|
362
(Sn.) || In Dei nomine. An || no dominice incarnationis millesimo c. lXVII, anno tertio
Frederici imperatoris, mense setembri. Creator cum munere pietatis fungeretur post
irrationabilia rationalem condidit creaturam, que regendis exhiberet rationis regimen
et naturam, ut que habebat a summo rege principium, haberet iusitum summa cum
providentia regendi [co]nsilium, et erit largitio imperantis cognitio procuratoris et
benivolentia servientis in non devia exhibitione mandati. Constat igitur Deum non otiose
quod hominem etiam homini preesse voluisse, ut et subditorum humanitus tractaretur
utilitas et prelatorum in gerendo divinitus exhiberetur humanitas, cui gratius defertur
officium quanto servis Dei diligentius in custodiendo rationis et misericordie largitur
obsequium. Quocirca ego Ieronimus Dei gratia aritinus episcopus, volens antecessorum meorum
beneficia sequi et confirmare, et confirmata pro affectu in perpetuum rata tenere,
pauperibus Christi, qui cum sua sponte honus paupertatis suscepissent in eterna
tabernacula nos recipere poterunt, scilicet fratribus ęcclesię sancte Flore et domno
Iohanni abbati eiusdem ęcclesię recipienti vice predicte ęcclesię et predictorum fratrum
ibi Deo servientium, do, trado scilicet totum ac integrum illud quod mihi pertinet per
ecclesiam sancti Donati in rebus quondam Panzi archidiaconi aliquo modo vel aliqua
ratione, ut liceat vobis hec dona munificentie et piissime liberalitatis in vos sancto
affectu collata exigere, et exacta vestro arbitrio disponere; et nec mihi vel meis successoribus
liceat ullo tempore nolle quod super hac donatione pleniter volui, set hoc sacrum
dispositum inrevocabile permaneat sub interminatione banni episcopalis in eum
qui huius liberalitatis violator extiterit, sive laicali vel clericali fungatur offitio; quos
etiam anathematis iaculo, quod in Dathan et Abiron inflictum est, nostra sanctione
ferimus; et dupli etiam querimonie, ut ne quis ea que ad Dei honorem constituta sunt
diabolico spiritu audeat temerare. Actum in palatio veteri apud plebem sancte Marie
aritine civitatis feliciter.
*Signum manus domni Ieronimi episcopi, qui hoc scriptum fieri rogavit. *Siguum
manus Uberti archidiaconi, qui huic rei interfuit et manu sua fieri rogavit.
**Signa manuum Bacalarini filii quondam Guilielmini et Mariani de castro
Montistini rogatorum testium.
† Ego Ieronimus Dei gratia Aretinus episcopus ss.
(Sn.) Ego Niger iudex ac notarius scripsi et complevi.
(Sd.)
| |