|
384
(Sn) In Dei nomine. Anno dominice incarnationis millesimo c. lxxv, Frederico
regnante, mense ianuario, iudictione VIII. Constat nos dominus Adanulfus prepositus,
dominus Rusticus archidiaconus et dominus Bruno et Gregorius canonicus et presbiter
Ildebrandus et presbiter Albertus et magister Guittone et Moyses et Maiano
et Leonardus et Marsilius et Berardus canonici sancti Donati ęcclesię, qualiter per hoc
scriptum transactionis, finitionis atque refutationis, stantie et convenientie, perpetue
obligationis, finimus, refutamus et modis omnibus remittimus tibi domino Placito abbati
de Urano, recipienti vice domini Ildebrandi prioris camaldulensis et fratrum suorum
sive suorum successorum in perpetuum, scilicet omnes possessiones et pertinentias prediorum
urbanorum et rusticorum, que olim fnerunt Quintavallis et Astuldi, quocumque
modo nobis per locationem a predicto priore factam nobis pertinere visum est, idest
castrum de Planettole cum curte sua et castrum di Valianla cum curte vel ubicumque de
predictis bonis esse dignoscuntur, excepto omni iure et actione, quam predictus prior aut
camaldulensis ecclesia habet in castro et curte de Toppole, et nobis per suprascriptam
refutationem et transactionem et diffinitione concessit; salvo eo quod si homines de Toppole
vel ęcclesia habent possessiones in curte de Planettole, et ita ut usque modo tenuerunt in
posterum teneant; et si homines de Planettole vel ecclesia habent possessiones in curte de
Toppole, ita ut usque modo tenuerunt, in posterum similiter teneant: consuetudine tamen
servata omnis servitii unicuique castro, prout hactenus servatum est. Item finimus vobis
et refutamus castrum de Moiona cum curte eius et totum ac integrum illud quod eo loci
habemus tibi domina Placito, similiter recipienti vice suprascripti prioris et successorum
eius in perpetuum. Promittimus et obligamus etiam nos suprascripti prepositus et canonici
nostrosque successores tibi Placito, recipienti vice suprascripti prioris eiusque saccessoribus
in perpetuum, omnia predicta, per bonam fidem, sine omni fraude observare, et firma et
inconcussa tenere, et non contra predicta aliquo modo agere, neque causare, vel per placitum
aut extra fatigare per nos vel per summissam aut summittendam a nobis personam,
non per imperialem vel ecclesiasticam personam, unde aliquod damnum predicto priori
vel eius successoribus unquam contingere possit. Et si omnia predicta non observaverimus
nos nostrique successores in perpetuum tibi Placito pro predicto priore eiusque successoribus
penam dupli, que in diffinitione deducta est, componere promittimus. Insuper
promittimus tibi pro predicto priore et eius successoribus castrum de Toppole
et omnia que nobis concessistis non alienaturos alicui persone, nisi vobis predictis, si
tamen vos tantum dare volueritis quantum sine astu ab aliis habere potuerimus, alioquin
liceat eas alienare cui voluerimus. Unde hoc scriptum fieri rogavimus. Actum in claustro
ecclesie sancti Donati feliciter.
**Signa manuum suprascripti propositi et canonicorum, qui hoc scriptum fieri rogaverunt.
***Signa manuum Rainerii iudicis et Tancredi Richelde et Johannis et Crai et
Ugonis de Pescia et Pelegrini rogatorum testium.
† Ego Adanulfus aretinus prepositus ssi. † Ego Rusticus archidiaconus ss. Ego Prior
sancti Ansani ss. † Ego presbiter Maianus canonicus ss. † Ego Moyses presbiter et
canonicus ss. Ego Ildebrandus presbiter et canonicus ss. † Ego Albertus presbiter et
canonicus ss. Ego Brunus diaconus et canonicus ss. † Ego Presbiter diaconus et canonicus
ss. † Ego Cristoforus diaconus et canonicus ss. † Ego Gregorius canonicus ss.
p. 514
† Ego Berardus subdiaconus et canonicus ss. † Ego Marsilius canonicus subdiaconus ss.
† Ego Leonardus canonicus ss.
(Sn.) Ego Niger iudex ac notarius scripsi et complevi.
| |