|
+ In nomine domini septimodecimo anno principatus domni nostri guaimari glorioso
principe, mense martius, tertia indictione. Memoratorium factu a me iohannes filius
amandi de locum nucerie, eo quod ante subscripti testes per bona combenientia tradidit
michi petrus presbiter per largietate et absolutione maioni presbiteri et abbati ecclesie
sancti maximi, et stante illum, inclita curte cum arbusto, que pertinentem est ipsius
ecclesie sancti maximi de locum agella nucerie finibus, quod ipse petrus presbiter in beneficium
retinet da pars ipsius ecclesie per ec finis et mensuriis: a pars septemtrionis
fine bia puplica qui pergit ad ipsi turri et ad ipsi pariti, sunt inde per mensuria passi
octoaginta duo: a pars occidentis, quomodo limite et sepe discernit, fine de eredes maghenolfi,
inde passi quadraginta: a pars meridie quomodo poiu discernit, inde passos quadraginta
quadtuor, rebolbente saliendo in partibus meridie usque ad ipso limite sunt inde
passi similiter quadraginta quadtuor; iterum a parte meridie, quomodo ipsum predictum
limite discernit, fine predicte ecclesie sancti maximi, sunt inde passi biginti: pars
orientis fine terra ipsius ecclesie sunt inde passi octoaginta octo et se reconiungit
ipsa bia puplica qui est priore fine. Totum per iste finis ad iusto passum omini mensuratum
totum et inclitum illut michi ipse petrus presbiter per demandationem de ipso abbate
ad laborandum tradidi; unde pro taliter guadia mihi dedit, et mediatorem michi posuit
iaquintus diaconus filius quondam gaudiosi, tali ordine, ut amodo et usque quadtuor
anni completi licead me et meis eredibus et omines, quem ibidem miserimus, tota suprascripta
illius tradictione nostre potestatis tenere et dominare, et eos totum, ubi meruerit,
cludamus, et abtis temporibus arbustum ipsum de super et de subter laboremus et
cultemus, sicut locus ipse meruerit, ut proficiad et non disperead, et, ubi meruerit, infra
totum ipso arbustum astas et bites plantemus, et, ubi meruerit, bites tragamus et totum
eos laboremus, sicut diximus, et licead nos fobee et omnis nostra utilitate iusta rationem
ibidem facere, et annualiter, quando meruerit, arbustum ipsum rationabiliter bindemiemus,
et per bindemie faciamus scire ipsum abbatem vel pars ipsius ecclesie, ut ibidem
dirigad missum suum, et totum ipso binum ibidem ad palmentum per medietatem illum
inter nos dibidamus: missum predicte ecclesie tollad illut medietatem, et nos medietatem;
et quale organeum da binum nobis adsignaberint ad cellarium, que ibidem pars ipsius ecclesie
abet ad ipsi pariti, nos autem organeum ipsum conciemus bonum, sicut meruerit
et ipsa sortione de ipso binum ipsius ecclesie ibidem adducamus, et totum ipso binum sortionem
suam ibidem in ipso organeum mittamus, et ipso missum predicte ecclesie, dum
ibidem steterint pro ipse bindemie reponendum, nos autem illum nutriemus secundum nostra
possibilitatem; et de quod. annualiter in ipsa rebus seminaberimus, demus exinde
ibidem ad missum ipsius ecclesie terraticum secundum consuetudinem de ipso locum; ad
completi ipsi quadtuor anni licead nos et nostris eredibus inde exire cum omnis nostra
causa et ire ubi boluerimus, sine cuiuslibet contrarietate vel requisitione, et inclita supradicta
rebus laboratum et clusum remittamus ad potestate ipsius ecclesie, et per bona
combenientia per ipsa guadia: obligabit se ipse abbas et successores suos, et pars ipsius
ecclesie amodo et usque ipsi quadtuor anni etc. Statuta mulcta viginti auri solidorum
constantinianorum. Et hunc brebem scripsi ego ademari notarius qui interfui. Verumtamen
memoramus, quia per omnis annum, quando meruerit, in pars ipsius ecclesie ipsa
palmentateca deant, sicut consuetudo est loci illius. Et ego superius dictus ademari notarius
subiunsit.
+ Ego qui supra maio presbiter et abbas
+ Ego dauferius notarius me subscripsi
+ Ego grimo presbiter.
| |