|
+ In nomine domini sextodecimo anno principatus domni nostri guaimarii glorioso princeps,
mense aprilis, secunda indictione. Memoratorium factum a me maio presbiter et abbas
ecclesie sancti maximi, eo quod ante subscribti testes per vona combenientia, et una mecum
adesse romoaldus comes, qui est adbocator et unum de dominii ipsius ecclesie, tradidimus
ad tenendum et laborandum vinea et arbusto pastenandum iohanni filio adelperti
tres pecie de terris pertinentes ipsius ecclesie in locum forino, ubi arcelle vocatur, quod
de antea ille eos compreensum abuit da partibus ipsius ecclesie, in quo abitantes est: unam
de ipse pecie est a super via, et due sunt iscle uno teniente subtus ipsa via, et pastenatum
illut abent arbustum, et vinea, et cannietum, et salicetum; ipsa pecia que est a super via
ipsa, per ec finis et mensurie: de uno latere fine ipsa via, sunt exinde passi nonaginta: de
alie tribus partibus fine predicte ecclesie, est per mensuria longitudo de una parte passi
octuaginta septem, et in alia parte passi octuaginta, et in uno capite latitudo passi decem et
octo, istut per ista mensuria est pastenatum vinea et arbustum; et ipse iscle sunt per ec finis
et mensurie: de super parte fine ipsa via, sunt exinde passi quadraginta: de alie duobus partibus
fine predicte ecclesie, sicut ripe discernit et per ipse ripe descendente et coniungente
in flubio forino: de subter parte fine ipso flubio, est inde per mensuria passi triginta duo: tota
suprascripta rebus mensurata ad iusto passum homini. hec vero rebus per iamdicte finis et
mensurie tota et inclita cum omnia infra se abentibus et suis pertinentiis et cum vice de via
sua, illut ei tradidimus tali hordine, ut liceret ille et eius eredes et homines quod ibidem
miserint, ipsa rebus sue potestatis tenere et dominare, et fovee et omnis sue utilitatis iusta
rationem ibidem facere, et tota ipsa pecia a super ipsa via abeant vinea et arbustum vitatum
de vono vitineo, seu et ipse iscle abeant operate una arbustum vitatum et alia cannietum
et salicetum, et amodo et usque sex anni completi in tota ipsa rebus, sicut dictum est,
per ipse mensuriis abeant illut totum operatum et cultatum et surtum, sicut de nobem
anni meruerit esse et locus ipse est consuetudo, pro quibus iam completi sunt tres anni
quod illut compreensit; et da ipsi sex anni in antea, ut amodo se compleant, usque dum
illis boluerint et potuerint eos tenere, omni tempore illorum essent potestatis eos tenendum
et dominandum, et ibidem residere et abitare, et fobee et omnis sue utilitatis ibi facerent,
et totum eos laborare acto tempore, et studiare et cultare, sicut meruerit, et clusum eos
abere et salbum facere; et amodo et omni tempore annualiter per vindemie faciant nos
vel pars iamdicte ecclesie scire, ut dirigamus ibidem missum nostrum, et illis tota ipsa
vinea et arbustum vindemiare iusta rationem, et omnis vinum et poma quam inde exierit,
dividant illut ibique ad palmentum in tertiam partem: nos tollamus exinde una sorte, et
illis due sortis; et similiter in tertiam partem dividant amodo et omni tempore tote ipse
canne et salici ibique per illis abscise: nos tollamus una sorte, et illis due; et ipsa nostra
sortionem de ipso vinum illis eos reponant in organeum nostrum, quod illorum ibidem
adsignaverimus, per illis conciatum et repositum in casa illorum ibique in quo abitaverint,
et salbum illut faciant, usque dum illut inde tulerimus absque degeneratione et igne;
ipso missum quod ibidem direxerimus, illis eum notrire secundum illorum fuerit possivilitatem,
usque dum per vindemie ibidem steterit, et palmentatica nobis deant, sicut meruerit
et consuetudo est, et de quod in ipso arbustum seminatum fuerit, deant nobis exinde
terraticum secundum consuetudinem de ipso locum; seu et tradidimus ei alia terra cum
silba que est coniunctum in capite de ipsa pecia a super ipsa via rectum illut teneant,
sicut ipsa mensuria salit, de ipsa pastenatione usque serra de ipsum monte, ut licentiam
illis abeant eos roncare et scampare, et de quod ibi seminaverint, deant exinde nobis vel
ad partibus predicte ecclesie terraticum secundum consuetudinem de ipso locum; et si de
anc terra salernitanam exierint pro aliubi ad avitandum et infra tres anni non redierint,
aut si talem fecerit culpam, unde cecidere debuerint, expectemus illum exinde tres annos;
et si da ipsi tres annos in antea non redierint, aut si de ipsa culpa liberati non fuerint,
tota ipsa rebus nostre vel de ipsa ecclesia essent potestatis, faciendum quod boluerimus;
et si infra ipsi tres anni redierint et boluerint illut tenere in antea in iamdicta ratione,
illorum redeant potestatem, ad tenendum et laborandum, sicut superius legitur; et si laboratum
eos inbenerit ipso annum quod redierint, prius recolligant ipso frudium ille qui
eos lavoraverit, et sic postea illut recolligant. Unde et pro omnia suprascripta nobis et
ad pars prefate ecclesie adimplendum, ipse iohannes et eius eredes per vona combenientia
guadia nobis dedit et se ipsum mediatorem posuit; et per ipsa guadia obligavit se et suos
filios et eredes, ut si taliter, sicut superius legitur, nobis vel ad pars eidem ecclesie non
adimpleverit et aliquit exinde contradixerit, componere nobis vel ad pars iamdicte ecclesie
quadraginta auri solidos costantinos, et unc brebem scribsi ego dauferius notarius qui
interfui. verumtamen memoramus, si venerit alius homo qui ad pastenandum compreendere
boluerit ipsa terra, que est a super ipsa via, illut quod ei ad roncandum dedimus,
et noluerit ipse iohannes vel eredes eius illut pastenare, per illo ordine qui iustum fuerit,
liceat pars ipsius ecclesie illut dare cui boluerit; et quale tempore da ipso constitutum in
antea ipsa rebus, que superius ei tradidimus, tenere noluerint, liceat illis inde exire cum
omnis sua causa movili que ibi abuerint, et pergere ubi boluerint, et ipsa rebus laborata
quale illo tempore meruerit, redeant ad potestatem predicte ecclesie, faciendum quod boluerit,
quod subiunsit ego superius dauferius notarius.
+ ego ragemprandus me subscripsi
+ ego alfanus notarius me subscripsi.
| |