|
356
In nomine Domini amen. Ego Ieronimus Dei gratia Aretinus episcopus, nomine sacramenti quo mihi astricti [es]tis, precipio Ildibrandino et Ingolo atque Ugoni et Monaldo
nepoti istorum, ut [hinc in] antea non sitis in consilio vel facto quod Rolandus prepositus perdat vitam vel membrurn, aut quod captus sit [per aliq]uam danpnietatem, nec
tollatis vel contendatis eidem preposito vel canonice beati Donati hinc usque ad decem
annos castella vel turres seu curtes, que hodie habent a ponte de Lanare usque ad sanctum Clementem; nec sitis in consilio vel facto quod alius tollat vel contendat eadem
castella vel turres seu [curtes] eidem preposito vel canonice: videlicet castrum et turrim et curtem de Turri de Classi, castrum et turrim et curtem de Marcena, castrum et turrim et quod habent in curte de Sexto, castrum et turrim et quod habent in curte de Caliano, castrum et turrim et quod habent in curte de Subiano. Et si alius tollere
voluerit, et ad nostram scientiam devenerit per bonam fidem preposito vel canonicis seu eorum fidelibus ad hoc ut danpnum evaderat, significabitis, excepta soli Ildibrandino
illa credentia de qua tenetur Aliotto. In his omnibus non offendetis ultra valens quinque soldos per annum, nec istud studiose; quod si forte offenderitis, emendabitis ad mandatum meum et abbatis Campileonis et Ugonis de Turri vel illorum sive illius qui supervixerit. De turri vero edificanda in castro de Marcena per bonam fidem preposito et canonice ibitis, excepto iuramento quo tenemini filiis Tafuri.
Hoc factum est anno dominice incarnationis millesimo centesimo quinquagesimo primo, kl. madii.
| |