|
+ In nomine domini Dei eterni et salvatoris nostri Iesu Christi.
Anno ab incarnatione eius millesimo septuagesimo octavo, temporibus
domini nostri Robberti gloriosissimi ducis, mense nobembri
secunda indictione. Ante me Siconem comitem et iudicem Ursus
monachus filius quondam Iohannacii ... ostendit unam
cartulam
... principatus domni Gisulfi mense iu ... qualiter
ante Petrum iudicem ... coniunctus fuerat cum Iohanne
et Lupeno germanis suis et ipse ... continentem quomodo
... intra hanc civitatem et res stabiles foris hac
... ipse Ursus compreenserat ... totam terram cum vinea
et insitis et canneto et silba in qua cammara edificat
erat de loco Cetaria qualiter ei et ipsis germanis suis pertinebat
per fines: a parte orientis finis aliorum; a parte meridiei
finis Leonis consobrini fratris eius; a partibus vero occidentis
et septemtrionis finis medie serre qualiter ibat
in partem occidentis usque ad finem aliorum; et medietatem
de omnibus aliis rebus stabilibus quas ei et ipsis germanis
suis pertinebat comuniter in ipso loco Cetaria ista parte
flubio Cetaria et aliam terram cum vinea de loco Veteri ubi
a lu Staffilu dicitur, que a parte orientis ad viam publicam
coniuncta est et a parte occidentis coniuncta est ...
et quantum ei et ipsis germanis suis ibidem coniunctum habere
pertinebat et omnes res stabiles quas ei et ipsis germanis
eius ... in loco Sepi et per fines et vocabula et pertinentias
ipsius loci, et totam unam peciam de terra cum arbusto
et insitis de ... dicitur qualiter eam ille et ipsi
germani sui comparaverant a Grima que fuerat uxor Iohannis
presbiteri et ab aliis et ille et eius heredes darent
vicem de via per ipsam terram cum vinea et insiteto et canneto
et silba de ipso loco Cetaria illi et eius heredibus qui primam
sortem compreensisset de tribus sortibus quas ipse Ursus fecerat,
sicut suprascripta cartula continet, a via que ducebat
a parte orientis et usque fontem que intra ipsam secundam
sortem erat, per quam ille et eius heredes et homines
quos voluissent ire et redire possent, et ex ipso fonte aquam
aurire quantam voluissent iusta ratione, et ex ipsa aqua quod
vellent facere et in ipso fonte suas utilitates facere qualiter
voluissent iusta ratione. et ipse Lupenus inter reliquam
sortem suam compreenserat totam terram cum vinea de ipso
loco Veteri in qua ca ... que erat per fines: a partibus septemtrionis
et orientis finis heredum Lupeni et a parte
meridiei coniuncta est ad litus maris ... erat ad finem
heredum Marini patrui eorum et qui compreensisset ipsam primam
sortem et eius heredes darent vicem de via illi qui
compreensisset ipsam secundam sortem et illius heredibus et
hominibus quos voluissent per ipsam terram cum canneto quam
in ipsam primam sortem adiuncta erat de ipso loco Cetarfa
usque terram ipsam Leonis consobrini fratris eorum, per quam
ille et eius heredes qui ipsam secundam sortem compreenserat
et homines quos voluissent ire et redire possent cum
omnibus illorum congruitatibus iusta ratione, sicut ipsa cartula
continet et in qua ipse Petrus iudex subscriptus est.
Cum autem suprascripta cartula ostensa et lecta fuit, ipse Ursus
monachus, sicut ei congruum fuit, bona sua voluntate per convenientiam,
per hanc cartulam optulit in monasterio Sancte et individue
Trinitatis, quod conditum est foris hac civitate in loco Metiliano
cui domnus Petrus reverentissimus abbas preest sub cuius
regula ipse Ursus permanet, totum et integrum illud de ipsis locis
Cetaria et Veteri quantum et qualiter ipse Ursus et iamdictus Lupenus
germanus eius in sorte compreenserant, sicut suprascripta
cartula divisionis continet, cum omnibus que intra illud sunt cunctisque
suis pertinentiis et cum vice de viis suis et cum suprascripta
cartula et aliis muniminibus ex eo continentibus. ea ratione ut semper
pro salutis anime ipsius Ursi et fratris eius Lupeni, qui in eodem
monasterio monacho facto defunctus fuit, integrum illud quod
ipse Ursus ut dictum est optulit sit ipsius abbatis et partium
suprascripti monasterii, et licentiam habeat pars ipsius monasterii
de eo facere quod voluerit. et per convenientiam ipse Ursus obligavit
se et suos heredes semper defendere partibus ipsius monasterii
integrum illud quod in eodem monasterio optulit ab omnibus
hominibus et tribuit licentiam ut, quando pars ipsius monasterii
voluerit, potestatem habeat illud per se defendere qualiter voluerit
cum omnibus muniminibus et rationibus quas de eo ostenderit;
et si sicut superius scriptum est ipse Ursus monachus et suos heredes
non adimpleverint et suprascripta vel ex eis quicquam remobere
aut contradicere presumpserint, per convenientiam ipse Ursus
obligavit se et suos heredes componere ipsius monasterii partibus
centum auri solidos constantinatos et sicut suprascriptum
est adimplere. Et taliter tibi Iohanni notario scribere precepi. S.
+ Ego qui supra Sico iudex.
| |