|
429.
In Christi nomine amen. A nativitate Domini anno millesimo centesimo nonagesimo
octavo, indictione prima, mense madii, Innocentio papa sancte Romane ecclesie presidente,
imperio imperatoris vacante. In nomine sancte et individue trinitatis. Ad honorem
Dei et beate Marie virginis et beati Donati et beati Herculani. Nos Nigerbottus,
Saltus, Ildebrandinus et Matheus, pro civitate Aritii consules et successoribus nostris
in offitio Communis Aritii, et ego Iohannes Bonicomitis potestas et rector civitatis Perusii
et successoribus meis in offitio Perusine civitatis, talem pacem et concordiam et ordinamentum
facimus inter nos et predictas civitates et homines earumdem et suorum
districtuum, qui nunc sunt vel in antea erunt: quot teneantur inter se salvare et guardare
personas et bona sive avere, et non ofendere in comuni divisoque, et adiuvare
cum omni nostra fortia et posse ad Castilionem clusinum et Castilionem Aretinum,
p. 53
pro posse, ad voluntatem civitatum rectoris vel rectorum qui sunt vel erunt pro tempore
in civitate, pro cuius negotio altera ierit, sine fraude et malitia. In nostris negotiis
inter nos bonum iter faciemus et non malum: comitatum sive episcopatum aretinum
et perusinum, qui est inter Perusium et Aritium, non tollemus inter nos, nec minuemus;
et si aliquis abstulerit vel auferre temptaverit, adiuvabimus pro posse nostro sine
fraude. Homines qui sunt de Clusio vel erunt et fuerunt, et nominatim hii qui sunt
in Castilione Clusino, non permittemus alibi habitare inter Aritium et Perusium nisi
in antiquis eorum resediis; et si contrafacere temptaverint, inter nos adiuvabimus sine
fraude. Et non erimus in dicto vel facto quod, Castilione Clusino destructo vel Castilione
Aretino, unquam reficiantur; Clusium per medium partiamur. Fines hii sunt: a
Vaiano versus Aritium et ctanis et Lacus, ila quod medielatem habeat Aritium versus
se, et Perusium aliam medietatem versus se; excepto Castilione Clusino destructo,
terreno et curte antiqua, qui remanebit civitati Perusine, et sua curte. Et si discordia
inter nos apparuerit de hoc, eligemus duos homines unum de Perusio et unum de
Aritio, qui intra xl dies bona fide sine fraude componant. Cum Panço finem vel menamentum
vel concordiam faciemus sine consensu rectorum Aritii et Perusii. De facto
Burgi sancti Sepulchri et Civitatis Castelli teneamur concordare bona fide, sine fraude;
et contrarium non facere, salvo honore Aritii et Perusii. Credentias quas inter nos sacramento
dabimus ita tenebimus; consilia, quot inter nos petierimus per sacramentum,
meliora dabimus que cognoscemus; inter nos vicissim rationem faciemus, vel conventum
quod placeat partibus. Et faciemus iurare uni per domos, et renovare de x in decem annos,
et hec inter etatem habentes XVIII annos. In omnibus predictis discordiam non faciemus
studiose; quod si fecerimus, ultra XXX dies emendabimus ad dictum duorum bonorum
hominum, unum de Aritio per Comune alium de Perusio, vel ad alium terminum ab
eis constitutum; salvo dominio et bona usançia quam debent habere Marchiones in
Clusio. Cum Cortonensibus nullam novam firmitatem faciemus; inter nos adiuvabimus,
salvis iuramentis antiquis, que ei Cortone fecimus. Et unusquisque per tempora teneat
hoc iurare. Perusini autem non teneant nos iuvare contra Marchiones, preter ad Castellionem
Aretinum et curtem eius, et in hiis que nunc habent, iure vel bona consuetudine.
Teneamur autem bona fide sine fraude extr(a)ere nostros de Castellione, et si
noluerint, in suis bonis punire; set si exire voluerint et ibi capti fuerint, reddemus eos
et sua et avere. Quod si abbas de Capiteleonis convenire voluerit, sicut conventum est,
dabimus nos de Perusio ccc libras (denariorum) pisanorum. Et si Castellione Aretinum
destrueretur, tantundem dabimus Marchionibus, si ex conventu eorum destrueretur, et
pro minori facere teneamur bona fide, sine fraude.
Acta sunt hec in obsidione Castilionis Clusini, in tentorio Iohannis Bonicomitis Perusinorum
potestatis, coram Tribaldo Gualfredutii Marcholi, Petro iudice, Benvegnate
Bernardi Uguitionis, Tudino Orlandini et aliis pluribus.
(Sn.) Ego Iacobinus imperialis aule notarius suprascriptis rogatus interfui et scripis
et in publicam formam redegi.
| |