|
Scriptum quod per eundem Iohannem notarium scriptum est
anno dominice incarnationis millesimo septuagesimo octabo,
mense februario prima indictione. Qualiter ante Sicone comite et
iudice venerant testes Landolfus filius suprascripti Gisolfi et
Dumnellus filius quondam Iaquinti notarii et suprascriptus Iohannes
notarius, qui testificando dixerant ut suprascriptus Guido,
dum haberet casus humane fragilitatis egrotasset, quamquam in lectulo
suo iaceret, vivebat et recte loquebatur, coram eis iudicasset et
disposuisset quit de rebus suis post suum hovitum fieret; et inter plura
alia que iudicasse et disposuisse dixerant, dixerant ut mundium,
quod ipsi Guidoni de ipsa uxore sua pertinuerat, tradidisset Iaquinto
filio quondam Petri iudicis, et ipsam Sichelgaitam uxorem
suam per manum conpreensam ipsi Iaquinto tradidisset, ut potestatem
haberet semper ipsa Sichelgaita cum voluntate ipsius Iaquinti
aut cum illo viro quem illa voluisset de omnibus rebus suis movilibus
et inmovilibus facere quod vellet, sicut ipsum scriptum continet,
in quo ipse Sico iudex subscriptus est.
| |