|
+ In nomine domini anno vicesimo quarto principatus domni nostri guaimari gloriosi
principis, mense martius, decima indictione. Memoratorium factu a me dumnellus presbiter
et abbas ecclesia sancte marie pertinentem supradicto glorioso principi et iohanni comiti
fratri sui, eo quod ante subscripti testes per vona combenientia tradidit maioni et samueli
ebrei, germani filii iude ebrei, terra pertinentem ipsius ecclesie intus hec salernitanam civitatem
inter muro et muricino ad ipsa iudaica, in quo illis modo casa edificata habet, que
habet finis et mensurie supradicta nostra tradictio: a parte orientis fine ipsius ecclesie, quod
retinet ad residendum elia ebreus, inde pedes triginta octo: a parte septemtrionis fine platea
que infra ipso muro et muricino pergit, inde pedes decem et octo: a parte occidentis inde
pedes alii triginta octo: a parte meridie fine muro uius civitatis, inde pedes alii decem et
octo, totum ad iusto pedem manum homini mensuratum: per supradicte finis et mensurie
inclitum illut cum bice de ipsa platea illorum tradidit, et illis pro taliter per combenientia,
una mecum adesse iaquintus notarius advocatorem ipsius ecclesie, guadia nobis dederunt,
et mediatores nobis posuerunt se ipsis; et per ipsa guadia obligaverunt se et suis
heredibus amodo et usque quindecim anni completi inclitum illut sue potestatis tenere et
dominare, et fobee et casa lignitia, quale voluerit, et omnis sue utilitatis ibidem facere, et
ibidem residere, et ad residendum dare cui voluerit, et amodo et usque tribus anni completi
nulla datione, aut censum inde eorum tollere queramus: da ipsi tribus anni completi in
antea usque ipsi quindecim anni, ut amodo se compleant ipsi quindecim anni, per omnis annum
de kalendis martii mensis dare mihi vel in partibus ipsius ecclesie pro censum de
supradicta nostra tradictione septem auri tari boni pesanti et medium tari moneta salernitana:
ad ipsi quindecim anni completi liceat illis et suis heredibus exinde disturbare tota
ipsa casa et excutere inde tota ipsa lignamina, et omnis sua causa que ibi habuerint, et
inclita ipsa terra vacua revertas in ipsa ecclesia; quod si taliter omnia suprascripta mihi
et in partibus ipsius ecclesie non adimpleverit et aliquit inde contradixerit, per combenientia
obligaverunt se et suis heredibus componere, vel in partibus ipsius ecclesie
triginta auri solidos constantinos, et apposuerunt nobis ad pignerandum omnis rebus et
causam suam legitimo et inlegitimo. Et hunc brebem scripsi ego superius dictus iaquintus
notarius.
+ ego alfanus notarius me subscripsi
+ ego roderisius notarius me subscripsi.
| |