|
+ In nomine domini Dei eterni et salbatoris nostri Iesu Christi.
Anno ab incarnatione eius millesimo septuagesimo nono, temporibus
domini nostri Robberti gloriosissimi ducis, mense iunio concurrente
indictione secunda. Ante me Iohannem iudicem Iohannes
monachus et prepositus monastterii Beati confessoris Nikolai,
quod constructum est intra hanc Salernitanam civitatem ubi a la
Palma dicitur pertinens monasterio Sanctæ et individuæ Trinitatis
sito foris hac civitate in loco Metiliano cui scilicet monastterio
domnus Petrus gratia Dei abbas preesse videtur, coniunctus est
cum Petro filio quondam Ursi Atrianensis et ipse Petrus clarificavit
sibi pertinere duas pecias terrarum cum vineis et pomiferis
foris hac civitate in loco Pastorano, quarum una est per fines
et mensuras iusto passu hominis mensuratas: a parte
septemtrionis est finis media sepes et limes quod est inter hanc
terram et terram cum vinea suprascripti monastterii Sancti Nikolai,
et intra ipsam terram prope ipsam finem recte mensurati a via quæ
est a parte orientis pergente in partem occidentis passus
quadraginta et sex et ab inde vadit in partem occidentis per mediam
ipsam sepem et limitem intra ipsam terram prope ipsam
finem recte mensurati passus triginta; a parte orientis finis
ipsa via et prope eam intra ipsam terram mensurati passus viginti
usque terminum; a parte meridiei est finis aliorum et passus
quadraginta et sex, et est ibi lata ista terra recte in parte
septemtrionis usque mediam ipsam sepem et limitem passus
decem et octo qui coniungunt in eum locum in quo conpleti sunt
mensurando ipsi priores quadraginta et sex passus, et ab ipsis quadraginta
et sex posterioribus passibus conpletis vadit in partem
occidentis usque mediam sepem que est inter hanc et terram
cum vinea suprascripti monastterii; ab ipsa parte occidentis est
finis media ipsa sepes et prope eam intra ipsam terram mensurati
passus viginti. altera vero ubi ad Olibam dicitur simili modo
est per fines et mensuras suprascripto passu hominis mensuratas:
a parte occidentis est finis media sepes et prope eam intra ipsam
terram mensurati passus quadraginta octo; a parte meridiei
finis media sepes et limes et intra ipsam terram prope ipsam
finem mensurati passus triginta quinque et revolvit quasi in
partem septemtrionis sicut media ipsa sepes discernit intra
ipsam terram prope ipsam sepem mensuratis passibus sex et revolvit
in partem orientis sicut media sepes et limes discernunt
intra ipsam terram iuxta ipsam sepem et limitem mensurati
passus octo; ab ipsa parte orientis est finis media sepes
quæ est inter hanc terram et terram cum vinea suprascripti
monastterii Sancti Nikolay et intra ipsam terram prope ipsam
sepem mensurati passus viginti nobem et revolvit in ipsa
parte orientis secus finem suprascripti monastterii sicut
media sepes et limes discernunt passus tredecim et revolvit
in partem septemtrionis iuxta eandem finem
ipsius monastterii sicut media sepes discernit passus decem et
octo, et ab ipsa parte septemtrionis finis terra cum vinea ipsius
monastterii sicut media sepes discernit et finis via publica
in qua ego vicem habeo et discernit a terra cum vinea michi pertinente,
et intra ipsam terram prope ipsam sepem et viam mensurati
passus sexaginta duo et medium. et volebat ipse Petrus ambas
suprascriptas pecias terrarum iamdicto preposito pro parte ipsius
monastterii Sancti Nikolay commutare et recipere ab eo alteram terram
cum vinea ipsi monastterio pertinentem, quæ est in eodem loco
Pastorano per fines et mensuras suprascripto passu hominis
mensuratas: a parte orientis est finis via et erga eam mensurati
passus viginti quinque; a parte septemtrionis est finis ipsius
Petri; a parte occidentis similiter finis via in qua ego vicem
habeo et ab aliis rebus meis discernit; a parte meridiei est finis
terra puellaris monastterii Sanctæ Mariæ, cum qua hanc terram quam
isdem Petrus ut dictum est recipere volebat ab ipsa parte occidentis
equalis mensure esse dixerunt et quasi in medio sunt
passus viginti quattuor. et dum hec commutatio hutrique parti fieri
placeret et magis parti ipsius monasterii congrueret eo quod id
quod ipse Petrus dare volebat remelioratum apparebat et parti ipsius
monastterii omnino bonum ebenire videretur, sicut ipsi Petro
congruum fuit, sua voluntate per convenientiam per hanc cartulam
commutationis ordine tradidit suprascripto preposito pro parte
ipsius monastterii Sancti Nikolai integras ambas suprascriptas pecias
terrarum quas superius sibi pertinere clarificavit per iamdictas
fines et mensuras cum omnibus que intra eas sunt cunctisque earum
pertinentiis et cum vice de ipsis viis, dum tamen consensus
suprascripti domni abbatis precederet et ydonei homines quorum
fides admittitur interessent. ea ratione ut hoc totum et integrum
quod ipse Petrus ut dictum est tradidit semper sit in potestate
partis ipsius monastterii Sancti Nikolay, et pars ipsius monastterii
licentiam habeat de eo facere quod voluerit; et propter confirmationem
huius commutationis ipse Petrus filius Ursi suscepit ab
ipso preposito pro parte ipsius monastterii integram suprascriptam
terram cum vinea ipsius monastterii per ipsas posteriores fines
et mensuras, quæ et quondam fuerat Mauri et Letitiæ sororis eius
patrui et amitæ ipsius Petri et ab eis in eodem monastterio per firmas
cartulas fuerat oblata cum omnibus que intra eam sunt cunctisque
eius pertinentiis et cum vice de ipsis viis quibus coniuncta
est. ea ratione ut semper sit in potestate ipsius Petri et heredum
eius et liceat illum et eius heredes de eo facere quod voluerint;
et per convenientiam ipse Petrus guadiam suprascripto preposito
pro parte ipsius monastterii Sancti Nikolai dedit et fideiussores
ei posuit semetipsum et Iohannem notarium filium quondam
Truppoaldi notarii, et per ipsam guadiam obligavit se et suos heredes
semper defendere parti ipsius monastterii integrum illud
quod sicut suprascriptum est tradidit ab omnibus hominibus, et licentiam
ipse Petrus tribuit ut, quotiens pars ipsius monastterii voluerit,
potestatem habeat illud per se defendere qualiter voluerit cum
omnibus muniminibus et rationibus quas de eo ostenderint. et si sicut
superius scriptum est ipse Petrus et eius heredes parti ipsius
monastterii non adimpleverint et suprascripta vel ex eis quicquam
removere aut contradicere presumpserint, per ipsam guadiam
obligavit se et suos heredes componere parti ipsius monastterii
centum auri solidos consttantinatos. omnia autem suprascripta
fecit ipse prepositus per licentiam suprascripta domni
abbatis. et quod superius disturbatum est in uno loco legitur: "monasterii"
et in alio: "filius Ursi" et in alio: "et". Et taliter
ibi Grimoaldo notario scribere precepi. S.
+ Ego qui super Iohannes iudex.
+ Ego Iohannes notarius me subscripsi.
| |