|
In nomine Dei eterni amen. Hoc est exemplum instrumentorum Comunis Aretii,exemplatorum
per Marsupinum et Amanuatum notarius ad hoc constitutos,ad pehrennem rei memoriam,secundum
formam Constituti Comunis Aretii,de mandato et auctoritate domini Rolandini Mariscoti de
Carbonis potestatis Aretii(1) et suorum iudicum et assessorum.videlicet dominorum Nicolai de
Tincarariis et Dondedei Marchisini, tempore dicte potestatis. Tener quarum(a)talis est:
In Dei nomine.Anno Domini MCCI,ydus septembris,post obitum Henrici imperatoris imperio
vacante,Innocentio papa residente, indictione IIIa.Manifesti sumus nos
Ugulinus et Bonuscomes fratres filii olim Ugonis comitis,et ego Guido comes filius
condam Teberti (2), qualiter per hanc cartam donationis inter vivos damus, tradimus
atque concedimus tibi Rainaldo filio olim Bostule camerario Comunis Aretii, recipienti pro
Comune Aretine civitatis, et generaliter pro omnibus hominibus habitantibus et habitantis
in predicta civitate et burgis et suburgis eius, in perpetuum,unum podium iuris nostri positum
in comitatu Aretii, cuius vocabulum est Meloncellum, a strata de Carmognano usque ad
montem qui dicitur Piallum, et a Bregale usque ad viam qua itur ad Carbognanum et siqui alii
sunt confines; cum omnibus que continet supra et infra se et
sub se, omnique iure suo. Iamdictum itaque podium, ut prediximus, insuper et omne
ius et actionem quod et quam habemus in eo donamus, tradimus, cedimus et concedimus
tibi prefato Rainaldo, recipienti pro dicta universitate, et investitorem tibi dedimus Rainerium
Prioris, qui te corpolariter pro dicto Comune seu universitate ex dicto
podio in tenimentum micteret, ad habendum, tenendum et possidendum, et quicquid dicto
Comuni et universitati deinceps suo iure placuerit faciendum, sine omni nostra nostrorumque
heredum molestia vel litis contradictione. Unde meritum confessi sumus recepisse
secundum legem, et si quid iuris meriti aut qualibet alia occasione in hoc nobis
competebat, in totum renuntiamus. Ab omni quoque homine predictam rem defendere
et guarentare atque legiptime autorictare tibi recipienti, ut supra legitur, pro dicto
Comuni promictimus. Et si nos aut nostri heredes supradicta omnia firmiter semper
nos observaverimus, pene nomine quinquecentum marchas optimi argenti tibi prenominato
Rinaldo ac tuis heredibus dare promictimus, renuntiantes omni exceptioni et
legis auxilio; et pena soluta, omnia supradicta firmiter semper tenere spondemus. Unde
hanc cartam scribere rogavimus, et per dictam Comune prefatum podium nos possidere
constitemus. Actum in ipso podio feliciter. Signa manus Rainerii Prioris Teste (1),
Guelti olim Bostole, Guidonis filii comitis Guidonis Guerre, Rainerii de Classe, Ildebrandini
de Petramala et aliorum multorum rogatorum testium.
Ego Omnebonum notarius rogatus scrispsi et complevi.
Ego Marsupinus not. condam Rainerii Giravallis,prout inveni in instrumento manu Omneboni
notarii confecto,ita hic scripsi et exemplavi,nichil addens vel minuens.
| |