+ In nomine domini. Anno ab incarnatione ihesu christi filii eius.
Millesimo. Centesimo. vicesimo nono. Mense Madii septima indictione.
Ego falco olim filius alberti. qui sum commorans civitatis montis sancti
michahelis Archangeli notum facio coram presentia ursonis iudicis aliorumque
bonorum hominum subscriptorum testium. Quoniam habeo vineas
in loco qui vocatur lama. iuxta vineam pascalis olim filii desigii presbiteri
maraldi. et aptum est mihi ex eis donare unum quadragenale ecclesie
sancti liunardi. in manus scilicet domini viti eiusdem ecclesie prioris et
domini benedicti eius confratris. ex quacumque parte supradictarum vinearum
. . . . . . . . . . . . . . . . . . . . . . . . . . . . . . . . . . . . . .
supradictum iudicem et subscriptos testes . . . . . . . . . . . . . . . . .
. . . . . . . . qui supra domino vito priori et domino benedicto tuo confratri.
vobiscum astante atque recipiente sassonem olim filio . . . . . advocatorem
vestro. ad utilitatem. et proprietatem prefate aecclesiae sancti liunardi
. . . . . . hic mea donatione presentiarum recepi a vobis launegilt. scilicet
unam pellem gattinam. coopertam . . . getto finitam vero launegilt.
124
apud me dico habere. insuper his ita prelibatis bona mea voluntate. ego
prenominatus falco ante supradictum iudicem et subscriptos testes. trasactive
offero me te et per fustem trado universam meam substantiam. stabilem
atque mobilem. excepta quartula uxoris meae. prenominatae ecclesiae.
recipiente vobiscum predicto advocatore vestro. hac conditione. ut nec ego.
neque mei heredes. de predicta mea substantia. nec vendendi. nec donandi.
neque vicariandi potestatem habeamus. Quin etiam dum vixero calciamenta
vestra. omniumque vestrorum confratrum suere. et coria aptare.
ad totum dispendium vestrum. sanitate prehevitte debeam. Et pro hac
mea offertione. et servitio. a vobis. et a vestris successoribus. in benedictione
tantum habere debeam. scilicet in unoquoque anno duodecim copella
frumenti sipontina. et unum porcum quindecim denariorum. Que omnia.
si filium habuero. et hoc servitum facere potuerit. a vobis. vel a vestris
successoribus similiter habeat. Quod si facere nescierit. nichil a prefata
ecclesia extra voluntatem vestrum vestrorumque confratrum consequatur.
Immo pro ipsa tota hereditate. quam tenuerit. excepto predicto quadragenali.
et quartula uxoris meae in unoquoque anno pro incenso in festivitate
sancti liunardi. quindecim denarios persolvat. Item si filiam habuero
et ad maritum venerit. prefata substantia non diminuatur. set parili
ratione predictum incensum ipsi aeclesiae ab ipsa filia persolvatur. Quod
si ego. vel mei filii sine legitimis filiis ex hoc seculo decesserimus. tota
ipsa substantia prefatae aecclesiae deveniat. Unde pro confirmanda. et stabilienda
hac donatione et offertione quae prememoratus voluntarie ante supradictum
iudicem. et subscriptos testes. guadiam vobis qui supra domino
vito priori prefate ecclesie. et domino benedicto. tuo confratri. dedi. vobiscum
astante. atque recipiente iam dicto advocatore vestro et mediatorem.
posui petrum. olim filium desigii. et girardum senescalcum. Ea videlicet
ratione. quatinus omni tempore ego. et mei heredes . . . . . vobis vel vestris
successoribus antistatores: atque defensores de predicta donatione. et
offertione nostra. ab omnibus hominibus omnibusque partibus exinde nocere
volentibus. nec non et a quartula uxoris meae et ab eius mundualdis.
Quod si adimplere noluerimus. seu non poterimus rationem. vel litem
exinde vobiscum. vel cum vestris successoribus commiserimus. vel
125
hanc cartulam irritam. vel falsam quovis modo ad maximo esse dixerimus.
tunc componamus vobis quinquaginta solidos aureos romanatos bonos.
hoc scripto in suo robore permanente. per predictam guadiam. et
mediatores. Unde et nos qui supra mediatores. tribuimus nos. nostrosque
heredes. ad pignus. per omnia nostra pignora legitima. et illegitima. absque
omnium calumpnia. donec impleatur quod prelegitur. Quam cartulam scripsi
ego urso notarius quia interfui. Actum est feliciter in anno. et indictione
supranominata.
+ . . . . . . . . qui Iudex urso notarius
+ DEMETRIUS EN EGO TESTOR
|