|
Vicesimo septimo anno principatus domni Gisulfi
principis, mense aprili sexta indictione. Quomodo ante
meam presentiam ipse Adelarius filius suprascripti Romoaldus
et Gemma uxor sua filia Petri coniuncti fuerant cum
Iohanne filio quondam Ursi, et ipsi vir et uxor clarificaverant
se habere terra cum vinea et insiteto foris hac civitate
in loco Tra[n]sboneia ubi proprio Scannapecu dicitur, quam
dixerant esse per fines et mensuras iusto passu hominis
mensuratas: a parte orientis finis via passus nonaginta
et octo; a parte meridiei finis terra aliorum hominum passus
tredecim, et revolvit in partem septemtrionis passus
duos, et revolvit in partem quasi meridiei passus decem
et nobem usque viam; ab ipsa parte quasi meridiei passus
viginti et nobem; a parte quasi occidentis finis terra
aliorum hominum passus octoginta usque ipsam viam; a
parte septemtrionis finis ipsam viam que ducit per medium
vallonem passus triginta et duos. et de integra ipsa
terra per suprascriptas fines et mensuras quartam partem
pertinere dixerant ipsi Gemme per datum eiusdem mariti sui
et tres partes ipsi Adelario. et ipsi vir et uxor Adelarius et
Gemma, sicut eis congruum fuerat, sponte per ipsam cartulam,
per convenientiam, secundum legem venumdederant suprascripto
Iohanni pro parte prefatis Leonis clerici integram
ipsam terram per suprascriptas fines et mensuras cum omnibus
que intra eam erant cunctisque suis pertinentiis et cum
vice de ipse via. ea ratione ut semper fieret in potestate
ipsius Leonis et heredum eius et liceret illum et eius heredes
de eo facere quod vellent, sicut ipsa cartula continebat, que
scripta fuerat per Grimoaldum notarium et tota per ordinem
declarata fuerat, et in ea ego meum nomen propriis
subscripseram digitis.
| |