|
+ In nomine domini vicesimo tertio anno principatus domni nostri waimari gloriosi
principis, mense magius nona indictione. Memoratorium factu a me Maio presbiter et
abbas hecclesie sancti maximi, una mecum adesset roderisius notarius adbocatorem nostrum,
per vona combenientia tradidimus iaquinti diacono filio gaudiosi inclita rebus, quod pars
predicte hecclesie habere videtur in finibus nucerie et stavianense, videlicet da ipsa forma
in subtus usque mare: exceptuavi de predictis quod ei non tradidi, totum et inclitum illut
quantum fuerit de ipsa beneficia; nam ipso aliut ei tradidimus in ea ratione, ut amodo
et usque decem anni completi ad sua sit potestate hoc ordine, ut de quante sunt tote ipse
terris laboraturie, tote ille deant annualiter ad laborandum et seminandum, et faciant ille
apto tempore perfecte laborare et seminare, quale semente hibi meruerit, et lavori ipsi studiare:
similiter et ipsa arbusta et abellanieta et insirtitum faciant subtus et super annualiter
perfectum laborare et operare, et hubi meruerit, faciant illut apto tempore seminare
et labori ipsi studiare, et omnis laboribus de exdicta tradictione annualiter abto tempore
faciant recolligere et triturare, et una cum misso de pars predicte hecclesie et iuxto
terraticum exinde tollat, et totum ipso terraticum in unum adunet et dividat in tertiam
partem: pars predicte hecclesie tollat inde due sortis, et ipse iaquintus tertiam partem,
per partes faciendum quod voluerimus; linum vero quod pro terraticum inde tulerit, ipse
iaquintus totum illut faciant dolcare, et sic illut dividere unaque et semente de ipso linum
in tertiam partem: pars predicte hecclesie tollat inde due sortis, ipse iaquintus tertiam
pars; ipsa namque arbusta faciant ipse iaquintus vindemiare apto tempore una cum missum,
quod pars predicte hecclesie illuc direxerit annualiter illi hominibus qui eos ad lavorandum
tenunt, et sortionem de ipso vinum, quod ad pars predicte hecclesie inde ceciderit,
ipse iaquintus faciad illut portare ad ipso nostro cellario da pariti et faciad illud prexurare
vene, ut non peread, et totum ipso vinum quam et omnis poma de ipsis rebus
sint ad potestate de iamdicta nostra hecclesia, ipse iaquintus nullam inde tollere querat,
seu et tota ipsa palmentatika de pars predicte hecclesie siant, nam aratika dividant: due
partes inde tollat pars predicte hecclesie, tertia ipse iaquintus; pretium vero quod hominibus
qui ipse terris tulerint, dare debunt nobis vel ad pars predicte hecclesie, ipse iaquintus
illut faciad dare, sicut consuetudo est: ipse iaquintus non querad de ipso pretium
vel servitium tollere da ipsi ominibus: ipse insites ipse iaquintus faciad colligere et seckare,
et tote ipse castanee alio sic, et deant ille, tote ad pars predicte hecclesie; esscaticum vero
seu ervaticum, quod de ipsis rebus, tam de montibus quam et de plano, tollere potuerint,
due partis inde ad pars predicte hecclesie deant, tertiam sibi habant: tantum si in ipso
quertietum porcos in escam non miserint, faciant inde ipse glandi colligere et tote ille ad
pars predicte hecclesie deant, tantum tertiam pars inde sibi abeant. Et quando ego vel
alter abbas qui fuerit predicte hecclesie, illuc perrexerimus, seu missum nostrum, ipse
iaquintus nos et caballi nostri recipiant, ad omnem suum expendium nos nutriendi et caballi
nostri iusta ratione, et ordeum deant ad ipsi nostri, ut sufficiant, dum illuc
steterimus; si autem infra predictum constitutum pars predicte hecclesie de iamdicta rebus
ad pastenandum dare voluerit, vel cuilibet vicariare, potestatem abead inde dandum, quantum
boluerit, sine ipsius iaquinti contrarietate, et ipse iaquintus stetit tollere de ipse
terris ad dua modia iusta seminationis, ubi ei et michi comparuerit, ad tenendum illut et
laborandum, et omnis frugium inde sibi tollendum usque ipso constitutum. Et amodo et
usque ipso constitutum pars predicte ecclesie defenset ipsius iaquinti supradicta tradictione
in supradicto ordine et ratione da omnes omines: verumtamen pars predicte hecclesie non
mandet missum cum ipso iaquinto ad colligendum ipso terraticum, set ipse iaquintus terraticum
ipsum totum colligat, et de ipsa terra quod ei dedimus, ad dua modica terraticum
inde ille deant, sicut ipsi alii dant, et ipse due sortis de totum ipso terraticum ad pars
nostre hecclesie deant ad supradicto cellario da ipsi pariti, et ipso linum sic faciant nobis
conciare, sicut consuetudo est de ipso locum; et si boluerit pars predicte hecclesie, ad
ipse vindemie mandet missum suum; sin autem ipse iaquintus reponat ipsa vindemia ad
pars predicte hecclesie ad predicto cellario, et faciad scire ipse iaquintus pars predicte
hecclesie, ut dirigat missum qui recipiad ipsa terratika; de qua per vona combenientia
guadia michi ipse iaquintus et ad predictum meum adbocatorem dedit, et mediatore nobis
posuit maghenolfus presbiter filius granati; et per eadem guadia . ad ipso constitutum inclita supradicta rebus
rebertar ad potestate de pars predicte hecclesie. Et hunc brebem scripsi ego superius dictus
roderisius notarius.
+ Ego dauferi
+ Ego grimoalt.
| |