|
+ In nomine domini bicesimo tertio anno principatus domni nostri guaimari gloriosi
principis, mense ianuarius, decima indictione. Ideoque ego musco qui disidio bocor, filius
quondam mansoni, qui fuit amalfitanus, nam ego uic salernitane cibitatis abitator sum,
clarefacio, quoniam senda genetrice mea filia fuit dauferi filii guaiferi, qui et ipse guaiferi
filius fuit domni guaiferi principis, et ipsa genetrice mea, ereditabit ipsius dauferi
genitori suo; iccirco eidem genetrici mee ipsius genitori meo pertinentes fuit omnis rebus
predicti dauferi abio meo; defunti vero genitor et genetrice mea, ego eredes eorum in
omnibus successi; et dum a mangna infirmitas me oppressum bideo, estimo me magis mori
quam bibes, propterea ante subscripti nobilibus per hanc bidelicet cartam obtulit deo et
in ecclesia sancti maximi, quam supradictus domnus guaiferius a nobo construxit fundamine
intus anc cibitatem, in quo maio venerabilem presbiter et abbas preest, tota et inclita
omnis rebus mea, quantum quantoque michi quomodocumque abere pertinentes fuit,
vel est in caput-aquis et per fine et pertinentia caput-aquense, qui sunt terris cum
bineis et terris bacue et laboratorie, cum omnis monimen inde pertinentes. Simulque et
offerui in predicta ecclesia sancti maximi tota et inclita omnis rebus mea de locum balentino
salernitane finibus, cum inclitam bicem et pertinentiam meam de ipsa aqua et
piscationem, cum omnis monimen mea indeque pertinentes. Iterum et offeruimus in prefata
ecclesia tota et inclita omnis rebus mea de locum qui dicitur sancto marzano cum omnis
monimen inde pertinentes. Simulque et offerui in predicta ecclesia inclita sortionem meam
de rebus illa quem abeo in locum piczillo et caprile, et illut qui est de ipsa comunalia,
cum omnis monimen indeque pertinentes. Iterum et offerui in predicta ecclesia inclita una
pecia de terra mea, cum abellanietum de locum priato non multum longius da ecclesia
sancti biti, qui in eodem loco fundata est, qui coniunta est predicta pecia de una pars ad
fine rebus ipsius sancti maximi, cum omnis monimen inde pertinentes; ec vero supradictis
rebus, ut predictum est, in predicta ecclesia sancti maximi offerui pro amore omnipotenti
deo, et pro remedium salutis anime mee, et pro animarum de predicti genitor et genitrice
mea at abium abianque meus, in oc ordine, ut mulier nomine gemma uxor mea abead
inde quarta sua, et anna et iaquinta sororibus mee diebus bite sue aberet inde ad frudiandum
tertiam partem, et ipso aliut sint ad potestate ipsius ecclesie sancti maximi; si
vero predicta anna abuerit filium vel filia, predicta tertiam partem illorum sint potestatis,
et si non abuerint ipsa anna filium vel filia, tunc ad obitum ipsorum anne et iaquinte
ipsa tertiam partem rebertar ad potestate de pars predicte ecclesie sancti maximi. Seu et
bolo, ut predicta uxor mea abeant de tota suprascripta rebus usumfruendi nomine super
ipsa quarta sua, quantum iusta legem langobardorum inde ei iudicare et relinquere possum,
et post obitum ipsius uxori mee ipsum usumfructum rebertar ad pars iamdicte ecclesie
et ad ipse sororibus mee, ad abendum illut in illo ordine, velut supra legitur, ad
securiter et firmiter amodo et semper per illo ordine, quod supradiximus, pars predicte
ecclesie sancti maximi eiusque rectores supradicta mea offertione abendum, dominandum,
possidendum et omnia exinde faciendum quod boluerit, absque cuiuslibet contrarietate vel
requisitione; et quando pars ipsius ecclesie per se inde auctores esse boluerit, licentiam
et potestatem abeant in omnibus inde causare et finem facere, qualiter boluerit, cum omnis
monimen et rationem quod exinde abere potuerint, et de terris meis cum casis de intus ec
cibitatem pars ipsius ecclesie sancti maximi talem sortionem inde percipiant, quale exinde
tollere et abere debet alie ecclesie et monasteria. et Si taliter de ea, que superius legitur,
quesierimus remobere aut contrare, vel quodcumque causationes exinde preposuerimus,
componere obligo me et meos eredes ad pars predicte ecclesie sancti maximi, aut cui
scriptio ista in manum paruerit, centum auri solidos constantinos, et questio et causatio nostra
sint exinde tacita et bacua: verumtamen illi ominibus, cui rebus ipsa ad pastenandum
vel laborandum datam abemus, sic inde permanead cum partibus iamdicte ecclesie
sancti maximi, et in partibus ipsius ecclesie sic adinplead, sicuti nobis adinplere debuerit,
per illam rationem que continunt brebri, quod per partes inde abemus: ec omnia suprascripta
diebus bite mee ad meam illut reserbo potestatem, faciendum inde omnia quod boluero,
et due cartule de uno tinore scribere rogabimus; ista quod ad pars ipsius ecclesie
exinde emisimus, et alia similem quod aput nos retinemus, et taliter scribere rogabimus
te ademari notarium, actum salerno.
+ Ego grimoalt
+ Ego adenolfus.
| |