|
298
MCCXXXI
A. D. 1056
+ In nomine domini quintodecimo anno principatus domni nostri gisulfi gloriosi principis,
mense iunio, nona indictione. Ego iohannes clericus et abbas ecclesie sancte dei genitricis
et virginis marie, que constructa est intus anc salernitanam civitatem propinquo
litore maris pertinente ecclesia ipsa cum omnibus rebus predicte ecclesie suprascripti
principi, et de ipsi germani sui, et suprascripti domni guidoni, et de ipsa heredes predicti
domni paldulfi; eo quod ante idoneos homines tradidi samuele et anania germani
filii quondam iuda ebrei de terra bacua pertinente eidem ecclesie, quod habet intus anc
civitatem ad iudaika per fines et mensuras, iusto pede manu hominis mensurata. A parte
septemtrionis finis via iusta ipsa via recta mensurati pedes biginti quinque et medium.
Ab oriente pedes triginta sex. A meridie finis facie de muro vetere istius civitatis, iusto
ipso muro, pedes alii viginti quinque et medium. Ab occidente finis terra suprascripti
domni guidoni, et inde pedes triginta octo; heo hordine, ud amodo et usque biginti nobem
anni completi integram suprascriptam traditionem illis et illorum heredibus illut
tenere, et dominare, et casa ividem facere, et mineaneum super ipsa platea faciant de
latitudo pedes quatuor, et longitudine quantum ipsa traditione iusta ipsa via lata est. et
illis et illorum heredibus suprascripta traditione tenere, et residere, et ad residendum
illut deant cui boluerint, fovee et omnis illorum utilitatis iusta ratione ividem facere: et
amodo et usque ipso constitutum completum de suprascripta tradictione quicquit seditura
et dationem inde illis et illorum heredibus tollere et abere potuerint, illorum sit potestas
faciendum que boluerint, absque nostra contrarietate. Tantum per omne annum illis
et eorum heredibus amodo et usque ipso constitutum completum de suprascripta traditione
deant michi, seu in parte predicte ecclesie, censum auri tari boni biginti sex. Et
in nativitas domini, et in paska resurrectionis domini deant michi, seu in parte predicte
ecclesie, omne anno usque ipso constitutum per unasqua, que festivitate cingnula bona iudaika,
ut est consuetudo dandum. ad completum ipso constitutum licead illis et illorum
heredibus, et homines quos ividem ad residendum illis miserint, inde exire cum omnis
illorum causa mobilia, et ire cum illud ubi boluerint, absque contrarietate mea, seu de
parte predicte ecclesie; et licentiam abeant illis et illorum heredibus inde esigere et tollere
tota ipsa lingnamina, et portarent illis illa ubi boluerint, absque contrarietate mea,
et de pars predicte ecclesie. et guadiam michi dederunt et fideiussorem michi posuerunt
seipsis. et per ipsa guadia obligaverunt se et illorum heredes, quod si taliter omnia suprascripta
per supradicto hordine michi, seum ad pars predicte ecclesie non adimpleverit,
et aliquit exinde contradixerit, per combenientia per ipsa guadia componere obligaverunt
se et illorum heredes michi vel ad successores meos, seu ad pars predicte ecclesie, quinquaginta
auri solidos constantinos. quod scripsi ego petrus notarius.
+ Ego amatus notarius me subscripsi.
+ Ego iohannes notarius me subscripsi.
| |