|
349
+ In Dei nomine. Anno ab incarnacione eius millesimo nonagesimo
secundo, mense marcii, indictione XV, principatu dopni Ricchardi filii Iordani
principis. Ego Rodulfus cognomine de Molisio, Dei gratia comes patrie Boianensis,
conpunctus recordacione delictorum meorum ex rebus meis propriis,
quas teneo stabili iure et possideo ex dono et concessione Ricchardi Capuane
gloriosi principis et post decessum eius similiter ex dono dompni Iordani prefate
civitatis incliti principis, qui ambo principatum suum ex dono et munimine pape
necnon et imperatoris tenuisse noscuntur, una cum filiis meis Ugone scilicet
350
comite et Rogerio, pro redempcione anime mee et remissione peccatorum
meorum et Ugonis filii mei et Rogerii et Roberti nepotis mei filii Roberti
filii mei et pro redempcione anime patris mei Guimundi et matris mee Emme
et filiorum meorum Roberti et Rodulfi et Guimmudi, nec non et Alferade uxoris
mee iam defunte, et filiarum mearum Adelicie et Beatricis, in monasterio
Sancti Benedicti in castro Casino constructo dedi concessi spontanee ego et Ugo
comes filius meus mecum et Rogerius alter filius meus ecclesiam Sancte Crucis
cum ipsis casalibus de Peschis et Valneo et cum omnibus suis pertinenciis,
ubicumque eis pertinet, que ecclesia Sancte Crucis constructa esse videtur in
comitatu Insernie et infra fines eiusdem civitatis supra locum qui Pescha vocatur
et habet has fines: a prima fine incipiente ubi dicitur Pallatorum et pergit
ad vallem Iohannis Savoni, inde mergit in vallem de Termino et vadit per pedem
de costa de Pantera et descendit in Pallarum de Rao, et postmodum mergit
in plagias de Mandris, deinde vadit ad vicendam de Casali; a secunda fine
incipiente ubi dicitur Fontana de Guido deinde mergit in flumen quod dicitur
Scultura et pergit per trepidicum dicti fluminis et vadit usque in locum ubi dicitur
le Limate, deinde ascendit ad locum ubi dicitur Dardene postmodum
salit ad locum qui dicitur Vallonus Puccillus et pergit ad Cesam de Schalarano,
deinde mergit per medium vallis Sancte Marie et quomodo salit in collem
Calandronem et mergit in cesam Palumbani; a tercia fine incipiente via
antiqua ubi dicitur le Valle deinde mergit in vallem de Cerro et vadit in collem
Ianaduni et postmodum descendit et vadit ad ces am Raynoni deinde pergit in
vallonem ubi dicitur Rius et vadit et transversat versus viam conmunem per
pedem campi Landoni et quomodo mer git in fontem Valvensem et transversat
per pedem fontis de Sala, deinde mergit per pedem curtis Raynaldi; a quarta
fine incipiente flumine ubi dicitur Lavatorium de Peschis et pergit per pedem
de costa Collis Alti et salit ad locum ubi dicitur Cerasola et deinde descendit et
pergit per faldas Maranas et ascendit per medium collis Lorineti et quomodo
vadit ad locum ubi dicitur Valinguni deinde ascendit ad locum ubi dicitur le
Carpineta et salit et pergit ad area Petri Naldolfi deinde ascendit ad area dopni
Raoni et pergit ad plagias Bernardas et vadit usque ad primas fines. Hanc
iamdictam ecclesiam Sancte Crucis cum ipso supradicto casale et omnia que ad
eam pertinent, damus et concedimus et stabili iure firmamus in predicto monasterio
Sancti Benedicti libere et absolute nec in eis aliquid ius potestatem vel
redditum nobis et nostris heredibus reservamus pro redempcione animarum
nostrarum et parentum nostrorum vivorum et defuntorum qui suprascripta sunt
vel subscribentur id est fratrum meorum Roberti Ugonis Antonii Guimmundi
352
Alani Strostaini per manus dompni abbatis Odoris ii vite venerabilis viri ante
presenciam dompni Leonis Inserniensis episcopi hanc donacionem laudantes et
confirmantes et ante presenciam Yndulfi iudicis et Iohannis vice comitis Inserniensis
et aliorum bonorum hominum, ita ut deinceps omni tempore firmiter
et sine contradiccione nostra et heredum nostrorum et sine alicuius contradiccione
teneat et possideat. Quod si quis temerario ausu hanc tradicionem
infirmare presumpserit, iudicio coactus componat centum quinquaginta libras
auri purissimi in iamdicto Sancti Benedicti venerabili monasterio et dompno
Odorisio et successoribus eius in Domino, et insuper velit nolit tacitus maneat
et anathematis vinculo subiaceat dampnandus cum Iuda proditore Domini,
nisi resipiscat. Et hec cartula in omnibus de quibus continet firma et stabilis
permaneat semper. Quam te Anzerane notarium civitatis Insernie scribere rogavimus
in Castro Carpinone ante presenciam subscriptorum testium.
Feliciter.
+ Ego Leo Dei nutu Inserniensis episcopus confirmo.
+ Ego Rodulfus comes confirmo.
+ Ego Ugo comes confirmo.
+ Ego Rogerius confirmo.
+ Ego qui supra Indulfus iudex.
+ Ego Iohannes de Carpinone vice comes.
+ Ego Anserius de Pectorano.
+ Ego Iohannes Turturis.
| |