In nomine domini dei salvatoris nostri iesu christi imperante domino
nostro Constantino porfirogenito magno imperatore anno tricesimo primo sed
et romano magno imperatore anno octabodecimo: Die vicesima nona mensis
ianuarii indictione duodecima neapoli: Certum est nos iohannem et stephanum
seu theodonanda honesta femina germanis filiis et filia quidem domini
sergii magnifici et quidem marie honesta femina iugalium personarum. una
cum consensum nominati genitori nostri. simul et ego nominata theodonanda
honesta femina cum voluntate presenti domini marini viri mei. A
presenti die promtissima voluntate pro mercede et salvationis anime quidem
maru . . . . . . germane nostre Offerre et offerimus adque in presenti
contradidimus vobis et nomini vestro beati seberi christi confessori et
per vos in sancta hac venerabili vestra ecclesia qui sita esse videtur in
platea que vocatur radia solis qui et gurgite dicitur regione summa platea
per manus tua presenti domini mauri venerabilis presbiteri qui ibidem custus
esse videris presentibus et futuris in sempiternum pro solidos quos
dare habuimus pro anime nominate germane nostre per manibus tui simul
et per manus domini sergii filii domini christophori quidem tribuni:
IDest in integro duas petias nostras de terras quas vocantur et ponitur in
loco qui vocatur nepetianum quod est in capu de clibo maiore secus galloro
una cum arvoribus et introitas earum omnibusque eis generaliter
pertinentibus. Coherente sivi una ex ea hab uno latere terra iohannis filio
pantaleoni comitis simul et terra heredum quidem leoni de funtanula. et
ex alio latere terra domini theofilacti thii nostri. et de uno capite terra
iohannis thii nostri filii domini mastali. ad vero alio capite terra iohannis
barunculi. alia vero petia quod est in illo ribo De quibus nihil nobis intus
nominatas coherentias nec de nominata petia que est in ipso ribo remansit
aut reservavimus nec in alienam personam commisimus potestatem. Ita ut
ha nunc et deinceps prenominatas integras duas petias nostras de terras quas
vocantur et ponitur i nepetianum in capu de clibo maiore iuxta galloro
una vero ex ea qualiter per nominatas coherentias vobis ea insinuavimus
alia vero sita in ipso ribo utrasque cum arvoribus et introitas earum
omnibusque eis pertinentibus unde nihil nobis exinde reservavimus set in
integro sicut superius legitur a nobis vobis nominataque vestre ecclesie sint
oblatas per manus tua nominati domini mauri venerabilis presbiteri in tua
posterisque tuis sint potestate at habendum ibi illas in sempiternum. et neque
a nobis nominato iohanne et stephano seu theodonanda honesta femina
germana cum voluntate nominati domini sergii et domini marini genitori
et cognati seu viri nostri neque a nostris heredibus nec a nobis summissis
personis nullo tempore numquam tu nominatus maurus venerabilis presbiter
aut posteris tuis nec nominata ecclesia sancti seberi habeatis exinde aliquando
quacumque requesitione per nullum modum in perpetuum: sed tu
et posteris tuis ha nunc et in perpetuum omnes eodommada ad nomine
nominate germane nostre in quinta feria exinde canere debeatis missa una.
et nullatenus presummet tu aut posteris tuis aut alia quavis persona nominatas
duas terras a potestate et condicione nominate ecclesie subtrahere aut
alienare. et si hoc facere presumseritis tunc omni tempore liceas nos et
heredes nostris eas appreendere et in eadem ecclesia eas rebocare ad habendum
ibi illas in sempiternum Quia ita nobis complacui: Si autem nos aut
heredes nostris quovis tempore contra hanc chartulam oblationis ut super
legitur venire presumserimus per quovis modum aut summissis personis.
tunc componimus tibi posterisque tuis nominataque vestre ecclesie auri
solidos viginti bytianteos et hec chartula qualiter continet firma permaneat
in perpetuum. scripta per manus iohannis curialis per indictione nominata
duodecima +
Hoc signum + manus nominate theodonande cum voluntate nominati
viri sui ego qui nominatos pro ei subscripsi
+ ego sergius subscripsi +
+ ego iohannes subscripsi +
+ ego stephanus subscripsi +
+ ego stephanus filius domini theodosii tribuni rogatus a suprascriptas
personas testi subscripsi +
+ ego cristoforus filius domini mauri medici rogatus a suprascriptas
personas testi subscripsi +
+ ego campulus filius domini iohannis rogatus a suprascriptas personas
testi subscripsi +
+ Ego iohannes curialis qui nominatos post subscriptionem testium
complevi et absolvi die et indictione +
|