|
94
MCXV
A. D. 1049
+ In nomine domini tricesimo primo anno principatus domni nostri Guaimarii gloriosi
principis, et undecimo anno ducatus eius Amalfis, et decimo anno ducatus illius sirrenti,
et octabo anno principatus et ipsorum ducatuum domni gisulfi eximii principis et ducis
filii eius, mense Aprilis, secunda indictione. Dum in sacro salernitano palatio coram suprascripto
domno nostro Guaimario, serenissimo et a deo conservato principe, et duce essent
domnus guido dux et paldulfus frater eius, et dum essem ego Amatus iudex, mascinus
vestararius ipsius domni principis et ducis, per iussionem illius: ostendit scripta
ita continentem: Ego romoaldus pro parte suprascripti domni nostri guaimarii principis
et ducis divisi res, quas ipse domnus princeps et dux communes habet cum ipso domno
guidone duce et paldulfo fratribus suis in subscrivendi locis. Primum divisi terram cum
arbusto in loco apusmonte, et feci ex ipsa tres sortes: primam in parte occidentis, secunda
in meridie, tertia in parte orientis. Ipsam primam sortem feci per fines et mensuras:
Ab ipsa parte occidentis fine, sicut media sepes discernit incipiente mensura a via
publica que est in parte septemtrionis, et sunt mensurati intra ipsas res iuxta ipsam sepem
usque in alia via passi ducenti et unus, et revolvente per ipsam viam in ipsa parte
occidentis passi sex, et de ipsa via revolvente in parte meridie usque in alia via passi
octoginta sex. Ab ipsa parte meridie est finis ipsa via; et per ipsam viam mensurati passi
centum triginti et sex. A parte orientis passi centum quattuor, et revolvente mensurati
in ipsam partem orientis passi decem et nobem, et revolvente in ipsa parte septemtrionis
passi quindecim, et iterum revolvente in ipsa parte orientis passi quinque, et revolvente
in ipsa parte septemtrionis iuxta ipsam secundam sortem, passi centum tredecim; et inde
habiente rectum in ipsa parte septemtrionis passi viginti quattuor, et pergente in ipsa
parte septemtrionis iuxta ipsam secundam sortem passi triginta septem usque ipsam viam
puplicam. Ab ipsa parte septemtrionis est finis ipsa via puplica, sunt inde passi centum
quadraginta nobem. Et adiunxi in ista sorte integram curtem illorum cum arbusto de
ipso loco Apusmonte, ubi lenzara dicitur, quam retinet iohannes filius allerisi. Et adiunxi
in ista sorte curte cum arbusto da linzara, quam retinet donatus, que a parte meridie ad
fluvium coniuncta est. Et alia peciola cum arbusto ibique in pede de castello betere, quam
retinet guiso. Et adiunxi in ista sorte una pecia de terra cum arbusto ubi capsulo dicitur,
quam tenuit iohannes qui dicitur bestarario. Et alia peciola cum arbusto, que dicitur
da liriczi, quam mari riczu retinet. Et alia pecia cum arbusto quam retinent Angelus et
Sabatinus ibique. Et adiunxi in ista sorte peciam cum arbusto, ubi paternum dicitur,
quam retinet iohannes mecza-focacza. Et adiunxi in ista sorte terram cum castaneto in
Siano, ubi ortelle dicitur, quam tenuit sellictus. Et adiunxi in ista sorte terram illorum
cum abellaneto in eodem loco Siano, quam retinet iohannes barrile, et inclita ..… de
terra cum arbusto et abellaneto ibique coniunctam, quam ipse iohannes retinet. Et adiunxi
in ista sorte una pecia de terra cum arbusto in loco tabellara, ubi ad sanctum vitum
dicitur, quam retinet maraldus filius mirigni, et aliam peciam cum arbusto ibique,
quam retinet bonafide. Et adiunxi in ista sorte aliam peciam de terra cum arbusto in
ipso loco tabellara, ubi aira ciceri dicitur, quam tenuit Stefanus. Et alia pecia in eodem
loco ad aira ciceri, quam tenuit iaquintus tornainpoe, que est terra cum arbusto. Et
adiunxi in ista sorte inclitam tertiam partem, que est sors illorum de terra cum arbusto
et castaneto, que est super ecclesia sancti cipriani in loco venera, qui est coniuncta ad
viam que benebentana dicitur. Et adiunxi in ista sorte terram cum arbusto in ipso loco
tabellara, ubi suttinianu dicitur, quam retinet ursus tornainpoe. Et adiunxi in ista sorte
res, quas sesamus olim habuit in loco pastorano, Terram cum insiteto in ipso loco pastorano,
que est super flubio grancario, que a parte meridiei coniuncta est ad viam puplicam,
et terram cum vinea et saliceto de eodem loco ibidem propinquam, que a parte
meridiei coniuncta est ad ipsum fluvium grancarium, et terram cum vinea et vacuo ibidem
propinquam, ubi erbarum dicitur, que a parte orientis coniuncta est ad medium vallonem,
et retinet eam leo filius quondam leonis amalfitani a parte ipsorum domni principis
et ducis et fratrum eius. Et adiunxi in ista sorte terram cum vinea de eodem loco pastorano,
ubi puczu dicitur, que fuit ipsius sesami, quam retinet petrus clericus filius
iohannis franci, et est per fines et mensuras: a parte occidentis est finis medium vallonem
per quod veris tempore fluit, et passi quadraginta octo: a parte septentrionis est
finis media sepes et passi viginti nobem: a parte orientis sunt passi viginti octo: a parte
meridiei est finis medium alium vallonem et passi viginti. Et adiunxi in ista sorte sortem
a parte meridiei de rebus illorum de loco tusciano. que est per fines et mensuras: ab ipsa
parte meridiei est finis ipse fluvius tuscianus: a parte occidentis sunt passi centum sexaginta
sex: a parte septemtrionis est finis illud, quod in ipsa secunda sorte adiungente est,
et sunt a termine qui fixus est inter istut et illud, quod in ipsa secunda sorte adiungente
est usque in ora de via, quam communem inter ipsas sortes .… in quo terminus
fixus est, et est fixus, passi centum duodecim longius ab ecclesia sancti viti passi centum
nonaginta. Et qualiter ab ipso termine rectum vadit usque in termine qui fixus est in
parte orientis inter istut et illut, quod in ipsa secunda sorte adiungente est, ab ipsa parte
orientis sunt passi septuaginta. Et adiunxi in ista sorte de rebus illorum de eodem loco
tusciano, que fecerunt ursi sculdais, partem a parte septemtrionis, que est per fines et
mensuras: ab ipsa parte septemtrionis est finis, sicut media sepes discernit: ab oriente est
finis ipse fluvius tuscianus, et mensura intra ipsas res per limitem, qui ibi est, passi sexaginta:
a parte meridiei fine ipso fluvio et illud, quod in ipsa secunda sorte adiungente
est: a parte occidentis fine via puplica et passi sexaginta. Et adiunxi in ista sorte de terra
illorum cum olibeto et vacuo de eodem loco tusciano partem a septemtrionis que
est per fines et mensuras: Ab ipsa parte septemtrionis est finis ipse fluvius tuscianus: a
parte orientis est finis ipse fluvius et mensura, quantum plus recte prope ipsum fluvium
mensurari possunt, passi viginti duo: et a parte meridiei fine illud, quod in ipsa secunda
sorte adiungente est: a parte occidentis fine aqua, que fluit ad molina eorum, et mensura,
quantum plus recte prope ipsam aquam mensurari possunt, passi nonaginta. Ex hoc
feci esse primam sortem cum vice de viis suis. Secundam sortem feci per fines et mensuras:
ab ipsa parte septemtrionis est finis ipsa via puplica et per ipsam viam mensurati
passi sexaginta septem: a parte orientis passi viginti tres. Et revolvente mensurati in ipsa
parte orientis passi guadraginta tres. Et revolvente in ipsa parte septemtrionis usque suprascriptam
viam puplicam passi triginta duo. Et iterum revolvente per ipsa via in ipsa
parte orientis passi quattuordecim usque in alia via. Et revolvente in ipsa parte meridiei
per ipsam viam, passi nonaginta septem. Et revolvente in ipsa parte occidentis passi
centum; et revolvente in ipsa parte meridiei passi sexaginta tres. Et revolvente in ipsa
parte orientis passi triginta quattuor. Et revolvente in ipsa parte meridiei passi quadraginta.
Et revolvente in ipsa parte occidentis usque in ipsam primam sortem passi octoginta et
unum. Et revolvente in ipsa parte septemtrionis iuxta ipsam aliam sortem ipsos centum
tredecim passos usque in ipsa via. Et per ipsam viam habiente in ipsam partem orientis
passi octoginta octo. Et revolvente in ipsa parte septemtrionis passi viginti quattuor. Et
revolvente in ipsa parte occidentis passi nonaginta unum. Et revolvente in ipsa parte
septemtrionis iuxta ipsam aliam sortem, passi triginta septem usque in ipsam viam. Et
adiunxi in ista sorte terram cum arbusto de eodem loco per fines et mensuras: A parte
orientis fine ipsa tertia sors, et per ipsam finem passi septuaginta septem: A parte meridiei
est finis via, et per ipsam viam mensurati passi nonaginta sex: A parte occidentis
fine, sicut limitem discernit, et per ipsum limitem mensurati passi centum quadraginta
duo: A parte septemtrionis sunt passi quadraginta duo mensurati usque in ipsam aliam
sortem. Et adiunxi in ista sorte terram cum arbusto super ipsa via, in qua olibe sunt,
que est per fines et mensuras: A parte septemtrionis est finis ipsa via et passi centum
quinquaginta sex: A parte occidentis passi centum: A parte meridiei finis terra ipsius
domni principis et ducis, et de ipsis germanis eius, et passi centum nonaginta quattuor:
Ab ipsa parte orientis similiter fine terra illorum que adiuncta est in ipsa tertia sorte, et
per ipsam finem passi centum quadraginta. Et adiunxi in ista sorte integram curtem illorum
que dicitur da rappertu. Et adiunxi in ista sorte integram peciolam illorum de
suprascripto loco apusmonte, ubi geminie dicitur, que est cum arbusto, quam retinet sassu,
que ab oriente et a septemtrione coniuncta est ad vias. Et aliam peciolam ibique cum
arbusto, quam retinent iohannes bitale et petrus, que a parte orientis coniuncta est ad
suprascriptam viam. Et adiunxi in ista sorte integram peciolam cum arbusto ibidem propinqua,
ubi basaboe dicitur, quam retinet ipse iohannes bitale. Et a parte septemtrionis
ad fluvium saltera coniuncta est. Et alia peciola que dicitur ad sanctum martium que
est cum arbusto, quam retinet romoaldus filius allerisi, et adiunxi in ista sorte unam
pecioiam de terra cum arbusto ibidem propinquam, in qua residet ipse iohannes bitale,
Et aliam peciam, ubi molinum constructum est et pontone dicitur. Et aliam peciam ub
geminie dicitur, quam retinet iohannes gastaldus. Et aliam peciolam cum arbusto ibidem
propinquam, quam retinet petrus filius iohanni gagliardo. Et alia peciola que dicitur ad
sanctum eustasium, que est arbustum, quam retinet sparanus maczatrulla. Et adiunxi in
ista sorte integram medietatem, que est sors illorum de una pecia de terra cum castaneto
et quercieto in loco siano, ubi gualdum dicitur, quam retinet iohannes barrile. Et adiunxi
in ista sorte terram illorum cum arbusto in suprascripto loco siano, quam retinet dumnandus.
Et adiunxi in ista sorte integram tertiam partem, que est illorum sors, de una
pecia de terra cum aliquantis arboribus, ubi campu vitale dicitur, quam retinet ursus.
Et aliam peciam de terra cum aliquantis arboribus, ubi similiter campu vitale dicitur,
quam retinet sico. Et adiunxi in ista sorte terram cum arbusto et vacuo in loco siano,
que a parte occidentis ad paludem coniuncta est, et eam retinet ad laborandum amatus
filius amelchisi. Et adiunxi in ista sorte tertiam partem que est sors illorum, de terra
cum arbusto, que est in suprascripto loco benera supter ecclesia sancti cipriani coniunctam
ad viam que dicitur benebentana. Et adiunxi in ista sorte integram tertiam partem
que est illorum sors, de terra cum arbusto in ipso loco benera, quod retinet riso strambo.
Et adiunxi in ista sorte terram vacuam in suprascripto loco benera, quam retinet simeon.
Et adiunxi in ista sorte terram cum vineis in plano et silva in monte in loco locubia,
que de una parte coniuncta est ad fluvium anguillerium, et de altera parte ad ipsam locubiam,
et de alia parte ad viam puplicam. Et alteram terram cum vinea de eodem loco
quam via separat a suprascripta terra, et ex omni parte eam vie circumdant. Et adiunxi
in ista sorte de ipsis rebus illorum de ipso loco tusciano per fines et mensuras: a parte
meridiei est finis illud quod in ipsa prima sorte adiunctum est: a parte occidentis est finis
terra monasterii sancti georgii, et passi centum, et revolvit in parte quasi orientis passi
nonaginta quattuor, et revolvit rectum in parte orientis passi decem et nobem: a parte
septemtrionis finis illud quod in ipsa tertia sorte adiungente est, qualiter rectum vadit
iuxta parietem ipsius ecclesie sancti viti: a parte orientis sunt passi sexaginta, quantum
plus rectum prope ipsum fluvium tuscianum mensurari possunt. Et adiunxi in ista sorte
de ipsis rebus illorum que fuerunt ipsius ursi sculdais, per fines et mensuras: a parte
septemtrionis finis illud, quod in ipsa prima sorte adiunctum est: a parte orientis fine
illud, quod in ipsa prima sorte aliquantum adiunctum est, et ipse fluvius, et sunt mensurati
per ipsum limitem passi nonaginta: a parte meridiei finis illud, quod in ipsa tertia
sorte adiungente est: a parte occidentis fine ipsa via, et passi nonaginta. Et adiunxi in
ista sorte de ipsa terra illorum cum olibeto et vacuo de eodem loco tusciano per fines et
mensuras: a parte septemtrionis finis illud, quod in ipsa prima sorte adiunctum est: a
parte orientis fine ipse fluvius, et mensurati quantum plus recte prope ipsum fluvium
mensurari possunt, passi viginti duo: a parte meridiei finis illud, quod in ipsa tertia sorte
adiungente est: a parte occidentis est finis ipsa aqua que fluit ad ipsa molina, et mensura
quantum plus recte prope ipsam aquam mensurari possunt, passi viginti sex. Ex
hoc toto feci esse secundam sortem cum vice de viis suis. Tertiam sortem feci per fines
et mensuras: a parte meridiei fine, sicut ipsa via et limites discernunt, et per ipsam
finem mensurati passi centum sexaginta quinque: ab ipsa parte orientis fine, sicut media
sepes et limes discernunt, et per ipsam finem mensurati passi ducentos quattuor: a parte
septemtrionis fine ipsa via et per eam mensurati passi octoginta; Et revolvente mensurati
in ipsa parte meridiei passi septuaginta quattuor; Et revolvente in ipsa parte occidentis
passi septuaginta duo; Et iterum revolvente in ipsa parte meridiei passi centum quinque;
Et iterum revolvit in ipsam partem occidentis iuxta ipsam secundam sortem passi triginta
quinque. Et revolvit in ipsam partem meridiei erga ipsam secundam sortem passi
septuaginta septem. Et adiunxi in ista sorte terram cum arbusto super ipsam viam per
fines et mensuras: Ab ipsa parte occidentis fine ipsa terra, que in ipsa secunda sorte
adiunctum est, et per ipsam finem passi octoginta duo; Et revolvente in ipsam partem
orientis passi octo; et iterum revolvente in ipsa parte septemtrionis passi quadraginta sex;
Et revolvente in ipsa parte meridiei passi quadraginta quattuor; Et revolvente in ipsa
parte orientis passi triginta et unus; Et revolvente in ipsa parte meridiei passi quadraginta
quattuor; Et revolvente in ipsa parte orientis passi centum sedecim; Et revolvente
in ipsa pars occidentis passi ducentos decem. Et adiunxi in ista sorte integram curtem
illorum de ipso loco apusmonte ubi ponzanu dicitur, quam retinet leo filius leonis presbiteri.
Et aliam peciam de terra cum arbusto ubi ad geminie dicitur, que a parte septemtrionis
ad fluvium saltera coniuncta est, quam retinet stefanus grecus. Et adiunxi in ista
sorte integram terram cum arbusto in suprascripto loco, ubi ad pede de monte dicitur,
quam retinet lando. Et aliam peciam cum arbusto, ubi geminie dicitur, quam retinet petrus
filius de cibile. Et aliam peciam cum arbusto ibique, ubi cannito dicitur, quam retinet
ipse petrus. Et aliam peciam cum arbusto ibique, ubi episcopio dicitur, quam retinet
ipse petrus. Et adiunxi in ista sorte alia peciola ibique ubi geminie dicitur, que est arbusto
propinquo ecclesia sancti stefani, quam retinuit mari filius petri. Et alia peciola
ibique cum arbusto, quam retinet iohannes buttone. Et alia peciola cum arbusto ibique,
quam retinet iohannes filius suprascripti iohannis buttone. Et adiunxi in ista sorte una
peciola de terra cum arbusto, quam retinet iohannes buttone, qui dicitur da li mutilione.
Et alia pecia cum arbusto propinquo sancti stefani ubi punzano dicitur, quam retinet
suprascriptus iohannes buttone. Et adiunxi in ista sorte sortionem illorum de terra cum
castaneto ad silice, quam retinet laurentius, que est per longitudinem da via usque ad finem
illorum, passi centum. Et adiunxi in ista sorte terram cum castaneto et querceto
ubi casa betere dicitur in loco siano, quam retinet cicerus. Et aliam curte cum arbusto
in eodem loco, quam retinet iohannes barrile. Et adiunxi in ista sorte terram illorum
cum arbusto in loco acerole, quam retinet petrus iudex de nucerie. Et adiunxi in ista
sorte terram cum arbusto in suprascripto loco tabellara, quam tenuit sparanus, et alia
pecia de terra in eodem loco benera, ubi proprio muntoru dicitur. Et adiunxi in ista
sorte una pecia de terra cum arbusto in suprascripto loco benera, quam retinet grimoaldus.
Et adiunxi in ista sorte quinque pecias de terra cum arbustis de loco penta, que
olim fuerunt machenolfi clerici filii mirigni. Et terram cum arbusto et vinea de loco veriniano,
intra quam sala fabricata est, quam retinet romoaldus qui dicitur cacaluiuba.
Et alteram terram cum arbusto de eodem loco, quam ipse romoaldus tenet, que est a
super ipsa terra, in quam ipsa sala fabricata est, et ibidem propinquam. Et terram cum
castaneto et vinea in eodem loco, que est super ecclesia sancte scolastice, quam retinet
ipse romoaldus, que olim fuit iohannis filii sadi, et petri filii faracci, que est plaia montis,
et a parte septemtrionis coniuncta est ad viam; Et tres peciolas de terra una cum vinea
et alteras cum arbusto de eodem loco, que fuerunt iohannis presbiteri et iaquinti filiorum
simeonis, que est super et propinquo ipsa terra in quam ipsa sala fabricata est, et una
ex ipsis aliquantum coniuncta est ad suprascriptam terram. Et adiunxi in ista sorte de
ipsis rebus illorum de iamdicto loco tusciano per fines et mensuras. A parte meridiei fine
illud, quod in ipsa secunda sorte adiunctum est: A parte occidentis fine terra ipsius monasterii
sancti georgii, et passi nonaginta. Et revolvit in parte orientis passi quadraginta
octo, iuxta fines ipsius ecclesie, et revolvit in parte septemtrionis iuxta fines ipsius ecclesie
passi quadraginta duo. A parte septemtrionis fine terra ipsius domni guidonis; A
parte orientis fine vallone quod vallemonium dicitur, et mensurati quantum plus recte
prope ipsum vallone mensurari possunt, passi centum, et sunt mensurati a termine qui
fixus est in parte occidentis, inter istam sortem et res ipsius domni guidonis, usque in
termine, qui fixus est inter istam sortem et ipsas res ipsius domni guidoni, longius ab
ipsa ecclesia, passi centum sedecim, passos ducentos octo, Et pro cognitionis causa mensurare
feci ipsas res ipsius domni guidonis, et sunt per fines et mensuras: A parte meridiei
fine illud, quod in ipsa tertia sorte adiunctum est: A parte occidentis fine terra
ipsius monasterii et vie: A parte septemtrionis fine via antica: A parte orientis fine terra
sacri salernitani archiepiscopii. Et revolvit in ipsa parte orientis usque medium ipsum
vaIlimonium. Et revolvit in parte meridiei erga ipsum vallimonium, passi septuaginta sex.
Et dimisi viam communem per ipsas sortes, et per ipsas res ipsius domni guidonis ab ipso
fluvio tusciano usque in ipsa via antica, que est in ipsa parte septemtrionis, talem viam
per quam illi et illorum heredes, et homines, quos ipsi voluerint cum omnibus illorum
congruitatibus, ire et redire possint iuxta rationem. Et licentiam habeant illi et illorum
heredes et homines, quos ipsi voluerint, ire et redire per viam puplicam, que est intra
illud, quod in ipsa prima sorte adiunctum est. Ipsa vero ecclesia sancti viti que est intra
illud, quod in ipsa tertia sorte adiunctum est, cum terris que sunt beneficia ipsius ecclesie,
et sunt intra illud, quod in ipsam secundam et tertiam sortes adiunctum est, communiter
inter ipsos germanos et eorum heredes habendum, reserbavi cum vice de viis suis.
Et adiunxi in ista sorte de ipsis rebus illorum de eodem loco que fuerunt ipsius ursi sculdais
per fines et mensuras: A parte septemtrionis fine illud, quod in ipsa secunda sorte
adiunctum est: A parte orientis fine ipse fluvius et mensurati intra ipsas res, quantum
plus recte prope ipsum fluvium mensurari possunt, passi nonaginta sex. A parte meridiei
fine fossatum: A parte occidentis fine ipsa via et passi nonaginta. Et adiunxi in ista sorte
de ipsa terra illorum cum olibeto et vacuo de eodem loco tusciano parte. A parte meridiei
per fines et mensuras: A parte septemtrionis fine illud, quod in ipsa secunda sorte adiunctum
est: A parte orientis fine ipse fluvius et mensurati quantum plus recte prope ipsum
fluvium mensurari possunt, passi viginti duo. A parte meridiei fine terra eorum: A parte
occidentis fine ipsa aqua, que fluit ad ipsa molina, et mensurati, quantum plus recte prope
ipsam aquam mensurari possunt, passi viginti sex. Et omni tempore sit via per illud quod
in ipsas tertiam et secundam sortem adiunctum est in parte occidentis, per quam illi et
illorum heredes, et homines quos ipsi voluerint cum omnibus illorum congruitatibus, ire
et redire possint iuxta rationem. Ex hoc toto feci esse tertiam sortem cum vice de viis
suis suprascriptis mensuris iusto passu hominis mensuratis. Verumtamen hoc memoramus,
quoniam ubi superius in quinque virgulas scriptum est per ipsam viam mensurati passi
centum triginta et sex erratum est, quoniam sunt ibi passi centum quinquaginta et septem:
Et ubi superius scriptum est in ipsa secunda sorte alia peciola que dicitur ad sanctum
eustasium, que est cum arbusto, quam retinent sparanus maczatrulla, tenet eam
ipse sparanus maczatrulla et iohannes, qui dicitur zurani, et non est tota adiuncta in
ipsa secunda sorte, sed medietas eius in parte orientis. Cum autem ipsa scripta lecta fuerunt,
primus ipse paldulfus comprehensit suprascriptam primam sortem, qualiter superius
facta est, cum omnibus que intra eam sunt, cunctisque eis pertinentiis, ad faciendum de
ea ille et eius heredes, quod voluerint. Secundus ipse domnus guido comprehensit ipsam
secundam sortem, qualiter superius facta est, cum omnibus que intra eam sunt, cunctisque
eius pertinentiis, ad faciendum de ea ille et eius heredes, quod voluerint. Tertius ipse
domnus guaimarius princeps et dux comprehensit ipsam tertiam sortem, qualiter superius
facta est, cum omnibus que intra eam sunt cunctisque eis pertinentiis, ad faciendum de
ea ille et eius heredes, quod voluerint. Et per convenientiam ipsi domnus guido et paldulfus
guadia ipsi mascino pro parte ipsius domni principis et ducis dederunt, et fideiussores
ei pro illius parte posuerunt ipse domnus guido atenolfum filium quondam alfani
comitis, Et ipse paldulfus allerisium filium quondam iohannis comitis. Et per ipsam guadiam
obligaverunt se et suos heredes semper permanere cum ipso domno principe et duce
et cum illius heredibus in suprascripta divisione, quemamodum superius legitur. Et si in
suprascripta divisione, quemamodum superius scriptum est, ipsi domnus guido et paldulfus
et illorum heredes, cum ipso domno principe et duce, et illius heredibus, non permanserint,
et suprascripta, vel ex eis quicquam removere aut contradicere presumpserint, per
ipsam guadiam obligaverunt se et suos heredes componere ipsi domno principi et duci, et
illius heredibus, mille auri solidos constantinianos, et in suprascripta divisione, quemamodum
superius legitur, permanere. Et taliter te romoaldum notarium, qui interfuisti, scrivere
precepi
+ Ego qui supra amatus iudex.
| |