|
330
In Dei nomine. Anno ab incarnatione Domini millesimo centesimo tricesimo secundo, regnante Lothario rege, mense ianuario, indictione decima. Episcopalis providentie est eorum, qui Deo militant et in eius contemplatione solitarie vivendo perseverant, et necessitatibus subvenire et iustis eorum petitionibus aures accommodare, quatenus qui soli Deo placere student et ab eo eternaliter remunerari non dubitant, a ipsius quoque Dei ministris laborum suorum premium temporaliter habere incipiant. Et ideo ego Buianus gratia Dei aretino sedis episcopus et comes, seque(n)s vestigia antecessorum meorum quemadmodum in multis ecclesiis pro salute illorum donaverunt, ego quidem, pro remedio peccatorum meorum et salute anime mee et omnium antecessorum meorum, dono et in beneficium concedo tibi domno Rainerio abbati ecclesie et monasterii sancti Petri dicti minoris vice eiusdem ęcclesie ad usum et substentationem omnium confratrum, qui in prefata ecclesia Deo militaverint, scilicet integros viginti iiii or sextariores de silva nostra, que nuncupatur Pescaiole, quemadmodum tibi designare faciam. Prefatos itaque totos et integros xxiii or sextariores de predicta silva infra iamdictos fines et decernentia loca, cum inferioribus et superioribus suis in integrum, sicut supra legitur, ego prefatus episcopus tibi prefato abbati et tuis posteris successoribus dono et inrefragabiliter concedo solummodo ud usum et substentationem in perpetuum vestrorum et omnium confratrum ibidem Deo pro tempore famulantium, et per hoc donationis et concessionis instrumentum vos exinde investio, reservando solummodo nudum nomen proprietatis sancti Donati, et per meum legatum corporalem investituram facio scilicet per Rolandum Pagani. Exinde autem nil aliud recepi meritum nisi ut centuplum accipiam et vitam eternam possideam. Quod si in aliquo exinde te aut tuos successores et confratres, ego aut mei posteri successores presumpserimus molestare, aut a quolibet homine minime potuerimus defendere, quod si non defensaverimus ab omnibus hominibus publicis et privatis, aut si aliquod datum vel factum vel faciendum paruerit huic donationi nociturum, tunc componere promitto ego prefatus episcopus et obligo me et meo(s) posteros successores episcopos tibi prefato abbati et tuis successoribus et confratribus eiusdem monasterii et componamus vobis penam decem librarum optimi argenti, et post penam solutam hec donatio firma et inconcussa in perpetuum perseveret, et ad iudicium firmitatis propria manu subscribendo firmabo. Unde hoc scriptum fieri rogatum est ut supra. Actum in suburbio civitatis aretino feliciter.
†Ego Buianus aritinus episcopus et comes ss.
Ego Ingo vicedominus scripsi ss.
†††††† Signa manuum Rolandi filii Pagani et Monaldi filii eius, Ranucini filii quondam Pagani et Warisci filii quondam Guidonis et Gerardini filii quondam Gerardi et Rainerii filii eius rogatorum testium.
Ego Servusdei sacri scrinii notarius scripsi et complevi.
| |