+ In nomine domini dei salvatoris nostri Ihesu Christi Imperante domino
nostro basilio magno Imperatore anno tricesimo sexto. sed et constantino
magno Imperatore frater eius anno tricesimo tertio. Die vicesima
mensis aprilis indictione nona neapoli: Certum est me petrum filium quondam
grimmi de loco qui vocatur sanctum petrum ad paternum. A presenti die
promtissima voluntate promitto vobis domino filippo venerabili ygumeno
monasterii sanctorum sergii et bachi qui nunc congregatus es in monasterio
sanctorum theodori et sebastiani qui appellatur casapicta situm in viridario.
propter ex parte de fundum vestrum hoc est in media loca simulque
una cum pischina et puteum et susceptorium suum et cum casa super se
cooperta cum palea et cum introitum suum omnibusque. sivi pertinentibus.
qualiter inter hoc quem mihi dedistis et inter reliquum quem exinde in vestra
reservastis potestatem a parte hoccidentis et meridiana termines exfinat.
primum terminum quem fiximus a parte septemtrionis iuxta cassaria vestra
abinde rectum in parte meridiana in secundo termine et abinde redit in
parte horientis in tertio termine. et ab ipso tertio termine iterum advolvit
rectum in eadem parte septemtrionis in sepe qui exfinat inter fundum heredum
lupi filio domini leoni medici et inter clusuria de terra ursi medici
exadelfi sui. quamque et propter reliquum ex ipsum fundum vestrum qui
remansit a parte horientis una cum corrigia de terra iuxta se et cum reliquas
omnes terras vestras quos habetis in memorato loco ad sanctum petrum
cum arvoribus fructiferis vel infructiferis et cum introitas earum omnibusque.
eis pertinentibus: excepto quantum nunc exinde detinet quidem
stephano defiso nostro de campum nostrum qui vocatur balesanum a parte
horientis iuxta terra de illi schintilla. et excepto quantum ipse stephano
defiso vestro in illa cesula detinet. et excepta inclita terra que nominatur
de domino andrea et excepto inclitum fundiciolum qui est iuxta fundum
heredum domini stephani filio domini leoni quas insimul in vestra reservastis
potestatem: que vero ipsum ex parte ex ipsum fundum vestrum qualiter
superius exegregavimus una cum omnibus memoratis ut super legitur.
excepto quantum superius exinde exceptuastis dedistis mihi et ad filiis meis
masculis quos habeo vel habuero in colligio at lavorandum et detinendum.
In eo enim tenore ut nos ibidem superhavitare et residere debeamus et
ipsum reliquum ex ipsum fundum qui est a parte horientis una cum ipsa
corrigia et cum ipsas omnes terras vestras. excepto quantum superius exceptuastis
omni annuo apto tempore subtus et super bene diligenter lavorare
et colere seu at meliorem cultum perducere debeamus in omnibus cum
vobes nostros et conciaturia seu operarios et sumpta vel omnia expensa.
caucumminas et vites seu fructoras ubi necessum fuerit omni annuo ibidem
ponendi et plantandi seu potandi et propaginandi et albaciandi et sepes eius
emarginandi et de nostra sementes illud seminandi. quamque sarire et felicandi
mundandi et adimplendi omnia et in omnibus quidquid omni annuo
inferius et superius ibi necessum fuerit at lavorandum et faciendum nos illud
peragere debeamus ad omni nostro expendio. preter mercedes de operarios at
vindemniandum et vinum ad eis vibendum et ubas pro lardum ad condendum
de comune demus et pargiemus. excepto una persona de nos que non
exinde pargiemus. set nos eos enutrire debeamus et ipsis mercidis eorum. nos
ad eis trahere debeamus et alium omnia et in omnibus nos peragere debeamus
ad omni nostro exspendio. et quodcumque omni annuo ibidem deus
dederit in quolibet seminatus super nos illud tollere debeamus. et nullam
partem nobis exinde queratis. preter de quod ibi seminaverimus omni annuo
vobis posterisque. vestris terraticum exinde dare debeamus tanta modia
quanta modia per passos fuerit. et de ipsum reliquum ex ipsum fundum
qui est a parte horientis similiter vobis ipsum terraticum dare debeamus.
preter de dua modia nobis omni annuo terraticum non queratis. Vinum
vero mundum et saccapanna seu fructoras quas omni annuo ibidem deus
dederit dividamus illud inter nobis per sex uncias. Vos autem et posteris
vestris exinde percipiatis uncias sex. et ego et ipsis meis filiis masculis similiter
alias sex uncias. Melas vero quantas omni annuo ibidem deus dederit
dividamus illas inter nobis in quintam partes. vos et posteris vestris
partes tres. et nos partes duas. portione vero vestra ex ipsum vinum et
de ipsa fructoras nos vobis posterisque. vestris omni annuo exinde trahere
debeamus usque. intus memorato vestro monasterio gratis. excepto medietate
vestra qui vos tetigerit ex ipsa aqua vos vobis faciatis illud exinde trahere
conserbantes nos vobis illud in organea nostra dies tres. ficulneas vero
que ibi sunt omni annuo super vos frugiare debeatis. et quandoque pro
tempore ibidem ad vindemniandum direxeritis duos homines vestros enutrire
debeamus ut iustum fuerit. ipsum ex parte ex ipsum fundum quantum per
memoratos termines exegregavimus in nostra sit potestatem tenendi et dominandi
et super nos frugiandi subtus et super unde nullam partem nobis
exinde queratis. tantummodo vobis exinde dare debeamus omni annuo palea
trelicia carrum unum tractum usque. intus memorato vestro monasterio
gratis. alium vero palmentum et susceptorium suum qui est in ista portionem
quem mihi dedistis ex ipsum fundum in vestra reservastis potestatem.
etiam quantas aquas vos et omines vestris et homines qui habueritis
ad avitandum in ipsum reliquum que vobis preservastis ex ipsum fundum
vestrum vobis et at eis necessum fuerit de ipsa pischina vestra licerem
abeatis illud tollere exinde. set ipsis vestris hominibus. que ibi abetis vel
abueritis nos atiubare debeas at ponendum ipsa aquas in ipsa pischina vestra.
furnum vero qui est in hoc qui mihi dedistis sit commune inter nos
et ipsis hominibus qui abetis et abueritis in ipsum reliquum qui vobis reservastis
ex ipsum fundum vestrum. Duleas que abetis in hoc qui nobis
dedistis in vestra sint potestatem. set in quale duleum vos vinum non posueritis
si nos ibidem vinum ponere voluerimus in nostra sit potestatem.
et nullatenus presummetis vos aut posteris vestris nec habeatis licentiam
hec quantum superius nobis dedistis mihi et ipsorum filiis meis masculis
vite nostre at unus pro alius vibes pro mortuus tollere per nullum modum
nec per summissis personis. nos bene lavorantes et adimplentes omnia
memorata. preter si hominem cum vobes vestros ibidem ponere volueritis
ad avitandum et lavorandum licentiam habeatis nobis illud tollere. set de
phenum et de legumina tum nos non eiciatis. Quia ita nobis complacui:
Si autem ego aut ipsis filiis meis masculis quos habeo vel habuero quovis
tempore contra hanc chartulam promissionis ut super legitur venire presumpserimus
et in aliquid offensi fuerimus per quovis modum aut summissis
personis. tunc componimus vobis posterisque. auri solidos triginta sex bythianteos:
et haec chartula ut super legitur sit firma: scripta per manus
petri primarii per indictione memorata nona + Hoc signum + manus memorati
petri quod ego qui memoratos pro eum subscripsi +
+ ego iohannes filius domini stefani monachi testi subscripsi +
+ Ego iohannes curialis testi subscripsi +
+ [… .. ……. .. …… ….. ….] +
+ Ego petrus primarius Complevi et absolvi per indictione memorata
nona +
|