387
+ In nomine domini nostri Ihesu Christi dei eterni Anno ab incarnatione
eiusdem domini nostri Ihesu Christi millesimo centesimo quartodecimo.
Et octabo anno principatus domni Robberti gloriosi principis: mense
november octava indictione. Notum sit igitur fidelibus Dei presentibus et
posteris quoniam ego ugo sorellus filius domni andree sorelli qui sum
dominus castri mignani divina inspiratione compunctus pro redemptione
anime mee et pro salute anime patris mei ac anime matris mee atque
anime uxoris mee omniumque parentum meorum. concedo et confirmo
sancti laurentii monasterio de aversa et domino Matheo venerabili abbati
suisque successoribus in perpetuum quinque ecclesias que habentur in territorio
predicto mignani cum omnibus terris cultis et incultis sibi pertinentibus
scilicet ecclesia. sancte marie et ecclesia sancti iohannis et ecclesia
sancti agapiti et ecclesia sancti leucii et ecclesia sancti laurentii. Iterum
concedo cunctos homines quos nunc habent cum terris et mobilibus illorum
sicuti usque modo habuerunt. et terras quas monachi sancti laurentii in
territorio prephati mignani ad presens possident. et in antea mea licentia
vel heredum meorum acquirere poterunt. una cum viis et aquis et anditis
suis cum sepibus et limitibus et cum pertinentiis suis et cum omnibus inferioribus
ac superioribus suis ad habendum et possidendum et faciendum
ad utilitatem prenominati monasterii quod iustum est in perpetuum. Quas
vero ecclesias cum omnibus sibi pertinentibus et omnes homines et terras
et illorum mobiles et terras quas monachi sancti laurentii sicuti prediximus
in territorio iam nominati mignani ad presens possident et in antea habituri
sunt mea licentia vel heredum meorum protegere. adiuvare. et defendere
388
obligo me et meos heredes prephato monasterio sancti laurentii et domino
matheo abbati et eius successoribus. Quod si quis hoc beneficium a me concessum
et confirmatum pro anima mea parentumque meorum monasterio
sancti laurentii et abbati supradicto suisque successoribus et fratribus ibi
deo servientibus dissolvere aut perturbare ausus fuerit. et hanc concessionem
ac confirmationem nostram factam presentibus baronibus meis qui
subter scripti sunt perturbare iniuste presumpserit. viginti libras auri solvat.
medietatem nostrae curiae et medietatem sancti laurentii monasterio. Et hoc
scriptum inviolabile et firmum in perpetuum maneat. et ut verius credatur
et firmius habeatur tibi Racconi subdiacono et notario scribere praecepi
et sigillo meo iussi sigillari. Castro Miniano.
+ EGO PREPHATUS DOMINUS UGO. qui feci subscripsi. et quod
scriptum est confirmavi.
+ EGO IOHANNES IUDEX.
+ Ego fulco miles testis sum.
+ EGO LEO IUDEX.
+ Ego Paganus miles me subscripsi.
+ Ego berardus miles me subscripsi et testis sum.
+ Ego mignanus presbyter et notarius manum posui.
|