20
+ In nomine sanctae et individuae trinitatis patris et filii et spiritus sancti.
Ego Willelmus dei favente gratia troianus episcopus. Notum fieri volo
omnibus posterioribus meis troianae ecclesiae episcopis. omnibusque fidelibus
christianis tam clericis quam laicis. Sub mea et eorum potestate degentibus.
tam presentibus quam etiam futuris. convenientiam et pactum quod
inter me et domnum Matheum venerabilem abbatem sancti LAURENTII aversani
monasterii constituimus. per consensum et voluntatem fratrum nostrorum
canonicorum sanctae MARIAE nostri episcopii. et monachorum
sancti LAURENTII aversani monasterii de quadam parrochia unde plures
lites et contentiones ad invicem habueramus. scilicet de parrochia novi
casalis quod alio nomine dicitur abbranca terra. de qua nec ego. nec antecessores
mei aliquid quod episcopale jus pertineret habere poteramus. Tandem
ex precepto domini nostri. Pascalis romani pontificis in cuius presentia
et in conciliis. et in aliis locis pro hac causa multos clamores feceramus.
et ex comuni voluntate nostrae partis et suae pro hac lite incidenda inter
episcopatum nostrum et monasterium suum hoc ordinatum est. et
firmiter stabilitum. ut ego et successores mei ab ipso domno. Matheo.
abbate. et successoribus suis pro episcopali iure habeamus per singulos
annos de parrochia illa decem saumas frumenti. et totidem ordei quae
sint mensurate ad iustam mensuram. videlicet ut una queque sauma habeat
in se duas corbellas. ad mensuram quae currit in fogia. vel tres
modios ad mensuram ipsius casalis. si tales modii fuerint qui infra se mensuram
duarum corbella rum contineant quae currit in fogia vel in troia.
Et in tribus festivitatibus anni. in pascha scilicet. et in nativitate domini.
et in festivitate sancti nicholai in cuius vocabulo est ecclesia ejusdem
casalis. aut in festivitate alterius ecclesiae si ibi facta fuerit quartam
partem oblationum ex integro habeamus quae ibi oblate fuerint. Quartam
etiam partem habere debeamus de omnibus oblationibus quae in ecclesiis
eiusdem casalis. iudicate fuerint a fidelibus christianis per universa tempora
anni ad mortem venientibus qui ibi aliquid iudicare voluerint pro remissione
21
peccatorum suorum. Ita tamen. ut nulla eis violentia inferatur a
monachis. vel ab ordinatis monachorum. Sed sit in propria eorum voluntate
et potestate qui ibi morituri sunt. ut quicquid ibi iudicare voluerint:
liberam inde habeant potestatem iudicandi et offerendi quicquid placuerit de
propriis rebus suis. absque omni contrarietate vel interdictu aut de hortatione
alicuius persone magnae vel parvae. Presbyter vero qui ad eandem
parrochiam gubernandam ordinandus erit. ab abbate vel monachis suis invenietur.
et ex eorum parte ante troianum episcopum representabitur. et
si ad hoc ministerium idoneus fuerit. episcopus ei eiusdem parrochiae curam
cum abbatis consensu committet. Sic quidem ut de officio suo et de
supradicte plebis cura isdem presbyter episcopo. vel suo archidiacono rationem
reddat. Domno aut abbati pro rebus temporalibus ad monasterium
suum pertinentibus debitam subiectionem exhibeat. ut unicuique nostrum
sua iura serventur sicut sacri precipiunt canones. et nullum inter nos
possit litigium esse. quoniam servos dei litigare non convenit. Ad amputandum
igitur omnem litem et altercationem ad episcopatu nostro et supradicta
abbatia haec constitutio firma inter nos ordinata est. ita ut neque
a nobis neque a successoribus nostris. nec a domno abbate. vel
a successoribus eius variari. vel diminui possit. sine pena solidorum aureorum
centum. Et ut haec nostra constitutio firma semper et stabilis perseveret.
nostro eam sigillo cum cerea bulla sigillari precepimus. et quosdam
de canonicis capituli sanctae MARIAE subscribi. ac testari fecimus.
ad perpetuae momoriae confirmationem. Eo pacto ut et domnus abbas supradictus
eiusdem concessionis cartulam quam apud nos habere debeamus
sigilli sui impressione muniri faciat. et personas capituli monasterii sui
in ea subscribi ac testari precipiat. FACTA SUNT HAEC ANNO DOMINIAE INCARNATIONIS
MILLESIMO CENTESIMO SEXTO DECIMO. INDICTIONE NONA. MENSE IULIO.
+ Ego Wilielmus dei gratia troianus episcopus me subscripsi :
+ Ego Rao troianus archiadiaconus me subscripsi
+ Ego landulfus presbyter canonicus troiane ecclesie. me subscripsi
+ Ego Johannes Sergii filius interfui et me subscripsi.
|