|
392.
|| In nomine sancte et individue trinitatis. Heliottus Dei gratia aretinus episcopus
reverendo in Christo fratri || Saxoni abbati de Agnano, et presbitero Augustino ecclesie
sancti Blasii rectori, vestrisque successoribus in perpetuum. Pastoralis cura officii, a
Deo et domino apostolico nobis iniuncta, nos ammonet ecclesiarum aretini episcopatus
utilitati salubriter providere, et a pravorum hominum infestatione iuste manutenere
atque deffendere. Eapropter, dilecti in Christo fratres, vestris iustis postulationibus
clementer annuentes, predictam beati Blasii ecclesiam, in civitate Aretina positam, et
claustrum et domos et ortos aliasque ipsius ecclesie possessiones omnes tam mobiles
quam immobiles, et quicquid iuste modo possidet vel in futuro possidebit tam in rebus
spiritualibus quam in corporalibus, sub beati Donati et nostra protectione suscipimus;
silicet sepulturas defunctorum, iudicia mortuorum, decimationes, oblationes et totam
parrochiam suam cum populo, et quicquid tam spirituale quam temporale iam per xl
annos legittime possedit. De quibus haec propriis vocabulis duxi exprimenda: silicet
vineam de Albagnoro, cum omnibus suis pertinentiis, et quicquid habetis de rebus que
fuerunt Ranucini filii Gerardini de sancto Blasio, et de rebus que fuerunt presbiteri
Gregorii et patris sui, et de rebus que fuerunt Iacobi de Ortignano, et plateam
cum muro, que est ante prenominatam ecclesiam; et quicquid habetis in Anteria,
quod emistis a Nicola filio Bernardini et a matre sua, silicet unam domum, vineam,
terram et patronatum ecclesie et parlem ipsius castelli de Anteria. Addimus etiam ut
quecumque persona apud iam dictam ecclesiam sepeliri se iuste iudicaverit, libere id
faciat, et si aliqua persona de populo predicte ecclesie se apud aliam ecclesiam sepeliri
iuste iudicaverit, medietatem iudicii sui prenominate ecclesie vestre relinquat, sicut
venerabilis predecessor noster Maurus episcopus bone memorie constituil, salva nimirum
in omnibus nostra nostrorumque successorum reverentia. Si quis autem huius
nostri scripti paginam sciens contra eam facere presumpserit, si clericus est, sui ordinis
et officii dignitate careat atque nostro banno succumbat; si vero laicus, excomunicationi
subiaceat, atque a corpore et sanguine domini nostri Iesu Christi alienus
p. 3
fiat. Cunctis autem eidem ecclesie sua iura servantibus sit pax domini nostri Iesu
Christi.
Actum est hoc in civitate Aretina, in palatio iuxta plebem sancte Marie virginis,
anno ab incarnatione Domini M°. C°. lxxx°.
† Ego Heliottus Dei gratia aretinus episcopus ss.
(Sd.)
| |