|
+ In nomine Domini. Vicesimo octabo anno principatus
domni nostri Gisulphi gloriosi principis, mense ianuario
octaba indictione. Dum coram presentia domni
Leonis reverentissimi abbatis monasteriorum Sanctæ et individue
Trinitatis, quod conditum est foris hanc Salernitanam civitatem
in loco Metiliano, et Beati patris Nicolai, quod costructum
est intra hanc civitatem in plaia montis ubi Palma
dicitur, essem ego Petrus iudex cum pluribus hominibus, tunc
in eandem presentiam Stephanus filius quondam Iohannis et
Dumnanda uxor eius filia cuiusdam **** ostenderunt tres
cartulas.
Quarum prima scripta per Iohannem notarium vicesimo
anno principatus suprascripti domni principis,
mense maio quartadecima indictione. Qualiter ante
me coniuncti fuerant cum suprascripto Stephano Adelascia
filia Ursi notarii qui Alcoinus dicebatur, que fuerat
uxor Iohannis filii Amati, et Amatus et Petrus et
Ademarius et Iohannes germani filii ipsorum Iohannis
et Adelascie et Alferada uxor predicti Amati, quique
ostenderant unam
cartulam de tricesimo primo anno principatus
domni Guaimarii et decimo anno ducatus eius
Amalfi et Sirrenti et septimo anno principatus et ipsorum
ducatuum suprascripti domni nostri Gisulfi
eius filii eximii principis et ducis, mense martio secunda
indictione. Quomodo Maraldus filius Petri
clarificaverat se habere res in loco Propiciano ubi Preturu
et Contra dicitur, que erat per fines et mensuras:
a parte orientis finis via convenzaria et passus decem
et septem et medium et revolvebat in partem
occidentis passus quinque et iterum revolvebat in partem
meridiei usque alia via convenzaria quam commune
habebat cum Iohanne et Lademario consobrinis
fratribus suis et passus octo, et iterum revolvebat
in partem occidentis usque viam illius et erga ipsam
viam mensurati passus nobem et cubitum; ab ipsa parte
occidentis finis suprascripti Maraldi ab ora de
ipsa via saliente in partem septemtrionis passus viginti
octo; a parte septemtrionis finis rebus ecclesie
Sancti Cipriani, et descendentte per ipsa fine usque in
aqua que Vibola dicitur ubi prius inceperat mensurati
passus viginti quattuor. ista erat prima pecia in qua
fuerat sedilia. alia pecia de terra cum vinea ibique
loco Contra per fines et mensuras: a parte orientis
passus decem et nobem; a parte meridiei finis suprascripti
Maraldi et passus triginta quinque; a parte
occidentis passus viginti minus palmum; a septemtrione
passus triginta quinque et medium. alia pecia
de terra cum vinea ibi ubi Contra dicitur per fines et
mensuras: a parte orientis passus sex et cubitum; a
septemtrione passus triginta unum et medium; a
parte occidentis finis termini et passus tredecim et
medium; a meridie passus triginta unum et cubitum.
alia pecia cum saliceto comuni ibique, sors
ipsius Maraldi que ibi habebat per fines et mensuras:
ab oriente passus duodecim minus palmum; a meridie
finis suprascripti Maraldi et passus octo; ab occidente
finis ipsorum Maraldi et Iohannis et Lademari
et passus undecim; a septemtrione passus septem.
alia pecia cum ortale ibique loco Contra per fines et
mensuras: a meridie finis via antiqua et passus
quinque et revolvit per ipsam viam in parte septemtrionis
passus triginta septem; ab ipsa parte septemtrionis
laxante ipsa via antiqua et pergente per viam
illorum comunem passus viginti tres et medium; a
parte orientis finis ipsius Iohannis et passus triginta
unum, totum mensuratum iusto passu hominis. et ipse
Maraldus venundederat ipsi Iohanni filio suprascripti
Amati consobrino fratri suo inclitam suprascriptam
rem per suprascriptas fines et mensuras et inclitam
medietatem de omnibus rebus stabilibus quas ipsi Maraldo
tunc erat pertinentem extra suprascriptas fines et
mensuras in suprascripto loco Propiciano et per fines
et vocabula de ipso loco, in montibus et in planis quas
communes habebat cum ipsis Iohanne et Landemario,
quas divisam inter se non habebant, cum omnibus intra
ipsam venditionem habentibus omnibusque suis pertinentiis
et cum vice de ipsis viis, ad faciendum ex eo
ipse Iohannes et eius heredes quod vellent. et Lusicza,
uxor suprascripti Maraldi, dederat et tradiderat ipsi Iohanni
quartam partem suam sibi datam de suprascriptis
rebus ab ipso viro suo, ad faciendum ex ea ipse
Iohannes et eius heredes quod vellent, sicut ipsa cartula
continebat scripta per Truppoaldum notarium, in qua
Amatus iudex subscriptus erat.
Cum autem fuerat ostensa, ipsi Adelascia et Amatus
et Petrus et Ademarius et Iohannes et Alferada venundederant
ipsi Stephano integrum illud quod ipsi Iohanni
viro et genitori ac socero eorum per suprascriptam cartulam
venundatum fuerat, sicut suprascripta cartula
continebat, extra ipsam quintam peciam de terra cum
hortale quam sue reserbaverant potestati, et venundederant
ipsi Stephano integrum medietatem de tota terra
cum castaneto et insiteto quam communiter clarificaverant
se habere in ipso loco ubi Barbaritum dicitur, qualiter
ipsi Iohanni genitori et viro ac socero eorum quocumque
modo pertinuerat, cum omnibus intra suprascriptam
venditionem habentibus omnibusque suis pertinentiis
et cum vice de viis suis et cum omnibus que ipsa
cartula continebat, extra ipsam terram cum ortale. ea ratione
ut ipsa venditio sicut suprascriptum est semper esset
in potestate ipsius Stephani et heredum eius ad faciendum
ex ea quod vellent, sicut ipsa cartula continet
in qua ego subscriptus sum.
Secunda cartula scripta per Romoaldum notarium
vicesimo primo anno principatus suprascripti domni
nostri Gisulfi, mense iulio quintadecima indictione.
Qualiter ante Iohannem iudicem Guisenolfus filius
quondam Guisenolfi castaldei et Ursa uxor eius filia
Alderisii notarii coniuncti fuerant cum suprascripto
Stephano et ipsa Ursa clarificaverat sibi pertinere terras
cum vineis et olibeto et vacuo et silbis foris hac civitate
in ipso loco Propiciano, quas ipsi Urse in sortem
evenerant a Iohanne nepote suo filio Alderisii notarii
germani ipsius Urse, sicut continet
cartula divisionis quas ipsa Ursa tunc ostenderat scripta
per Grimoaldum notarium de suprascripto vicesimo
primo anno et quintadecima indictione. Qualiter ipse
Iohannes filius predicti Alderisii coniunctus fuerat
cum ipsa Ursa que fuerat primum uxor cuiusdam Madelmi
abunculi ipsius Iohannis ac filii Petri iudicis; et
quoniam de omnibus rebus stabilibus foris hac civitate,
quas ipsi Madelmo fuerant, quartam partem dixerant
pertinere ipsi Urse, ipse Iohannes per convenientiam
tradiderat ipsi Urse pro inclita ipsa quarta parte,
quam ei pertinuerat de rebus suprascripti Madelmi ex locis
Propiciano et Montana et Nucerie, integram terram
cum vinea et castaneis de predicto loco Propiciano que
Curte de Amori dicebatur, et erat per fines et mensuras:
a parte orientis finis via et per eam recte mensurati
passus triginta et medium; a parte septemtrionis
finis ipsius Stephani et aliorum et recte mensurati
passus quadraginta duo; a parte occidentis finis
aliorum et passus viginti duo et cubitum; a parte
meridiei finis via que ducit inter hanc terram et
terram ipsius Stephani et aliorum et passus quadraginta
octo. et integram terram cum vinea et olibeto de
eodem loco per fines et mensuras: a parte occidentis
finis via et passus quadraginta octo; a parte orientis
finis medio ribus qui Aqua Vivola dicitur et prope
eum intra ipsam terram mensurati passus quinquaginta
tres et medium; a parte meridiei finis media sepes
et iuxta eam intra ipsam terram mensurati passus
triginta quattuor. et integram terram cum vineola ibi
propinqua per fines et mensuras: a parte orientis finis
ipsa via et passus sex; a parte meridiei similiter
finis ipsa via et passus quattuor; a partibus vero
occidentis et septemtrionis finis ipsius Stephani. et
integram octabam partem quam suprascripto Petro iudici
habere pertinuit in omnibus montibus de suprascripto
loco Propiciano et de finibus et vocabulis et pertinentiis
ipsius loci excepto monte qui Tebenna dicitur. iamdictas
vero terras per iamdictas fines et mensuras
iusto passu hominis mensuratas et ipsam octabam partem
ipse Iohannes ut dictum est ipsi Urse tradiderat
ad faciendum ex eis quod vellet, sicut ipsa cartula
continebat in qua ego meum nomen descripseram.
Et cum ostensa fuerat, sicut ipsi Urse congruum fuerat,
venundederat ipsi Stephano integrum illud de ipso
loco Propiciano qualiter, ut suprascriptum est, ipse Iohannes
eidem Urse pro ipsa quarta tradiderat, sicut ipsa
cartula continebat, cum omnibus intra ipsam venditionem
habentibus omnibusque suis pertinentiis et cum
vice de ipsis viis et de aliis viis suis et cum suprascripta
cartula, extra munimina quas in ipsa cartula continebant.
ea ratione ut semper ipsa venditio esset in potestate
ipsius Stephani et heredum eius ad faciendum ex
ea quod vellent, sicut ipsa cartula continet in qua Iohannes
iudex subscriptus est.
Tertia vero cartula est illa que per ipsum Grimoaldum
notarium scripta est. Cum autem suprascripte cartule fuerunt
ostense, dixerunt ipsi Stephanus et Dumnanda ut de
toto illo quod ipsi Stephano per ipsas primam et secundam
cartulas venundatum ut suprascriptum est fuerat, quartam
partem pertinere ipsi Dumnande per datum suprascripti mariti
sui et tres partes pertinere ipsi Stephano; et ipsi Stephanus
et Dumnanda, sicut eis congruum fuit, bona illorum voluntate,
per convenientiam, per hanc cartulam, secundum
Iegem et consuetudinem illorum Romanorum, pro amore omnipotentis
Dei et salutis animarum suarum optulerunt in ipso
monasterio Sancti Nicolai integram medietatem de toto et integro
illo quod ipsi Stephano per suprascriptas primam et secundam
cartulas venundatum fuerat quemadmodum ipse cartule
continere videntur et integram alteram medietatem de toto
et integro illo venundederunt Iohanni monacho pro parte
suprascripti monasterii Sancti Nicolai. iamdictas vero res, quas
ipsi Stephano ut suprascriptum est venditas fuerat, ipsi Stephanus
et Dumnanda sicut suprascriptum est in ipso et pro parte
ipsius monasterii Sancti Nicolai optulerunt et vendiderunt
cum omnibus que intra eas sunt cunctisque earum pertinentiis
et cum vice de ipsis viis et de aliis viis suis et cum
suprascriptis tribus cartulis quas ut suprascriptum est ostenderunt,
et nichil sibi ex eo quod ipse cartule continunt reserbaberunt.
ea ratione ut semper omnes ipsas res sint in predicto
monasterio Sancti Nicolai et licentiam habeant partes
suprascripti monasterii Sancti Nicolai ex eis facere quod voluerint.
et propter confirmationem huius venditionis ipsi vir
et uxor susceperunt ab ipso Iohanne monacho pro parte eiusdem
monasterii statutum pretium auri solidos quinquaginta
quorum quisque habeant tarenos quattuor in omni deliberatione.
et per convenientiam ipsi vir et uxor secundum eandem
legem et consuetudinem Romanorum guadiam ipsi Iohanni
monaco pro parte suprascripti monasterii Sancti Nicolai dederunt
et fideiussores ei pro ipsius monasterii parte posuerunt
semedipsos et per ipsam guadiam obligaverunt se et
suos heredes semper defendere in ipso monasterio Sancti
Nicolai et partibus eius totas et integras suprascriptas res quas
ipsi Stephano per suprascriptas primam et secundam cartulas
venditas fuerant, quemadmodum ipse cartule continere dinoscitur
quas, ut prelegitur, in ipso et pro parte ipsius monasterii
optulerunt et vendiderunt ab omnibus hominibus, cum
omnibus que intra eas sunt cunctisque suis pertinentiis et
cum vice de ipsis viis et de aliis viis suis et cum suprascriptis
cartulis. sic tamen ut, quando pars ipsius monasterii ipsos
Stephanum et Dumnandam et illorum heredes defensores de
suprascriptis rebus habere quesierint, dent eis suprascriptas tres
cartulas iusta ratione salvas habendas diebus sexaginta, et
per omnes vices illi et illorum heredes integras suprascriptas
res quas et qualiter in ipso et pro parte ipsius monasterii
optulerunt et vendiderunt sicut suprascriptum est partibus ipsius
monasterii Sancti Nicolai sicut supradictum est defendant;
et post completos ipsos dies per omnes vices ipsi vir et
uxor et illorum heredes cartulas ipsas salvas quales eis date
fuerint partibus ipsius monasterii reddant; et tribuerunt licentiam
ut, quando pars ipsius monasterii Sancti Nicolai voluerint,
potestatem habeant ipsas res per se defendere qualiter
voluerint, cum omnibus muniminibus et rationibus quas de eis
ostenderint. et si sicut superius scriptum est ipsi Stephanus
et Dumnanda et illorum heredes non adimpleverint et suprascripta
vel ex eis quicquam remobere aut contradicere presumpserint,
per ipsam guadiam obligaverunt se et suos heredes
componere partibus suprascripti monasterii Sancti Nicolai
trecentos auri solidos constantinatos. de suprascripto vero
monasterio Sancti Nicolai pertinet prefato monasterio Sancte
Trinitatis integram medietatem et Vivo vicecomiti filio
quondam Petri pertinet alteram medietatem. Et taliter tibi Iohanni
notario scribere precepi. S.
+ Ego qui supra Petrus iudex. S.
| |