|
399.
† In Dei nomine. Anno dominice incarnationis M.C. lxxxiiii, Frederico imperante,
mense octubris, indictione secunda. Manifestus sum ego Heliottus Dei gratia episcopus
aretinus, qualiter per hanc cartam refutationis et concessionis refuto et concedo tibi
Guilielmo abbati, recipienti nomine monasterii sancte Marie de Pratallia, scilicet omne
ius et actionem et usum atque abusum, quod et quem nomine mei episcopii habeo
in terra sive vinea, quam detines et facis laborare ad domnicariam prefati monasterii,
in Cagio et Ofigniano et Peza atque Ciaresciolo, acepto a te pretio pro iamdicta refutatione
et concessione sex librarum xx solidorum bonorum denariorum; quatinus ab
hodierna die habeas et possideas eam terram et vineam tam tu quam tui successores
in suprascripto monasterio, sine mea meorunque successorum molestia vel litis contradictione.
Quod si in aliquo exinde contra vos presumpserimus agere, causari, per
placitum aut extra fatigare, per nos aut summissam a nobis personam, vel si omni
tempore vos tacitos, quietos seu indempnes inde esse non permiserimus, aut si apparuerit
datum factumve a nobis huic refutationi et concessioni nociturum per aliquod
ingenium quod homo in se cogitare potest, vel si eam rem vobis non potuerimus defensare
a vicecomite et scario meo, tunc obligo me ac meos successores tibi et tuis
successoribus compositurus et componamus penam XIII librarum bonorum denariorum,
et pena soluta remaneat firma iamdicta refutatio et concessio. Unde hanc cartam fieri
rogavi. Actum in palatio predicti episcopi feliciter.
† Ego Heliottus aretinus episcopus ss.
*** Signum manuum Vicedomini et Guidonis Boccacionis atque Preite Franketti
rogatorum testium.
† Ego Rolandus index huic etiam officio ab imperatore delegatus scripsi et
conplevi.
| |