|
+ In nomine domini octabodecimo anno principatus domni nostri gisulfi gloriosi principis,
mense ianuarius, tertiadecima indictione. Memoratorium factum a me iohannes presbiter
filius alfani presbiteri, eo quod ante subscriptos testes per convenientiam tradidit mihi petrus comes
filius quondam pandenolfi clerici una pecia de terra cum arbustis et aliis arboribus quam habet
foris hanc civitatem in loco mitiliano, ubi pasciano dicitur, salernitane finibus, qui est per fines
et mensuras, iusto passu hominis mensuratas: ex omni parte fine res ipsius petri: a parte orientis
passi viginti unum: a parte septemtrionis, et passi nonaginti duo: a parte occidentis, et
passi triginta: a parte meridiei et passi nonaginta; ut amodo et semper natos nascentes ego et
mei heredes suprascripta traditione nostra potestate teneamus; fobeas et omnes nostre utilitatis
iusta ratione ibi faciamus, et unde meruerit illut clodamus, et semper illut clausum abeamus;
et omni anno apto tempore de super et de subter illut lavoremus et studiemus et cultemus
bonum, sicut meruerit; et ubi meruerit arbores et bites de vono vitineo plantemus, propaginemus;
ut semper in melius proficiant et non dispereant, et bonum pareat lavoratum et cultatum, et
studiatum, sicut meruerit; et in ipsa traditione casa lignea faciamus et ibi residemus et abitemus;
et per omnem annum per tempus arearum et vindemiarum faciamus scire ipsum petrum
vel eius heredes, ut ibi pergat vel dirigat missum suum; et omnem vinum quod de ipsa traditione
exierit ibique ad palmentum procuremus, sicut totam ipsam traditionem omni anno apto tempore
vindemiemus, et de omne vino quod ex ea exierit inclita medietate ipsi petro vel ad eius heredibus
vel ad missum illorum demus, reliquam medietatem nobis abeamus faciendum pro parte quod
voluerimus; et si ibi aliquit seminaberimus omni anno apto tempore illut metamus et tritulemus, et
ibique ad area et cum illut adunemus, et de quantum inde exierit demus ipsi petro vel eius heredibus
vel missum illorum terraticum secundum consuetudinem de ipso locum: reliquum quod superfuerit
nobis habeamus; poma vero que ibi sunt vel fuerint omni anno suo tempore colligamus, et inclita
medietate ipsi missui illorum demus, reliquam medietatem nobis abeamus faciendum per
parte quod voluerimus et voluerint. Ipsum vero missum, dum per vindemias et areas pro ipsa
frugia recolligenda ibidem steterit, nos eum nutriamus secundum nostra possivilitate, et pro
palmentatica omni anno ei demus unum parium de pulli boni, et omni anno de mense september
demus ipsi petro vel eius heredibus unum aureum tarenum vonum de moneta, quale illis
diebus in ac civitate formaviter: et omni anno conciemus organeum quod illi nobis dederint vonum
ubi reponamus ipso vinum quod inde eis evenerit, et salbum illut faciamus eis omni anno
absque degeneratione et ingne, donec illut inde adduxerint: et omni anno in pasca resurrectionis
domini et in nativitate domini et in festivitate sancte marie de mense agusto adducamus eis
servitium secundum nostra possivilitatem, et omni anno mictamus duos collictores in insiteto qui
ipse petrus habet in eodem loco pasciano, et quando de ipse insites et castaneas collexerint, nos
ille seckemus vone in ipsa casa que in ipsa traditione fecerimus, sicut dictum est, et inclitas
duas partes de ipse castanee et insites ipsi petro et eius heredibus demus, et tertiam partem
nobis abeamus faciendum per pars omnia quod voluerimus; ita ut postquam ipse castanee et
insites collexerint ipsi collictores mensuremus illas a parte omines ipsius petri, et quando duo
collectori ipsius petri vel de eius heredes de ipsi insiteto per annum colligere potuerint, nos
illa in ipsa casa seckemus et salbe faciamus absque degeneratione et ingne, donec ille inde
adduxerint. Et per convenientiam ego iamdictus iohannes presbiter guadiam ipsi petro dedi et
fideiussorem ei posui alambertum filium quondam mitiliani de ipso loco congnatum meum, et per
ipsam guadiam obligo me et meos heredes adimplere ipsi petro et eius heredibus omnia, qualiter
suprascriptum est: et si, sicut superius scriptum est, ego et mei heredes ipsi petro et eius
heredibus non adimpleberimus, et suprascripta vel ex eis quicquam remobere aut contradicere
presumpserimus, per ipsam guadiam obligo me et meos heredes componere ipsi petro et illius
heredibus quinquaginta auri solidos constantinos et suprascripta adimplere. suprascripta feci
1
ego per absolutionem suprascripti alfani presbiteri genitoris mei. quod scripsi ego petrus
notarius.
+ Ego alderissi notarius me subscripsi.
+ Hic sum testatus scriba preclarus amatus.
| |