In nomine domini nostri ihesu christi anno incarnationis eiusdem millesimo
centesimo nono decimo. Mense Iulii indictione duodecima. Ego Emma
Comitissa comitis rogerii filia civitatis sevariane domina. una cum filio meo
domino rogerio machabeo cognoscentes cuncta secularia esse caduca et instabilia
transitura nec semper mansura divina inspirante clementia pro salute
anime mei viri domini radulfi machabei nostrorumque defunctorum parentum
pro sospitate etiam nostrorum corporum. ac redempcione peccatorum
nostrorum. Opere precium duximus ecclesiam beati michahelis archangeli
sitam in prescripta civitate de nostris rebus propriis ditare et amplificare.
Quapropter presentibus domino petro acherontino archiepiscopo et
domino Guidone episcopo gravinensi. dominoque gaudio abbate sancte marie
pesticii. Arnaldo isimbardi filio. Goffrido puliani aliisque idoneis subscriptis
testibus. Castrum quondam passabanti nobis pertinens optulimus deo et predicte
sante ecclesie. ac per sacrum evangeliorum librum domino Guarino
venerabili abbati et eiusdem ecclesie rectori tradidimus cum omnibus suis
pertinentiis quemamodum dominus noster Radulfus machabeus vir bone
192
memorie robberto gogurtio datum habuit. Per hos videlicet fines de subter
iscla vadi umbrosi et exiens inde vadit et ascendit ad fontem mirtille. et inde
procedens vadit ad antiquam viam et per capud gravini sancti marci. post hoc
vero exit et vadit per lumbonem mittens in capud gravini sancti viti veterani
et ascendit in lacum pantaleonis et per viam carraram montis caveosi.
et per eandem viam usque ad capud vallonis de limateris ubi sunt petre
fixe descendensque mittit in gurgitem brunum bradani et per aquam bradani
fluminis vadit usque ad prenominatum finem iscle vadi umbrosi infra
hos autem fines prescriptum castrum sicut continet de fine in finibus obtulimus
eidem monasterio sancti michaelis et tradidimus abbati prenominato
suisque successoribus habendum semper et possidendum et faciendum
ut eorum voluntas fuerit ad dei et predicti monasterii utilitatem licentiam
quoque eis dedimus congregandi ibi villanos unde oportunitas exegerit.
plantandi vineas et pomeria et operandi quicquid proficuum ecclesie fuerit.
Similiter etiam optulimus et tradidimus eis dimidiam placzam et dimidium
portaticum et medietatem legum civitatis sancte trinitatis. Medietatem
etiam portus basenti et bradani fluminis. et dimidiam partem de terratico
terrarum adiacentium inter bradanum. bansentum et salandram et medietatem
de operariis ac mediam partem nostre salme. Et concessimus quondam
nostrum villanum sansonem nomine cum omnibus rebus suis stabilibus
et mobilibus. Licentiam quoque sibi dedimus affidandi villanos in prenominata
civitate severiana unde oportuerit. Siquid etiam idem abbas eiusque
successores de propriis rebus monasterii vel suarum obedienciarum
vendere voluerint. omnesque sui villani ubicumque habuerint per nostram
terram. quicquid de rebus suis vendiderint plazam eidem concessimus
monasterio. Optulimus eciam decimas omnium nostrarum rerum castelli
sancti nicandri. ita tamen ut ipse abbas eiusque successores in cappellam
ipsius castelli cappellanum mictant. Hec autem omnia que prescripta
sunt idem abbas cum maraldico iudice eiusdem monasterii advocato recepit.
Tali videlicet ratione quatenus nec a nobis neque a nostris heredibus
quolibet tempore quamlibet calumpniam vel molestiam substineant.
set semper quiete ea possideant et habeant sine nostra nostrorumque heredum
vel successorum et omnium hominum contrarietate. et nos nostrisque
193
heredes vel successores eidem monasterio et suis rectoribus omni tempore
ex predictis omnibus defensores simus. Et securitatis causa ipsius
monasterii suorumque rectorum hanc chartulam scribere precepimus Iuliano
nostro notario. et signum sancte crucis propriis manibus subsignavimus
atque nostro plumbeo typario signari fecimus. Mense et indictione
pretitulatis.
+ Ego petrus archiepiscopus acherontinus.
+ Guido gravinensis episcopus quia interfui subscripsi
+ Gaudius abbas sancte marie pisticii interfui et subscripsi
+ Signum manus domine Emme comitisse comitis Rogerii filie et montis
caveosi domine.
+ Signum manus domini Rogerii machabei prescripte comitisse filii
+ Signum manus domine adelize predicte comitisse filie
+ Signum manus arnaldi de craco prescripti.
+ Signum manus Goffridi puliani.
+ Signum manus domini roberti botazi predicte comitisse
comestabularii
+ Signum manus capialbi militis.
+ Signum manus godardi militis.
|