|
+ In nomine Domini. Vicesimo quarto anno principatus
domni nostri Gisulphi gloriosi principis, mense nobembri
quarta indictione. In sacro Salernitano palatio, ante me Petrum
iudicem Theofilactus monachus, presbiter et abbas
eclesie Sancti Nicolai que constructa est foris hac civitate
in loco ubi Gallucanta dicitur, causabit cum Iohanne Atrianensi
filio cuiusdam Gutti Atrianensis, dicens ei ut ipse Iohannes
malo hordine introisset in res pertinentes ipsius eclesie
foris hac civitate in loco Albole et per fines et vocavula
et pertinentias ipsius loci et in eclesia que intra ipsas
res condita est ad honorem beatissimi Andree apostoli pertinente
suprascripte eclesie Sancti Nicolai et foveas in ipsis rebus
fecisset et arbores et vites ex eis abscidisset et sepes rupisset
et fructus de eis tulisset et ex ipsa eclesia Sancti Andree
et de ipsis rebus alias res pertinentes ipsius eclesie
Sancti Nicolai tulisset. ipse Iohannes respondit in predicto
loco Albole et per fines et vocavula et pertinentias ipsius
loci plures res et eclesias haberi, sed nescire de qualibus ipse
abbas cum eo causaret. ego autem, sicut inter eos convenit,
iudicavi et illos guadiare feci, ut ipse abbas vel successores
eius aut pars ipsius eclesie Sancti Nicolai et ipse Iohannes simul
cum iudice et notario ad ipsas res et eclesiam pergerent
et ipse abbas vel successores eius aut pars ipsius eclesie
ostenderet ipsi Iohanni ipsas res et eclesiam de quibus cum
eo, ut suprascriptum est, causabit, et per partes plicarent se
ipse abbas vel successores eius aut pars iamdicte eclesie cum
suis et iamdicte eclesie rationibus et ipse Iohannes cum suis
rationibus et secundum legem inter se finem faciant ex eo
quo ipse abbas, ut suprascriptum est, cum iamdicto Iohanne
causabit. et ipse Iohannes posuit ipsi abbati fideiussorem Iohannem
qui cognominatus est Marcesanus filium quondam
Mansonis et ipse abbas posuit ipsi Iohanni fideiussorem Alfanum
filium quondam Alfani qui fuit filius Petri comitis
Nucerie. suprascripta vero fecit ipse Theophilatus dum una
cum (eo) essent Petrus et Adelbertus comites filii quondam
Lamberti comitis qui sunt ex eis quibus ipsa eclesia Sancti
Nicolai pertinet, et Landoarius comes filius quondam Adelberti
comitis qui similiter ex illis est quibus ipsa eclesia pertinet.
Et taliter pro parte ipsius eclesie Sancti Nicolai te Romoaldum
notarium scribere precepi. S.
+ Ego qui supra Petrus iudex. S.
| |