In nomine domini dei salvatoris nostri Ihesu Christi imperante domino
nostro Constantino porfirogenito magno imperatore anno vicesimo septimo
sed et romano magno imperatore anno quartodecimo: die decima mensis
decembrii indictione octaba neapoli. Certum est nos gregorium et iohannem
germanis filiis quidam domini leoni et quidem theodoti honesta femina
iugalium personarum. una cum voluntate memorati domini leoni genitori
nostri. quam et ego memoratus iohannes pro vice et portione mea tam pro
vice et portione marie monastrie germane nostre. A presenti die promtissima
voluntate pro redemptionis et salvationis anime memorate domine thedoti
honesta femina quidem genitrici nostre offerre et offerimus adque in
presenti contradidimus vobis domino mauro venerabili presbitero custodem
vero ecclesie vocabulo sancti seberi christi confessori qui sita esse videtur
in platea que vocatur radia solis qui et gurgite dicitur et per te in
eadem sancta et venerabili tua ecclesia presentibus et futuris in sempiternum.
Idest in integro duas petias de terras nostras et de ipsius germane
nostre constitutas in loco qui vocatur anianum una cum arvoribus
simul cum introitas earum omnibusque eis generaliter pertinentibus
ex quibus una petia que vocatur sinianum habente de uno latere et de
uno capite via publica. et ex alio latere coheret terra de hominibus de
maranum: ad vero alio capite terra de hominibus calbectianum: alia
vero petia que nominatur intersicum et illa coheret hab una parte via publica.
et ex alia parte terra heredum domini marini brancii. et de alia parte
est terra de hominibus de memorato loco maranum: De quibus nihil nobis
exinde remansit aut reservavimus nec in aliena persona commisimus potestatem;
Ita ut ha nunc et deinceps prenominatas integras duas petias de terras
constitutas in eodem loco anianum quarum una petia que vocatur sinianum
alia vero que appellatur intersico utrasque cum arvoribus et introitas earum
omnibusque eis pertinentibus unde nihil nobis exinde reservavimus quatenus
sicut superius legitur a nobis tibi et per te in memorata ecclesia tua sancti
seberi sint oblatas et traditas pro anime memorate matri nostre ut in tua posterisque
tuis memorataque vestra ecclesia sint potestate ad habendum ibi
illas in sempiternum: et neque a nobis memorato gregorio et iohanne germanis
cum volumtate memorati domini leoni genitori nostri neque a memorata
maria monastria germana nostra neque a nostris et suis heredibus
aut a nobis summissis personis nullo tempore numquam tu memoratus dominus
maurus venerabilis presbiter aut posteris tuis nec memorata sancta
et venerabilis vestra ecclesia habeatis exinde aliquando quacumque requesitione
aut molestia ha nunc et in perpetuis temporibus: Insuper omni tempore
ego memoratus iohannes et heredes meis tibi tuisque posteris memorataque
vestre ecclesie exinde desuper tollere debeamus memorata maria
monastria germana mea et heredes eius absque omni vestra damnietate
nulla dante hoccasione. ita et tu et posteris tuis aut alia quavis persona
nullatenus habeatis licentiam memoratas terras a potestate ipsius ecclesie
aliquando tempore subtraere aut alienare per nullum modum et si oc facere
presumseritis bacuum persistat. et ipsas terras rebertantur et sint in potestate
memorate ecclesie pro alimoniis de sacerdote qui ibi custos fueris:
atamen stetit nobis ut tu amodo et usque in dies quadraginta ad memorata
genitrice nostra omnes dies canere debeas exinde missa una ab ipsa denique
quadraginta dies hanc perpetuis temporibus tu et posteris tuis ad
memoratam genetricem nostram omnes eodommada exinde canere debeatis
missa una: Quia ita nobis complacuit; Si autem nos vel heredes nostris
quovis tempore contra hanc chartulam ut super legitur venire presumserimus
per quovis modum aut summissis personis tunc componimus tibi
posterisque tuis memorataque vestre ecclesie auri solidos viginti bytianteos
et hec chartula oblationis sicut superius legitur sit firma in perpetuum; scripta
per manus iohannis scriptoris genero idem domini iohanni tabularii scribere
rogatus die et indictione memorata octaba +
Hoc signum + manus memorati gregorii et iohanni germanis quod
ego qui memoratos pro eis subscripsi +
+ Ego leo subscripsi +
+ Ego sergius filius domini theodorii tribuni rogatus a suprascripto
genitore et filiis testi subscripsi +
+ Ego cristoforus filius domini mauri medici rogatus a suprascripto
genitore et filiis testi subscripsi +
+ Ego marinus filius domini andree rogatus a suprascripto genitore
et filiis testi subscripsi +
+ Ego iohannes tabularius complevi et absolvi die et indictione memorata
octaba.
|