+ In nomine domini dei salvatoris nostri Ihesu Christi Imperante domino
nostro basilio magno Imperatore anno vicesimo primo: sed et constantino
magno Imperatore anno octabodecimo die quinta mensis magii indictione
nona neapoli: Per suum denique dispositum disponere itaque visus fuit quondam
martino calciolario natu quondam domini Iohanni ut ad eius obitum
daret pro anima sua quondam anna posteriora coniux eius una cum quidem
leonem filio suo previgno quondam memorato martino calciolario de propria
causa illorum oc est auri tari quadraginta. per manibus nostris videlicet stephano
abbati presbitero monasterii sancti pelegrini. et marino filio quondam
domini gregorii. et anastasio filio quondam domini iohanni oc est distributoribus
anime eius et distribueremus pro eius anima sicuti memoratus eius
dispositum continent: et memorata hanna et leonem genitricem et filio pro
memorati tari havere idest integra una petia de terra sua posita ad illum
arvore iusta miana cum arvoribus et introitum suum et omnibus sivi pertinentibus
et in sua memorata et leonem genitricem et filio et de eorum
heredibus esset potestatem quidquid exinde facere volueritis. et si memorata
anna et leonem genitricem et filio memorati tari quadraginta dare noluerit licentiam
haveremus nos memoratis distributores adpreendere et vendere memorata
terra et pretium quem exinde tullerimus distribueremus pro eius
anima sicut memoratum eius dispositum continent: et quia quondam memorata
hanna posteriora conius eius secundum. Umana fragilitas defunta est:
Nunc autem comvenit inter nos memoratis distributores. et vos videlicet
iohanne. et memorato leonem germanis prevignis quondam memorato martino
calciolario. et A presenti die promtissima. voluntate: Venundedimus et
tradidimus vobis: Idest memorata integra petia de terra posita ad illum arvore
iusta miana cum arvoribus fructiferis vel infructiferis. simul cum introito
suo et omnibus sivi pertinentibus: qui coheret sivi de uno latere et
de uno capite terra heredum. quondam iohanni pirisini: et de alio capite
terra sancte agathe de calcaria: et ex alio latere via publica: De qua nihil
nobis exinde remansid nec in aliena persona: commisimus potestatem: Ita
ut a nunc et deinceps memorata integra petia de terra posita. ad illu arvore
iusta miana: Una cum arvoribus fructiferis vel infructiferis simul cum
introitum suum et omnibus sivi pertinentibus: De qua nihil novis exinde
remansit set in integro sicut superius legitur ha nobis vobis sid venundata et
tradita in vestra vestrisque heredibus sid potestatem quidquid exinde facere
volueritis: tivi memorato iohanne exinde venundedimus de quarta parte una:
et tivi memorato leone exinde venundedimus partes tres: et neque a nobis
memorato stephano abbate presbitero: et marino. et anastasio. distributoribus
quondam memorato martino calciolario neque a posteris vel ab heredibus
nostris nec ab heredes quondam memorato martino nec a nobis personis: summissis.
nullo tempore numquam vos memorato iohanne et leone germanis
aut heredes vestris quod absit habeatis exinde requisitione aut molestiam ha
nunc et imperpetuis: temporibus: pro eo quod in presentis exinde accepimus
a vobis in omnem deliveratione memorati auri tari quadraginta: a te memorato
iohanne recepimus tari decem: et a te memorato leonem recepimus
tari triginta quod ….. insimul memorati auri tari quadraginta per presens
dedimus pro anima quondam memorato martino vitrico sicuti eius dispositus
continet: set ut superius diximus: tu memorato iohanne et heredes tuis
avere deveatis in memorata terra de quartam parte parte una: et tu memorato
leone et heredes tuis habere deveatis in memorata terra partes tres:
Ut inter nobis combenit: Si autem aliter fecerimus nos aut posteris vel heredibus
nostris de is omnibus memoratis ut super legitur per quolivet modum
aut summissis: personis: tunc componimus vobis vestrisque: heredibus
auri solidos viginti quatuor bythianteos: et hec chartula venditionis ut super
legitur sit firma scripta per manum sergii tabularii per memorata nona
indictione +
+ stehfanus presbyter et abbas subscripsi +
+ [… …….. …… ….]+
+ ego anastasius distributor subscripsi +
+ ego iohannes filius domini cesarii rogatus a suprascripta persona
testi subscripsi et suprascripti tari confessus percepisse +
+ [... ......... ....... .. ....... ........ .
.... .... ..... .... .. .... .... .... ........] +
+ ego petrus filius domini stefani rogatus a suprascripta persona testi
subscripsi et suprascripti tari confessus percepisse +
+ Ego sergius tabularius Complevi et absolvi die et indictione memorata
nona +
|