|
364
|| Ieronimus Dei gratia sancte aretine ecclesie episcopus et Adanulfus eiusdem ecclesię
prepositus dilecto in Christo fratri Ieronimo ecclesie san(c)ti Laurentii de Cultuboni
venerabili || abbati suisque successoribus substituendis et fratribus in perpetuum. Quia,
volente Deo, vestre sancte congregationis honestas et religio per totum fere mundum
splendere dinoscitur, iccirco nempe quandam de nostris vobis ecclesiam subicere et
conmendare pro ecclesiastici status melioratione consilio communi decrevimus. Quapropter,
dilecte in Christo frater, ecclesiam nostram de Camprato, cum omni possessione
et iure suo, tibi tuisque successoribus substituendis ordinandam et tractandam spiritualiter
ac temporaliter pro voluntate vestra ad honorem Dei et sancti Donati et ęcclesię;
p. 493
sancti Marcellini in perpetuum libere commendamus et tradimus. Et ut prefata ęcclesia
cum omni iure suo beati Donati iuris semper noscatur, volumus ut omni anno in mense
martio quinque soldos bonorum denariorum lucensis monete pro reverentia nostrę ęcclesię
offeratis, et plebi sancti Marcellini debitam amicabiliter reverentiam exibeatis. Quam
utique reverentiam si aliquibus temporibus studiose minueritis et eiusdm ęcclesię possessiones
distraxeritis, secundo a nobis tertiove commoniti (si) non emendaveritis, predicta
ęcclesia cum omni iure suo sine vestra vestrorumque successorum contradictione nobis
illibata permaneat. Si qua sane de cetero de nostro episcopatu ecclesiastica secularisque
persona hanc nostrę concessionis paginam sciens contra eam venire temptaverit, secundo
tertiove commonita, si non satisfactione congrua emendaverit, potestatis honorisque sui
dignitate careat, reamque se divino iudicio existere de perpetrata iniquitate cognoscat
et a sacratissimo corpore Dei et domini nostri Iesu Christi aliena fiat, atque in extremo
Dei examine districte ultioni subiaceat. Cunctis autem eidem loco hec et alia iuxta servantibus
sit pax domini nostri Iesu Christi, quatinus et hic fructum bone actionis percipiant,
et aput districtum iudicem premia ęternę pacis inveniant. AMEN, AMEN, AMEN.
Factum est hoc anno dominicę incarnations millesimo c.lxii, indictione decima, pridie
nonas aprilis, in civitate aretina, in palatio episcopi.
† Ego Ieronimus Dei gratia aretinus episcopus ss.
† Ego Adanulfus Dei gratia aretinus prepositus ss.
† Ego Gregorius Dei gratia aretinę ęcclesię primicerius ss.
† Ego Viventius eiusdem ęcclesię presbiter et canonicus ss.
† Ego Iohannes presbiter et aretinę ęcclesię canonicus ss.
† Ego Deutaiuti subdiaconus aretinę ęcc1esię ss.
† Ego magiter Mazus canonicus aretinę ęcclesię ss.
† Ego Christoforus diaconus eiusdem ęcclesię canonicus ss.
† Ego Moyses diaconus eiusdem ęcclesię canonicus ss.
† Ego Rainaldus diaconus eiusdem ęcclesię ca(no)nicus ss.
† Ego magister Heliotus subdiaconus eiusdem ecclesie canonicus ss.
† Ego Gregorius subdiaconus eiusdem ęcclesię canonicus ss.
| |