|
367
C. || In nomine sanctę et individuę trinitatis. Fridericus divina favente clementia romanorum
imperator augustus ||. Dignitas et excellentia romani imperii, que ab ipso
pietatis fonte manavit, pie semper agere consuevit et imperatorem vel principem nichil
magis quam clementia decet, cuius consilia, cuius opera in omnibus et per omnia dulcedine
gratię semper debent exuberare. Nos igitur nostrorum antecessorum divorum
augustorum regum et imperatorum honesta exempla sequentes, qui ęcclesias Dei imperio
suo constitutas maiori affectu dilexerunt et congruis honoribus ditaverunt, idem sapere,
id ipsum et facere pio zelo in[tendimus], ipsaque pia divino cultui mancipata,
que et ęcclesiastica disciplina commendat et religio sancta illustrat, non minori gratia
fovere amplecti et diligere decrevimus. Eapropter cognoscant universi fideles imperii per
Ytaliam constituti pre[sentes] et futuri, qualiter Aretine ęcclesię prepositus Adanulphus,
unaque cum eo Martinus canonicus et sacerdos plebanus, nostrę maiestatis celsitudinem
adierunt, humili devotione pro se et pro tota ęcclesia Aretina postulantes,
quatinus predicte ę[cclesię ab antecessoribus nostris] regibus et imperatoribus oblata,
et ęcclesiam Aretinam omnesque canonicos eius, cum omnibus bonis et pertinentiis
ipsorum sub nostra tutela et protectione susciperemus, et nostro privilegio munire et
confirmare dignaremus, et universa bona a ceteris fidelibus quolibet iu[sto] modo acquisita
vel data, nostro munime eis roboraremus. Quorum iustis precibus clementer annuentes,
ęcclesiam Aretinam omnesque canonicos eius, cum omnibus bonis et pertinentiis
ipsorum sub nostra tutela et protectione suscipimus, et nostra imperial[i au]ctoritate
[eis] concedimus et roboramus bona ęcclesię iuste et legitime collata, sicut in sequentibus
per ordinem continetur. In primis plebem sanctę Marię in gradibus cum omnibus
suis pertinentiis; plebem sancti Quirici inn Osenna, cum suis pertinentiis; plebem
quoque sancti Viti in Corsignano, plebem sancti Victoris in Rapulano, et plebem sancti
Iohannis in Vescona, et omnes plebes seu monasteria et omnes ęcclesias quas habent
in comitatu senensi et florentino et clusino; plebem sancti Stephani in Classe, plebem
sancti Petri in Crety cum omni sua pertinentia; ecclesiam sanctę Marię in Petrognano
cum his que ad eam spectant; capellam sacti Angeli in Castilione; plebem de Bacialla, et
capellam sancti Angeli de Ferciona, et ęcclesiam sancti Angeli in Colonaria, et omnes ęcclesias
quas habent in episcopatu Aretino: campum etiam de Longoria; campum de Pionta,
campum de Graticiata, campum de Montepupi, campum de Prato et omnes terras quas
cives Aretini iniuste retinent sine eorum voluntate; et terram de hospitali sancti Angeli:
quicquid etiam habent in Montagnano, Lucignano et Oliveto, in Bulgari et Casavetere et
Monzorno, in Quarata, in Modiona et Calbenzano; quicquid habent in Subiano et in Caliano
et in Nussa et eorum curtibus et in Marcina et in curte sua: molendina quoque quę
habent in flumine Arno, et cetera molendina quę habent vel adhuc iuste habituri sunt:
castrum etiam Turris de Classe, et Saxetum cum suis pertinentiis; et quicquid habent
in Bivignano et in curte eius, et in Carciano et in Pratomaio et in Dornola et Vicione:
castrum etiam de Policiano cum sua curte, Tegoletum et Arbororum cum suis pertinentiis;
quicquid etiam habent in Cesa et in Vertige et in Foiano et in Marciano; et
quicquid habent in Anglare, et quod ibi iuste acquisituri sunt: in comitatu quoque
castellano, Ripule, Pitilianum, Silice et curtem de sancto Andrea, et castrum de Milisciano
cum omnibus suis pertinentiis; et omnes terras quas habent in comitatu aretino,
castellano, clusino et senensi vel in antea acquisituri sunt, cum omni utilitate videlicet
p. 497
pascuis, pratis, silvis, venationibus, fluminibus, rivis, aquis aquarumque decursibus,
piscationibus, ripaticis, theloneis, paludibus, terris cultis et incultis, et cum ceteris
mnibus emolumentis quę de predictis bonis iuste et rationabiliter poterunt pervenire
predictis canonicis et toti Aretinę ęcclesię, nostro imperiali privilegio confirmamus,
salva per omnia imperiali iusticia. Adicientes quoque ex gratia concedimus, ut quicumque
spiritu Dei ductus, terras, vicos, ca[stella eisdem fratrib]us conferre voluerit, libera sit ei
facultas donandi, venendi vel commutandi, salva uniuscuiusque insticia. De cetero imperiali
edicto statuimus, nullus dux vel marchio, nullu[s comes] vel vicecomes, [nulla
persona ma]gna vel parva, nulla civitas, nulla omnino potestas prefatos fratres eorumque
colonos nec ęcclesias, nec capellas aliquo modo audeat molestare vel disvestire vel
inquietare, nec aliquam [exa]ctionem vel aliquod fodrum exigere vel recipere excepto
solo misso nostro, quem ad hoc specialiter destinaverimus. Precipimus etiam ut neque
episcopus, neque ipse prepositus vel alia quelibet persona aliquam potestatem habeat
predicta bona ęcclesie A[reti]nę, quę nunc habet vel in futurum iuste acquisierit, vendendi,
donandi vel aliquo modo alienandi. Si quis vero huius nostri precepti violator extiterit,
sciat se compositurum auri purissimi M libras; medietatem camerę nostrę, et medietatem
canonicis Aretinę ęcclesię pro tempore oidinatis. Quod ut verius credatur et ab
omnibus semper inviolabiliter observetur, presentem inde paginam conscribi et inpressione
sigilli nostri insigniri iussimus, adhibitis idoneis testibus, quorum nomina hec
sunt: Reinaldus Coloniensis archiepiscopus et Ytalię archicancellarius, Cunradus Maguntinus
archiepscopus, Hermannus Verdensis episcopus, Ieronimus Aretinus episcopus, Hermannus
Heresfeldensis abas, dux Welfo, Otto comes palatnus de Witelinesbach, Burkardus
castellanus Magdeburgensis, comes Gevehardus de Luggenberga, comes Cunradus,
comes Wernherius, Aringarius etiam consul aretinus et alii quamplures.
Signum domni Friderici romanorum imperatoris invictissimi. (M)
Ego Cristianus cancellarius vice Reinaldi Coloniensis archiepscopi et Ytalię archicancellarii
recognovi.
Actum fuit hoc anno ab incarnatione Mº. Cº. lxº. iiiº, indictione XIª, regnante domno
Friderico romanorum imperatore gloriosissimo, anno regni eius XI, imperii vero VIIIº.
Datum Laude V ta idus novembris.
| |