|
+ In nomine domini anno tricesimo secundo principatus domni nostri gisolfi gloriosi principis,
mense iulius septima indictione. hideo que nos maraldus et iaquintus germani . . .
declaramus habere terre nostre bacue in locum beteri, qui est suptus ipso monte in ipso plano
non multum a longe . . . communiter illut donare domnandi et iaquinti aurifici
filii quondam amasiani aurifex tota res ipsa que . . . nobis pertinentes est res
ipsa habere a partibus da predicto genitori nostro. et ideo nos superii nominati germani, vona
etenim nostra vona volumtate, per hanc cartula donamus atque ad semper habendum confirmamus
vobis nominati domnandi et iaquinti tota et inclita res ipsa, quantum quantoque in
ipso locum veteri habemus suptus ipso monte, sic in integrum illut vobis eos donabimus cum
dibersis finis et biebus suis et cum omnia infra se habentibus omnibusque suis pertinentiis
ad securiter hamodo et semper tu iamdictis germani quam et vestris heredibus ipsa nostra
donatione omni tempore illut eos habendum, dominandum, possidendum, omnia exinde faciendum
que volueritis apsque nostra vel nostrorumque heredibus contrarietate vel requisitione,
aut de qualibet hominibus. Unde nec nobis de exdicta nostra donatione nec cuiylibet
ominibus dicimus remanere aliqua sortione nec cuilibet hominibus; unde pro hanc nostra
donatione firmandum, nunc a presentis iusta legem recepimus a vobis launegilt camiso uno:
finitoque vero nostra donatione per supsceptum launegilt, ea quidem ratione obligamus nos
qui supra maraldus et iaquintus donatori et nostris heredibus vobis nominati domnandi et
iaquinti et ad vestris heredibus exdicta nostra donatione, velut superius legitur, vobis eos
defensandum a partibus de uxoribus nostris et da omnis homines omnique partibus, cui per
nos haut per nostris heredibus vel exinde datum vel obligatum paruerit, vel qui pro nostre
partibus emiserit vobis quacumque causationis. quod si taliter nos vobis eos non defensaberimus
predicta nostra donatione cum vice de via sua, ut dudum dictum est, vel si nos ipsi
forsitans per quabis modis haut ingenium de predicta nostra donatione vobis aliquit inde tollere
haut contrare quesierimus, tunc primum omnium questio et causatio nostra adbersus vos
sint exinde taciti et bacui permaneamus, et ad compositione siamus nos suprascripti donatori
vel filiis et heredibus nostris vobis nominati domnandi et iaquinti vel ad vestris heredibus
de donum et launegilt vobis iustitiam persolbere obligamus. tamen, quando de exdicta
nostra donatione vobis contentionis fuerit exurte, tunc vice nostra cum ipsa monimina, que
modo vobis de ipsa res in defensione dedimus, de illi ominibus alterii vobis aliquit exinde
contentionis preposuerit, tunc vice nostra cum ipsa monimina, que vobis in defensione, velut
superius legitur, dedimus, in omnibus cum illis causare et omnis beram et legem et iustitiam
exinde recipiatis, tamquam nos debueramus, et per vos ipsis siatis exinde auctores et
defensores omni tempore illis et heredes eorum cum ipsa monimina in suprascripta ratione.
tamen nos superdicti donatoris nos vobis et nostris heredibus defensemus da illi hominibus,
cui per nos exinde per quabis modis datum vel obligatum paruerit, vel qui pro nostre partibus
emiserit vobis quacumque causationibus et, ut superius dictum est, predicta nostra donatione
securiter omni tempore vos vestrisque heredibus habeatis cum vice de via sua in supradicta
ratione. et tali ordine te antipertus notarius scribere rogabimus. actum salerno.
+ ego rodelchisi levita
+ ego radecisi
+ ego rodericu
+ ego maio
+ ego ademari.
| |