|
Cartula divisionis que per Iohannem notarium scripta est
de anno ab incarnatione iamdicti domini et salbatoris nostri
Iesu Christi millesimo septuagesimo secundo et tricesimo
anno principatus suprascripti domni nostri Gisulfi gloriosi
principis, mense iulio nona indictione. Qualiter ante
meam presentiam ipse Sergius cognomento Curiale filius
quondam Landolfi coniunctus fuerat cum Vivo vicecomite filio
quondam Petri, et per ipsum Sergium ostensa fuerant
scripta ita continentia:
Ego Sergius cognomento Curiale filius quondam Landolfi
feci duas sortes de terra cum potechis que est foris
hac civitate ubi proprio Bosanola dicitur, quam comune
habeo cum Vivo vicecomite filio quondam Petri, et feci
de eis duas sortes. primam sortem feci de ea esse in
parte septemtrionis per fines et mensuras: a parte
orientis est finis via que ducit prope murum huius civitatis
per quam etiam fluvium qui Bosanola dicitur fluit,
et per ipsam viam erga istam sortem recte mensurati
passus quattuor et cubitum et medium pedem; a
parte septemtrionis est finis aliorum, et recte mensurati
passus septem minus palmum unum et medium palmum;
a parte occidentis est finis via, et per eam iuxta
istam sortem mensurati passus tres et medium; a
parte meridiei est finis subscribenda secunda sors. ex
hoc vero totum feci esse primam sortem cum vice de
ipsis viis. secundam sortem feci de ea esse in parte
meridiei per fines et mensuras: a parte orientis est
finis ipsa via per quam ut dictum est ipse fluvius fluit
et per eam secus istam sortem recte mensurati passus
quinque et medium minus cubitum et medium pedem;
a parte meridiei est finis suprascripta altera via et per
eam erga istam sortem recte mensurati passibus tribus
minus unum palmum; a parte occidentis est finis suprascripta
altera via et per eam iuxta istam sortem recte
mensurati passus quattuor et medium; a parte
septemtrionis est finis suprascriptam primam sortem.
ex hoc totum secundam sortem esse feci cum vice de
ipsis viis, omnibus suprascriptis mensuris iusto passu et
cubitum pedemque manus hominis mensuratis.
Cum autem ipse scripte ostense fuerant et lecte, sicut inter
eos convenerat, prius ipse Vivus vicecomes compreenserat ex
ipsis sortibus ipsam secundam sortem integram, qualiter superius
facta fuerat per suprascriptas fines et mensuras sicut suprascriptum
est, cum omnibus que intro eam erant cunctisque
suis pertinentiis et cum vice de ipsis viis, ea ratione ut semper
fieret in potestate ipsius Vivi vicecomitis et heredum eius
et liceret illum et eius heredes de ea facere quod voluerint. et
ipse Sergius compreenserat ipsam primam sortem integram
qualiter superius eam esse fecerat, cum omnibus que intro
eam erant omnibusque suis pertinentiis et cum vice de ipsis
viis, ea ratione ut semper fieret in potestate memorati Sergii
et heredum eius, et licentiam haberent ille et eius heredes de
ea facere quicquit voluerint, sicut ipsa cartula continet in qua
ego meum nomen propriis subscripsi digitis.
| |