|
408
In Dei nomine. Anno dominice incarnationis MClxxxxii, Henrico imperante, mense
augusti, indictione decima. Manifesti sumus nos archipresbiter Rainerius Plebis civitatis
Aretii, Iohannes, magister Persicus, presbiter Iohannes, presbiter Rainerius, Uguicio,
Contro canonici et presbiter Iohannes, cum parabola Guilielmini dicte civitatis potestatis
et Guidonis Militie camerarii, qualiter per hoc scriptum locationis, libellario
nomine, tradimus et concedimus vobis Ranucio, Clariello et Bernardino fratribus, silicet
quartam portionem castri et curtis Vitiani ac suarum pertinentiarum: eo videlicet
modo, ut vos et vestri heredes, masculi tantum, eam rem habeatis et detineatis ac iure
locationis fruamini: et si non habueritis (filios), debeat ipsa res devenire in domum, idest
filios, Plantanelli, et postea in domum Teuçonis et Rainerii; et omnibus illis mortuis,
silicet masculis, ad feminam, que hereditatem habet, ita quod maritus eius fidelitatem
faciat plebano vel domino Plebis, et solvat pensionem infrascriptam. Et pro ea re nobis ac
nostris successoribus annualiter, pensionis nomine, persolvere debeatis, in sancti Donati
festo, unum cereum trium librarum cere; et unus vestrum debeat facere fidelitatem plebano
vel domino Plebis dicte, ut tu Ranuccius nunc fecisti, et amplius exinde vobis non
superimponatur. Quod si aliquo in tempore illam rem vobis quesierimus tollere vel
minuere, aut aliquid superfluum superimponere, vel si omni tempore ab omni persona
eam rem vobis non potuerimus de iure defendere, promictimus vobis tunc vobis dare
pene nomine C libras bonorum denariornm; et pena soluta, remaneat firma suprascripta
locatio. Sic et nos iamdicti conductores cum nostris heredibus vobis prefatis
locatoribus ac vestris successoribus in dicta Plebe, predicta omnia que nobis imposuistis
vobis adimplere ac facere promictimus: que si non fecerimus, promictimus vobis
tunc dare vobis pene nomine simililer C libras bonorum denariorum. Unde hoc scriptum
a nobis et a vobis fieri rogatum est.
Actum in claustro prefate Plebis feliciter.
Signa manuum Rolandinelli de Vingna, Baldinetti Masullii, Asalti, Nigribotti, Rolandini
Sassoli, Guidonis Bonci et Astancolli rogatorum testium.
Ego Rolandus iudex, offitio huic etiam ab imperatore delegatus, scripsi atque complevi.
Ego Orlandus filius Iacobi Piscionis imperiali auctoritate not., ut inveni in originali instrumento,
scripto et publicato manu Rolandi iudicis, fideliter exaravi, nichil addens vel minuens
quod naturam contractus vel substantiam immutaret.
Ego Sturione filius Iohannis sacri palatii noi., prout inveni in exemplo transumpto manu
Orlandi notarii Iacobi Pescionis, extracto et exemplato de originali instrumento facto per Orlandum
iudicem, ita dictum instrumentum exemplavi, nichil addendo vel minuendo quod ipsum
instrumentum in aliquo lederet, et ideo meum signum apposui.
| |