|
+ In nomine domini nostri Iesu Christi. Quinto anno imperi
domno Romano Dyogeni sanctissimo imperatore
nostro, mense magio indictione decima. En ego Petronus
Domini gratia comes quadam die, dum residerem in domo
mea Tarentine civitatis cum meis magnatibus, affuit
ante nostra presentia Ursonem venerabilem abbatem Sancti
Benedicti nostri monasterii predicte civitatis Tarenti et petiit
a nobis dari eidem monasterio ecclesiam Sancti
Georgii nostre pertinentie Tarentine intus in Gualda. tunc
a nobis quesitum consilium a nostris fidelibus et per consensu
et bona voluntate mei dilectissimi nepoti et seniori domni
Riccardi incliti comiti, directis a nobis nostris fidelibus
qui de loco in locum bene discerne[r]ent, et per fustem
quam et per anc cartulam tradidimus sub potestate Sancti
Benedicti iamdictam ecclesiam Sancti Georgii cum pertinentiis
et vocabulis a nos ibidem datis in sempiternum, cuius
fines dicimus esse: a parte orientis a locum qui Carbunico
vocatur usque ad lacum qui dicitur Pepinus; a borea lama
que pergit et ponit caput in ipsa lama ubi se dividet ipsum
parietem grossum et per ipsa serretella que ponit ad
locum qui vocatur Abellanana et rectum asscendente
usque Pesara et descendens quasi in parte septemtrionis per
ipsa lama usque ad ipsa strata puplica, et per ipsa strata
que est in parte occidentis usque ad ipsa cupa que Lauritus
dicitur, usque in facie de ipsa grutta que dicitur de
lu Orbu; a meridie vero parte ipsa murice usque in priore
fine. hoc autem concedimus totum Deo (et) Sancto Benedicto
ad abendum, dominandum, poscidendum et omnem utilitatem
predicti monasterii ibidem faciendum perpetuis et futuris
temporibus in sempiternum, ad remedium et salutem
anime nostre et gloriosissimi patri mei magni comiti
domni Petroni atque fratri et domini mei Ioffride et
anime uxori sue Audoyse. sic tamen illut concedimus cum
foveis et aquariis et cum omnia infra se abentibus, cum trasitis
et exitis suis. et aquatico et glandatico et herbatico
et terratico et quantumcumque refugium inde exierit, ex
toto omnino totum concedimus esse Sancti Benedicti monasterium
et nullam contrarietatem nec perturbationem a nobis
nec a nostris heredibus et posterioribus nostris eidem sancto
monasterio exinde presumamus inferre. quod si quis presumserit
et anc nostram offertionem de supradicto monasterio
subtrahere temtaverit et eam irritam facere quesierit
et ammonitus non emendaverit, habeat maledictionem a Patre
et Filio et Spiritu Sancto et a perpetua virgo Maria et a
trecenti decem et octo sancti patres et alienus sit a christianorum
fide in sempiternum. Unde pro confirmandam et
stabiliscendam hanc nostram donationem eidem sancto monasterio,
scribere iussimus cartulam hanc et meum proprium
nomen scribere feci et mea propria manu signum vivifice
crucis signavi, et meo sigillo vullabi et idoneis testibus
una cum domno Riccardo comiti nepoti et seniori meo
roborari fecimus, ut firmis et stabilis maneat in sempiternum.
Quam te Petrus protonotarius scribere precepimus
mense et indictione pretextata. S.
+ Signum manu domni Ricardi Dei gratia comti.
+ Signum Petroni Domini gratia comitis qui anc cartulam
fieri iussit.
+ Oialdus.
+ Signum Herberti vicecomitis.
+ GRECO.
SPD
| |