|
402.
In nomine Christi amen. Hoc est exemplum cuiusdam autentici instrumenti scripti manu
Cipriani notarii, cuius instrumenti tenor talis est.
In Dei nomine. Anno dominice incarnationis Millesimo C . lxxxviii, Federico rege
imperante, mense novembris, indictione vi. Manifesti sumus nos Amadeus divina patientia
aretinus episcopus, Guilielnms abbas Prataliensis de voluntate et conniventia
fratrum ipsius ecclesie, et Ioseph de Marciano cum voluntate et consensu fratris sui
Lotherii et P. filii quondam Ber(nardi?), quod in hedificationem castelli, quod Serravalle
dicitur, pari voluntate convenimus, ut ego A(madeus) ecclesie episcopus aretine
hedifìcare deberemus castellum memoratum, in loco qui Incisa dicitur, nomine aretine
ecclesie et eius episcopi, ut ecclesia beati Donati et eius episcopi haberent ipsum libere,
et habitatores ibidem residentes tam presentes quam futuri essent omni tempore,
et habitarent pro dicta ecclesia et episcopo, et omnem dominium haberent in ipso
castello et eius habitatoribus presentibus et futuris, pro custodia castri prefati, et ipso
infortiando, vallando et muniendo, in bannis ponendis, cum consilio predictorum vel
maioris et senioris partis: qui si malitiose restiterint, episcopus bannum libere, sicut
dominus, ponet pro conservatione ac salvatione rerum et personarum ipsius castri et
ad idem pertinentium vel alia causa, et in fodro colligendo pro imperatore vel rege
aut eorum nuntiis; et dicti abbas Prataliensis et fratres sui et Ioseph, frater eius
Lo(terius) et P. filius quondam Ber(nardi?) darent homines quos habebant in villa de
Tocli, et dederunt ad habitandum omni tempore prefatum locum, qui Incisa dicitur,
et castrum, ut supra dictum est, edificandum ad opus aretini episcopi, infortiandum,
vallandum, muniendum et custodiendum ad voluntatem eiusdem episcopi. Et si, quod
p. 17
absit, castellum supradictum comburi, amitti vel destrui quocumque casu contingeret,
idem castrum ad voluntatem et preceptum episcopi aretini presentis et futuri rehedificarent,
incastellarent, munirent et retinerent bona fide; de custodia castri ipsius et
de bannis pro causis supradictis ponendis, et fodero, sicut dictum est, colligendo,
eidem sicut domino et balivis, qui pro eo tantum ponentur, in omnibus obedirent. Ob
hanc causam ego A(madeus) suprascriptus episcopus promisi et promitto habitatores
sepedicti castri defendere ab omni homine et a domino imperatore precum instantia.
Eos autem non tollam dominis eorum superius memoratis, non contendam, nec defendam
ab eis nisi precibus. Obligo quoque me et meos in posterum successores et promitto
prefatum castrum retinere ad manum meam omni tempore, nec michi liceat vel
successori meo in posterum ipsum alienare aut infeodare, vel dare vicecomitatum alicui.
Turrim sive domum, quas hedificari continget in ipso castro, nulli dabo ad custodiendum,
neque successor meus. Quod si dare ad custodiendam turrim vel domum
prenominatam congrue urgentissima necessitate compellerer, abbati de Pratalia, qui
pro tempore fuerit, eam dabo, si idem abas se suosque successores obligaverit sufficienter
conservaturum eandem ad opus aretini episcopi, et redditurum ipsam sine mora
et difficultate aretino episcopo, cum ab eo vel ab eius certo nuntio vel litteris fuerit
requisitus. Ecclesiam quoque in ipso castro, quod est allodium ecclesie beati Donati,
libere habere concedimus suprascripto abati, sicut habebat in villa de Tocli. Domum
preterea in cassero suprascripti castri eidem edificandam concedo; quam ei non tollam
neque contendam nullo tempore, nec successor meus qui pro tempore fuerit, nisi forte
ipse vel sui molirentur contra episcopum vel ecclesiam aretinam. Quam convenientiam
spondimus, et promittimus et obligamus nos nostrosque successores et heredes omni
tempore, sub pena sexaginta marcarum optimi argenti, omnia suprascripta per capitula
singula servaturos. Si vero aliqua partium personarumve suprascriptarum que
dicta sunt non servaverit illibata, penam suprascriptam solvat; qua soluta, hec carta
firma et inconcussa permaneat. Actum in claustro Pratalie feliciter.
* Signum manuum suprascriptorum fratrum, qui hanc cartam fieri rogaverunt.
* Signum manuum Bonohoste filii quondam Ranuccii, Petri Fantini et Rainerii filii
quondam Albertini de Arcena et Bernardini filii Teuzi et Balduini de Biblena, rogatorum
testium.
Ego Ciprianus notarius hanc cartam scripsi et compievi rogatus.
Lectum et ascultatum fuit hoc exemplum una cum originali per me Castraleonem notarium
infrascriptum simili cum Iuncta Manghanelli et Nepolione filio Abraciantis notariis, in palatio
Comunis Arelii, coram domino Pagano iudice potestntis et Comiinis Aretii, qui index suam et
dicti Comunis ad hoc exemplum trascribendum et faciendum auctoritatem interposuit et decretum,
presentibus dictis notariis, sub anno Domini Millesimo CClxxxi, indictione VIIIIª, domino Martino papa IIII° residente, die intrante IIII° novembris intrantis.
(Sn.) Ego Castraleone civis aretinus imperiali auctoritate not. dictum presens exemplum ecc.
(Sn) Ego Iuncta not. quondam Manganelli ecc.
(Sn) Ego Nepolione filius Abradaciantis ecc.
| |