389
+ In nomine Sancte et individue. trinitatis patris et filii et spiritus
sancti. Anno ab incarnatione eiusdem domini ac redemptoris nostri M°. C°.
XIIII°. Indictione VIIIa. Octavo anno principatus Rothberti principis filii
Iordanis gloriosi principis. mense novembri. Sciant igitur omnes fideles
presentes et futuri. Quoniam ego Richardus musca nepos et heres Rainaldi
musce filii turoldi musce pro redemptione anime mee et predicti avunculi
mei Rainaldi musce. ceterorumque parentum meorum do. trado sancti laurentii
monasterio et donno Matheo venerando abbati eiusdem monasterii
eiusque successoribus ac super altare eiusdem ecclesie perpetualiter offero
casale noliti. cum hominibus terris cultis et incultis et omnibus pertinentiis
suis cum viis suis intrandi et exeundi cum sepibus et limitibus atque
cum omnibus suis rationibus. Item do et offero in hoc sancto monasterio
una startiam iusta nolitum et carditum et habet a duas partes via pulvica
una que descendit ad caivanum et alia at carditum cum omnibus inferioribus
et superioribus suis et cum sepis et limitibus et cum pertinentiis
suis et cum viis eciam intrandi et exeundi in eis ad potestatem et
dominationem predicti monasterii libere possideat. Quos Siqui hoc beneficium
a me datum et offertum pro anima mea parentumque meorum monasterio
Sancti Laurentii et abbati supradicto suisque successoribus et fratribus
ibi deo servientibus dissolvere aut perturbare vel iniuste reclamare
sua perversitate ausus fuerit et hanc donacionem nostram violare iniuste.
viginti auri libras persolvat. medietatem nostre curiae. et medietatem Sancto
monasterio. solutaque pena hec nostra donatio firma permaneat in perpetuum.
et ut hoc firmius credatur et diligentius ab omnibus observetur nostre
subscribtionis iussimus roborari Averse.
+ Ego Richardus musca me subscribere feci.
+ Ego Radulfus tyrollus testis sum.
+ Ego Radulfus sainiscalcus testis sum.
+ Ego chosus Sancti archangeli testis sum.
|