In nomine domini dei salvatoris nostri ihesu christi imperante domino
nostro Constantino magno imperatore anno vicesimo octabo sed et romano
magno imperatore anno quintodecimo die sexta mensis decembrii indictione
nona neapolim Certum est nos iohannem filium quidem lupi. et benefacta
hoc est iugales commanentes in loco qui vocatur pumilianum massa atellana:
A presenti die promtissima voluntate. Venundedimus et tradidimus tibi
spendeo filio quidem mauri. havitator in memorato loco pumilianum: Idest
integra sex uncias meas de integra una terra que vocatur orbeta posita in
memorato loco pumilianum hoc est a parte de via publica qui pergit ad
nucitum. Una cum arboribus fructiferis vel infructiferis simul cum introito
suo omnibusque sivi pertinentibus. Coherente sivi de uno latere via carraria
sicuti finit sepis et fossatum et de alio latere terra domini cesarii
cacapice. De uno capite memorata via publica qui pergit ad nucitum. et
ex alio capite reliquas sex uncias ex ipsa terra quas sunt leoni cognati
nostri quas iam dictus genitor et socer noster ei illas venundedit et sunt
ad equale mensura. De qua nihil nobis intus memoratas coherentias remansit
nec in aliena persona commissimus potestate Ita ut ha nunc et
deinceps memoratas integras sex uncias meas ex predicta integra terra que
appellatur orbeta posita in memorato loco pumilianum hoc est a parte de
memorata via qui pergit ad nucitum et sunt omni tempore ad equale
mensura cum iamdicta reliqua sex uncias memorati leoni cognati nostri
qui comparatas habet a memorato genitori et soceri nostro. Una cum arboribus
fructiferis vel infructiferis simul cum introito suo omnibusque
sivi generaliter pertinentibus. De qua nihil nobis intus memoratas coherentias
remansit. set sicut superius legitur a nobis tibi sit venundatas
et traditas in tua tuisque heredibus sit potestate habendi tenendi vindendi
cedendi donandi commutandi etiam ad tuos heredibus dimittendi vel quidquid
exinde facere volueritis liberam habeatis potestate absque omni censo
aut regula a partibus militie: et neque a me memorato iohanne et
benefacta iugales neque a nostris heredibus nec a nobis personis summissis
nullo tempore numquam tu memorato spendeo aut heredes tui habeatis
exinde aliquando quacumque requisitionem aut molestia ha nunc et
in perpetuis temporibus: Insuper omni tempore nos et heredes nostris memoratas
sex uncias ex predicta terra que tibi venundedimus ut super
legitur ab omni homine omnique persona tibi tuisque heredibus in omnibus
a partibus militie antestare et defensare promittimus hostendente tu
et heredes tui nobis nostrisque heredibus duas chartulas quas nunc apud te
remisimus et sic nos et nostris heredibus tibi tuisque heredibus illas antestare
et defensare debeamus absque omni vestra damnietate et sunt nominatibe
memorate chartule prima venditione in membrana epistolaria scripta
quam fecerunt ursinanus clericus filius fermosaci. et ursoaldus filius gititiuli.
ad nomen iohannaci filii fermosaci. secunda abscisionis quam fecit
stephanus filius gregorii ad nomen memorati lupi genitori et soceri nostri:
pro eo quod in presenti accepimus a te exinde integram nostram sanationem
hoc est auri tari nobem: ut inter nobis combenit: Si autem quod divinam
abertat potentia nos vel heredes nostris quovis tempore contra hanc chartulam
venditionis ut super legitur venire presumserimus et minime adimpleverimus
hec omnia memorata per quolibet modum aut summissis personis
tunc componimus tibi tuisque heredibus auri solidos duodecim bytianteos.
et hec chartula venditionis ut super legitur sit firma: scripta per
manum andrea curialis et scriniarius per memorata nona indictione +
hoc signum + manus memorati iohannis et benefacte iugales quod
ego qui memoratos pro eis subscripsi et memorati tari
+ Ego gregorius filius domini decibili rogatus a suprascriptos iugales
testi subscripsi et suprascriptum pretium confiteor percepisse +
+ Ego iohannes filius domini theodori tribuni rogatus a suprascriptos
iugales testi subscripsi et suprascriptum pretium confiteor perpecepisse +
+ Ego iohannes curialis rogatus a memoratos iugales testi subscripsi
et memoratum pretium confiteor percepisse +
+ Ego andrea curialis et scriniarius complevi et absolvi die et indictione
memorata nona +
|