|
+ In nomine domini vicesimo quarto anno principatus salerni domni nostri guaimarii,
gloriosi principis, Et quarto anno principatus eius capue, Et tertio anno ducatus eius amalfis
et sirrenti, mense aprelis, decima indictione. Nos roderisius et alferius germani filii quondam
roderici, et mulier nomine gemma filia leoni zicza uxor supradicti roderisius, et mulier
nomine blacta filia quondam leoni sfagilli, que fuit uxor supradictus alferius, Clarefacimus
non viri predicti et uxoribus, quoniam pertinet nobis comuniter abere rebus in locum
transbonee in finibus salernitane, que est terra cum binea et bacuum coniunta cum rebus
cibolino ministeriale supradicti gloriosi principis et filius quondam machenolfi in eodem
loco, ubi trabersa et a super cisterna dicitur, per hec finis et mensurie: parte orientis
fine rebus nostra et de pastenatori nostri, inde passi octuaginta quinque: A parte meridie
fine de eredes petri de peccecuti passi nonaginta: A parte occidentis fine medio toru
unde via abemus per brebem divisionis, passi quadraginta. duo: A parte septemtrionis fine
de eredes madelmi, qualiter ascendit et coniungit in via et abinde trabersante ipsa via
comune et abinde descendente per fine de alia rebus nostra, que comune abemus cum nostri
consortibus et coniungente et descendente cum ipso priore fine passi centum decem, totum
mensuratum ad passum quod signatum est in columnea mormorea de ecclesia sancti mathei
de archiepiscopio salernitano de iamdicta rebus per iamdicte finis et mensurie est inde
nobis iamdictis viribus et uxoribus inclite due partis et ipsa tertia parte est inde pertinentes
ipsius ubolino et pantaleo filio petri. Et de ipse due sortis de ipsa rebus, sicut
diximus, nobis iamdicti rederissius et alferius est pertinentes inclite sex sortis, et nobis
iamdicte mulieres iemma et blacta est inde de ipse due partis de suprascripta rebus per
iamdictas fines et mensurias pertinentes due quarte nobis emisse a supradictis viribus
nostris in die nostre copulationis, et congruum est nobis iamdictis viribus et uxoribus toti
communiter tote ipse due partis de iamdictis rebus per iamdictas fines et mensurias benumdare
supradicto ubolini. Et ego predicta mulier iemma nomine, obserbans ea que in legem
langobardorum scripta sunt de mulieres que res suas communiter cum biro suo bendere
noluerit, mecum esset ipse vir et mundoald meus, fecimus notitia cum duobus parentibus
meisque mulieres, et una cum illis perreximus coram presentiam grimoaldi comitis
et iudicis, cui ec omnia nota fecimus. Et in eorum presentia ego iamdicta mulier nullam
reclamavit pateret violentia, set mea bona voluntas esset ipsa quarta mea de iamdicta rebus
communiter cum ipso viro meus bendere et ipsi parentibus meis in anc cartulam manum
posuerunt, ut quod vindederimus, stabilem sit et petrum scriba per notitiam de ipsi
parentum meorum et iudicem anc cartulam scripsi, ut absque damnatione legis securus
inde manere. Quam et ego iamdicta mulier nomine blacta, obserbans ea que in legem
langobardorum scripta sunt de mulieres que res suas communiter cum biro suo bendere
noluerit, mecum esset ipse alferius vir et mundoalt meus, fecimus notitiam cum duobus
parentibus meique mulieres, et una cum illis similiter perreximus coram presentia suprascripti
grimoaldi comiti et iudici, et in eorum presentia ego iamdicta mulier nullam
reclamavit patere violentia, set mea bona boluntas esset ipsa quarta mea de iamdicta rebus
communiter cum ipso viro meus bendere et ipsi parentibus meis in anc cartam manum
posuerunt, ut quod vindederimus, stabilem debeat permanere, et prefatum scriba, per
notitiam de ipsi parentibus meis et iudicis anc cartula scripsi, ut absque damnatione legis
securus inde manere Quo ita factum, nos iamdicti roderisi, et alferii, et iemma, et blacta,
viri et uxores, sicut nobis congruum est, bone nostre voluntatis per anc carta commune
consensum ante presentia ipsius comitis et iudicis, tamen nos predicte mulieres per consensum
et voluntatem ipsorum viribus et mundoaldi nostri, et una cum illis benumdedimus
adque ad semper abendum confirmavimus tibi iamdicto ubolino tote et inclite ipse
due partis de suprascripta rebus per suprascripte finis et mensurie cum omnia intro se abentibus
omnibusque, suis pertinentiis, cum bice de bie sue et cum bice de vie ad aqua de ipsis
locis pertinentibus et cum bice de monimen de ipsa rebus continente, Ad securiter et
firmiter amodo et semper te iamdictus ubolino et tuis eredibus illut abendum, dominandum,
possidendum, omnia exinde faciendum quod volueritis; et pro confirmationis uius
nostre vinditionis nos iamdictus roderisius et iemma suscepimus a te iamdicto ubolino
auri tari boni sedecim, et nos iamdicti alferius et blacta suscepimus a te exinde auri tari
boni alii sedecim in omni deliberationem, sicut inter nos combenit. De qua per combenientia
nos iamdictus roderissius, et alferius, et iemma, et blacta, toti communiter guadia tibi
iamdictus ubolino dedimus, nos predicte mulieres per voluntatem ipsorum viribus nostris,
et mediatores tibi posuimus nos iamdictus roderisius et iemma posuimus tibi mediatore
petrus atrianense cognatum et germanum nostrum, et nos predicti alferius et blacta posuimus
tibi mediatores nos ipsis, sicut combenit; et per ipsa guadia obligamus nos roderisius,
et alferius, et iemma, et blacta, viri et uxores, et nostris eredibus semper defendere
tibi tuisque eredibus tote et inclite ipse due partes de suprascripta rebus per suprascripte
finis et mensurie ab omnibus ominibus omnique partibus cum bice de ipse vie. Et quando
tu et tuis eredibus de suprascripta nostra vinditionem per vos autores esset volueritis, potestatem
abeatis in omnibus inde causare et finem facere, qualiter volueritis, cum omnibus
moniminibus et rationibus quas inde abere potueritis. Et si taliter omnia suprascripta,
quemammodum superius legitur, nos et nostris eredibus tibi tuisque eredibus non adimpleverimus
et suprascriptam, vel ex eis quicquam removere aut contrare quesierimus, aut
si quascumque causationes exinde tibi tuisque eredibus preposuerimus, per ipsa guadia componere
obligavimus nos iamdictus roderisius, et iemma, et alferii, et blacta, et nostris eredibus,
tibi tuique eredibus quinquaginta auri solidos constantinos. Et, sicut superius legitur,
vobis adimpleamus: sicut tamen stetit inter nos de via illa qui ad trabersa ipsi centum
decem passi, qualiter descendit in pars meridie et coniungit se ipsa via cum alia via puplica
que ducit ad tegura, omni tempore tu et tuis eredibus, et nos et nostris eredibus et
nostris consortibus et illorum eredes cum alie vie de ipse rebus commune abemus, sic ut
continet brebem nostre divisionis, et omnia suprascripta fecimus nos iamdicte mulieres per
bolumtate istorum viribus et mundoaldi nostri, et due cartule unius tenoris, quarum anc tibi
emisimus, et alteram talem aput nos inde scripta retinemus, petrum notarium scribere
rogavimus.
+ ego qui supra grimoalt comes et iudex.
| |