|
404.
In Christi nomine. Anno millesimo centesimo n[onagesimo, mense.....] nonas eiusdem,
indictione octava, temporibus domini pape Cle[mentis tertii residentis] et Enrico
rege. Ego quidem Astuldus filius quondam Bern[ardini ] et ego Bernardinus filius
quondam Bernardini fratris Astuldi, qui in [etate] quatuordecim annorum me esse
confiteor, cum licentia et auctoritate Astuldi patrui mei, qui mihi a patre meo datus
fuit tutor et curator; et ego donna Berta, que fui uxor Bernardini fratris Astuldi,
cum licentia Astuldi et Bernardini filii mei, interrogata a Guidotto et Alpinello
p. 19
propinquis meis et Benencasa notario, non vi, neque coacte, neque precibus, sed mea
spontanea voluntate facere profiteor. Insimul nos predicti omnes communi voluntate,
et pro nobis et pro Ranucio filio donne Berte et Bernardini, vendimus, tradimus, concedimus
et refutamus in manu domini Christofori primicerii Aretine ecclesie et Gregorii,
qui a domino Presbitero aretino proposito ad hoc perficiendum fuerunt destinati, Deo
et ecclesie sancti Donati, parti Canonice de Duomo Aritii, nominative quicquid iuris et
usus possessionis, actionis et exceptionis habemus in castello de Toppole et eius districto,
sive nos sive Bernardinus habuit pater Astuldi. Insuper damus quicquid iuris et usus
habemus vel habere debemus intra hos fines: a castello Citerne usque Montem
acutum Rainerii, et a Tiberi usque Potiam; omnia tenimenta, hominesque omnes, iura,
usus, actiones et exceptiones, que nos vel aliquis pro nobis sive Ranucius pro se, cum
omnibus que infra se et supra se habent, et cum omnibus suis accedentiis et pertinentiis,
sicut intra hos fines predictos habemus vel habuimus aut habere debemus, vel
aliquis pro nobis aut pro Ranucio, integre ecclesie s. Donati damus, et siqua de suis
habemus vel alius pro nobis sive Ranucius, refutamus, et feodum et libellum et omnem
usum et rationem et omnia nostra infra predictos fines damus et tradimus; et
omnia instrumenta quibus nobis vel nostris antecessoribus canonici sancti Donati tenentur,
quando inventa fuerint, reddemus, et si reddere nequiverimus, quicquid in
eis continetur irritamus atque cassamus. Pro ista venditione recepimus pretium centum
viginti librarum bonorum denariorum. Et promittimus et obligamus nos et nostros
filios et heredes hanc venditionem semper firmam tenere, et nullo modo molestare vel
litigare, neque per submissam vel submittendam personam. Insuper ad maiorem evidentiam
ego Astuldus promitto pro me et meis heredibus, quod, si Ranucius nepos
meus aliquando vellet infringere meis expensis quietabo et de damnum quod pro Ranucio
vel eius occasione vobis evenerit, resalvabo, donec ipse Ranucius post etatem quattuordecim
annorum ad vos veniat, et venditionem et instrumentum confirmet sine omni alio
pretio, quia nos modo pro eo et nobis pretium recipimus; et ego Astuldus eum ducam
ad vos et omnia adimpleri a Ranucio faciam. Post quod patratum et iuramentum
et instrumentum a vobis a Ranucio receptum, ego pro Ranucio non tenear obligatus,
sed ego semper donec post quartum decimum annum Ranucius iuramento et carta
vobis caveat, tenear pro eo in restitutione dupli pro eo amissi. Alio modo ego et Bernardinus
et donna Berta omnia predicta promittimus pro nobis et nostris heredibus
perpetuo firma tenere et nullo modo molestare nec litigare, et ab omni persona legaliter
defendere sub pena centum librarum, quam nos domino Christoforo et eius successoribus
canonicis sancti Donati legitime interrogati per aquilianam stipulationem dare
medietatem fisco et medietatem preposito aretino promittimus; et pena soluta hoc instrumentum
suum robor obtineat.
Signo manus Bernardini, qui omnia predicta firma tenere et occasione minoris
etatis vel alia aliqua restitutionem non implorabit, sed perpetuo firma tenere, tactis
sacrosanctis evangeliis, iureiurando firmavit
p. 20
Signo manus donne Berte, que omnia predicta tenere promisit et iureiurando, tactis
sacrosanctis evangeliis, firmavit.
Actum Civitate Castelli, in ecclesia s. Iacobi, in testimonio Boni Compagni investitoris
et Senensis olim Blantii et presbiteri Uberti de s. Agnesse rogatorum testium.
Ego Benencasa notarius, sicut inter partes conventum est subscripsi et complevi.
| |