra exierimus, unde ipsa rebus nostra in pluvico cecidere debuerit, tunc tota ipsa
rebus redeat in pars episcopii, et quando in ac terra reversi fuerimus et de ipsa culpa
erepti sumus, tuc tota ipsa rebus redeat at nos vel de nostris eredibus potestate in supradicto
ordine. Si autem taliter omnia, ut dictum est, ipse domnus episcopus et suos successores
et pars sui episcopii michi meique eredibus non atinpleverit, et retornare seu
removere quesierit illos, et quodcumque causationis atversus nos exinde preposuerit, Ideo
et per vona combenientia obligavit se ipse domnus episcopus et suos successores et pars
sui episcopii conponere michi vel at meos eredes biginti aurei solidi constantini; unde
pro omni, sicut dictum est, atinplendum guadia michi ipse domnus episcopus dare feci et
mediatore michi posui alfaranu filio quondam maraldi; verumtamen amodo et semper ipse
salices, quod superius diximus, omni tempore per medietate cum pars episcopii dividamus:
pars episcopii medietatem, et ego vel meos eredes medietatem, quod taliter scribsi ego romoaldo
clericus et notarius qui interfui.
+ Ego qui supra Iohannes Episcopus
+ Ego radoaldo presbiter et abbas
+ Ego adelferi diaconus.
| |