|
+ In nomine domini Vicesimo quinto anno principatus domni nostri guaimarii glorioso
princeps, et quinto anno principatus eius capue et ducatus amalfi et sirrenti, quam et secundo
anno suprascriptorum principatuum et ducatuum domni gisulfi eius filii eximii principis
et ducis, et primo anno ducatuum illorum apulie et calabrie, mense augusto, undecima
indictione. Ego iohannes filius quondam amandi Clarefacio, quoniam mihi est pertinentem
abere terra cum casa fabrita solarata intus anc salernitanam civitatem a subtus
platea, que vadit ad porta rotense; et congruum est mihi predicto iohanni ipsa terra cum
casa commutationis hordine dare. Unde coram presentia Amati iudici ostedi tres cartulas
continentes de ipsa terra cum casa. Prima ex ipse cartule est continens: tricesimo septimo
anno principatus domni nostri guaimarii, et septimo anno domni guaimarii eius filii
gloriosi principibus, mense martius, octaba indictione; declaraberat gisolfus filius quondam
guidoni et mulier nomine adeltruda filia quondam alfani comitis, amboque vir et uxor
pertinentem abere terram vacua intus hanc salernitanam civitatem a subtus platea que
pergit ad porta rotense, pertinentem ipsius gisulfi a parte ipsius guidoni genitori suo et a
pars aloare genitrice sua, et ipsius adeltrude in ipsa terra pertinentem erat abere quartam
partem pertinentem sivi a parte ipsius gisulfi viro suo, quod ille ei emisit in die sue copulationis,
et erat ipsa terra per ec fines et mensuras; ab oriente fine eorum, inde sunt pedes
viginti duo: A. septemtrione fine anditum, inde sunt pedes viginti unum, et ipso andito erat
de latitudo pedes quinque: Ab occidente similiter fine eorum, inde sunt pedes decem et octo:
A meridie similiter fine eorum, inde sunt pedes viginti unum. Totum mensuratum ad iusto
pedem manum hominis, sicut eorum iamdicti vir et uxor congruum fuerat bone sue boluntatis.
ante presentia ragemprandi iudici et alii nobilibus venumdederat adque ad semper abendum
confirmaberat predicto amandi. Ipsa terra per ipse finis et mensuras, sicut ipsa cartula
continet, que scripta est per iaquintus notarius- roborata per ipsum qui supra ragemprandus
iudex et lando. Secunda cartula est continens: Tricesimo octabo anno pricipatus,
domni nostri guaimarii, et nono anno domni guaimarii eius filii gloriosi principibus,
mense nobember, decima indictione. Declaraberat gisolfus filius quondam guidoni, quoniam.
ante hos annos ipse et adeltruda uxor sua venumdederat amandi filio petri et arechisi
presbiteri filio falconi terram eorum quod abuerat intus salernitanam cibitatem
sicut illorum cartule continent que scripte sunt per iaquintus notarius, roborate per ipsum
ragemprandus iudex et aliis, et remanserat eorum inter illa et illa venditionem
aliquanta terricella, et sicut congruum fuerat ipsius gisulfi, sua bona boluntate per eadem
cartulam ante idoneis hominibus donabi adque ad semper abendum confirmabi ipsorum
iamdicto arechisi abbate et predicto amandi ipsa terricella que ei remanserat inter
illa et illa eorum paratione, et nullam ei ibidem remanserat, set funditus illut eorum donaberat,
sicut ipsa cartula continet que scripta est per ipsum iaquintus notarius, et ibidem
scripti ademari notarius et alfanus notarius. Tertia cartula est continens: tricesimo
hoctabo anno principatus domni nostri guaimarii et nono anno domni guaimarii eius filii,
gloriosi principibus, mense nobember, decima indictione, scripta cartula ipsa per ipsum
iaquintus notarius et ibidem scripti ipsum ademari notarius et alfanus notarius Cum autem
cartule ipse fuerunt lecte; congruum est mihi qui supra iohanni tota e integram
ipsam terra cum casa fabrita commutationis hordine dare; et ideo, sicut mihi congruum
est, bona mea boluntate per hanc cartulam ante presentia amati iudici missum supradictorum
gloriosorum principum et ducis, quem inter nos direxit essendum, commutationis
hordine tradidi tivi domno iohannis venerabili abbati monasterii sancte sofie, quod constructum
est intus hanc predictam civitatem, inclita ipsa terra cum casa fabrita, qualiter
mihi predicto iohanni est pertinens per supradictam cartulam, tivi domno iohanni abbate
dedi et tradidi commutationis hordine pro parte ipsius monasterii sante sofie; qualiter
ipsa casa conciata et edificata est cum omnia intra se abentes omnibusque suis pertinentiis
et cum vice de via sua pro parte supradicti monasterii tivi exdicto domno abbati dedi
et tradidi, ad securiter et firmiter amodo et semper pro pars ipsius monasterii ipsa casa
abendum et possidendum, et omnia inde faciendum pars predicti monasterii quod boluerit,
absque mea et de meis eredibus contrarietate vel requisitione. Et pro confirmatione uius
commutationis per aliam cartulam tradidisti mihi tu predictus domnus abbas per absolutionem
supradictorum gloriosorum principum et ducis quam et domni paldolfi germani supradicti
domni guaimari gloriosus princeps et dux, cuius pertinet ipsum monasterium,
alia terra cum casa, fabrita pertinentem supradicto monasterio intus exdicta cives a subtus
platea que vadit ad porta helini, ante ecclesiam sancti angeli subiecta ipsius monasterii,
que est ipsa terra cum casa per as fines et mensuras: de una parte fine terra et curticella
ubi puteum est, et est ipsa curticella et puteum pertinentes exdicti monasterii, abet exinde
latitudo pedes quadtuor, et de alia parte est fine andei, que est inter ista terra et casa,
et inter terra et case de eredes iohanni comiti, abet inde in longitudine pedes viginti sex
minus uncie quadtuor. De tertia parte fine alia terra cum curticella, et inde abet similiter
de latitudine pedes alii quadtuordecim; de quarta namque parte fine terra et casa
fabrita ipsius monasterii quod sibi reserbavit, et inde sunt similiter de longitudine pedes
alii viginti sex minus uncie quadtuor. Tota suprascripta mensura mensurata fuit ad iusto
pede manum hominis. Hec autem predicta terra cum casa fabrita per supradictas mensuras
cum vice de ipsa curticella ubi est ipso puteum, et de ipso puteum a te predictus domnus
iohannes abbas per aliam cartulam suscepi ego qui supra iohannes pro parte exdicti
monasterii sancte sofie, sicut ipsa cartula continet, quod exinde aput me firmatam retineo,
que scripta per iohannes scriba et roborata per ipsum amatum iudex. De qua ego predictus
iohannes per convenientia guadia tivi domno abbati et tu una tecum erga te abendum
advocatore, dum de ipsa guadia et tu ipsa guadia suscepisti pro vice predicti monasterii
et fideiussorem tivi posui agherisi clericus filius quondam supradicti arechisi presbiteri et
abbati; et per ipsa guadia obligo me predictus iohannes et meos eredes semper defensare
ad pars predicti monasterii sancte sofie integram predictam traditionem, quam superius
commutationis hordine tradidi tivi domno iohanni abbati pro partibus ipsius monasterii da
omnes homines cum vice de predicto andei; et quando tu predictus domnus iohannes abbas
et successores tuos, seu pars predicti monasterii bolueritis vice nostra auctores et defensores
esse de supradicta mea tradictione, quam tivi superius commutationis hordine tradidi,
licentiam et potestatem abeatis tu et successores tuos et pars prefati monasterii inde
causare et finem facere, qualiter bolueritis, cum quale munimine et ratione inde ostendere
bolueritis; et modo dedi tivi ad defensionem ipse supradicte cartule cum unum alium
brebem de pariete de ipsa casa, qui scriptus est per ipsum iaquintus notarius et ibidem
subscripti ademari notarius et alfanus notarius. Ut quando me vel meos eredes de supradicta
mea tradictione nos quesieritis abere autores et defensores, detis nobis ipse supradicte
cartule et ipsum brebem et ipsum parietem salbe et salbum, ad abendum nos ille diebus sexaginta,
et nos defensemus ipsa supradicta nostra traditione, qualiter superius illas bobis
commutationis hordine tradidimus tivi tuique successoribus, seu ad pars exdicti monasterii,
da omnes homines, sicut supra diximus; et post completi ipse sexaginta diebus retdamus
tivi tuique successoribus, seu ad pars predicti monasterii ipse cartule salbe cum ipsum
brebem salbum, quale nobis dederitis per omnes vices, ad abendum illas pars predicti monasterii
omni tempore in supradicta ratione. Si autem ego predictus iohannes vel meos
eredes omnia, qualiter superius legitur, tivi predicto domno abbati et ad tuos successores,
seu ad pars predicti monasterii non adimpleberimus, et si de quod superius legitur,
remobere vel contradicere quesierimus, aut si hanc commutationem per quobis ingenium
dirrumpere quesierimus, et semper firmiter ibidem non permanserimus, per ipsa
guadia componere obligo me qui supra iohannes et meos eredes tivi predicto domno iohannes
abbati et ad tuos successores, seu ad pars predicti monasterii trecentos aureos solidos
constantinianos. Et ubi est pauculum disturbatum, legitur ipsa casa conciata.
| |