|
346
In Dei nomine. Anno dominice incarnationis millesimo centesimo quadragesimo primo, Chunrado rege, mense apreli, indictione tertia. Quamvis inexpleta cupiditas etc. Quapropter manifestus sum ego domnus Maurus aritine sedis episcopus comes, qualiter per hanc cartam indicati et offersionis et donationis inter vivos, pro salute ac remedio anime mee dono et trado etc. tibi domno Azoni priori monasterii sancti Salvatoris siti in Campo amabili, recipienti vice eiusdem monasterii, ad sumptum et usum fratrum ibidem Deo servientium etc. id sunt e sylva nostra de Pescaiole, que est non longe a civitate aritina etc. , videlicet a via mediastina inter Remondatum et Pescaiole etc. cum omnibus supra se et infra se et cum omni iure predii rustici in integrum… ego qui supra domnus Maurus episcopus tibi suprascripto domno Azoni priori dono, trado et per hanc cartam te ex omni iure ac directo et tenimento meo investio ad faciendum tu tuique posteri successores in suprascripta vestra ecclesia permanentes, dantes eos si vobis placuerit iure livellario vel breviario aut precario vel enphiteoticario, cui volueritis, attamen semper remanendo vobis, ut supra scriptum est, iamdicta proprietate et usu quidquid volueritis sine mea meorumque posterum successorum molestia vel litis causatione. Quod si in aliquo ex inde contra vos aliquo ingenio presumpserimus agere, causari, intromittere, intentionare, vel per placitum aut extra fatigare, aut si omni tempore ab omni persona non potuerimus defensare etc, quod si non defensaverimus etc, vel si apparuerit datum factumve huic rei nociturum per aliquod ingenium, quod bono in se cogitare potest, aut si nos vel aliqua persona hec infringere temptaverit, et staim, ut hec audierit, non resipuerit a sua mal cogitatione, non solum habeat maledictionem omnipotentis Dei et omnium sanctorum et sanctarum eius, et cum Dathan et Abiron sit deputatus, et Iude traditori assimilatus, et in perpetuo vinculo anathematis alligatus, sed insuper de nostris ipsis rebus componamus et componat eas vobis in duplum in propinquis et in consimilibus locis, prout tunc valuerint sub extimatione pretii, et insuper penam xxx librarum optimi argenti, semper firma manente hac cartula. Unde me suprastcripto Mauro episcopo hec carta rogata est.
Actum in suburbio aritine civitatis feliciter.
Signum † manus suprascripti episcopi, qui hanc cartam, ut supra legitur, scribere rogavit
Signa †††† manuum Gregorii filii Pagani et Tancredi filii Richelde et Teuzonis pictoris et Clavelli filii Guidonis rogati testes.
† Ego Maurus humilis minister aritine ecclesie subscripsi sicut supra legitur
† Ego Rainerius archidiaconus sancte aretine ecclesie manu mea confirmo et subscribo.
† Ego Sichelmus camerarius.
† Ego Iohannes sancti Michaelis sacerdos interfui et manu mea subscripsi.
† Ego Saracinus iudex huic officio ab imperatore delegatus huic pie donationi interfui et subscripsi.
Ego Guilielmus iudex et notarius scripsi et complevi.
| |