|
14
MLXV
A. D. 1046
+ In nomine domini vicesimo hoctabo anno principatus salerni domni nostri Guaimarii
gloriosi principis, et octabo anno principatus eius capue et ducatus amalfi et sirrentum,
quam et quinto anno suprascriptorum principatuum et ducatuum domni gisulfi eximii principis
et ducis filio eius, et quarto anno ducatus illorum apulie et calabrie, mense Iulius,
quartadecima indictione. Ante me ademari comes et iudex venerunt Infantes .…… Alfanus et ademari germani, et filii quondam ramfredi ...... ademari notarius parentem
et adbocatorem eorum, quam et cum ipsi infantes venit mulier nomine romelgaita genitris
eorum, et relicta ipsius ramfredi: et dixerunt mihi, ut ipse genitor eorum, quando defunctus
fuit, dimisit debitum ad salbandum, et non abemus pretium, unde ipsum debitum reddamus,
volumus de rebus nostris tantum dare, ut debitum ipsum salbemus. Ego predictus
Iudex obserbans ea que in langobardorum edicto scriptum est, Ud intra decem et octo annos
non sit legitimus homo res suas alienare, excepta si partem eius debitum dimiserit, Abeat
potestatem una cum notitia principis terra ipsius, Tantum de rebus suis dandum, quantum
ipsum debitum fuerit, ut ei maior damnietas propter honus solidorum non adcrescat; Nuntiabi
illut suprascriptorum gloriosorum principum et ducis: Ipsis a deo conserbatis principibus
et ducis propter deum et anime sue mercedem direxerunt me de sua presentia, qui
hoc ipsum opus sapienter consideraret, Ut ad ipsi infantes Aliqua damnietas contra rationem,
Aud per neglegentia, minime perveniat; ego interrogavi eis, ud devitum ipsum quantum
esset; illi autem dixerunt, Ud debitum ipsum esset tarenos duodecim. Et dixerunt
abere commune cum ipsa genetrice eorum modicum terrola intus anc salernitanam civitatem
coniuntum de due partis ad fine illorum et. de parte orientis fine strectola, quod
illi commune abunt cum morandus filius iaquinti; est inde latitudo ipsa terrola summisse
unum, et a parte occidentis fine anditum ….. inde latitudo pedem unum ad iustum pedem
et semmisse manum ominis mensuratum; Et da septemptrione est fine ipsius maraldi
longitudo ipsa terrola da ipsum anditum et usque ipsa estrectola et a parte meridie
fine pariete de casa fabrita ipsorum infantes similiter est inde longitudo da ipsum
anditum usque ipsa estrectola. Et dixerunt, ud de tota terrola ipsa pertineret ad ipsa
genitrice heorum quartam partem per suum scriptum morgincap: ego predictus comes et
iudex, dum illut taliter agnobi, per ordine illut rettuli supradicti mangnifici principibus
et ducis, illi vero piis et excellentissimis principibus et ducis preceperunt mihi, Ud largire
ipsi infantes benumdare ipsa terrola cum ipsa genitrice heorum cui bolerent het ipsa predicta
mulier me rogabi et dixi, ud inclita ipsa sua quarta de ipsa terrola vendere bellet
secum abens tres parentes suos, et sic me rogavit, ud ipsa quarta sua vendere boleret, Et
ipse parentes suos in ipsam venditionem manum posuerunt, et seipsam benditricem fecit
sic, et ipsi filii, et mundoald eis inde ei consentierunt, ud quod vendiderit, stabile sit, et
petrus scriba cum notitia ipsorum parentum et meaque iudicis hanc cartam presumis scribere;
quo ita secundum lege acta ipsi prenominati romelgaita, et alfanus, et ademari mater
et filii uniter adque communiter venumdederunt coram mea presentia, per anc quoque
videlicet cartam, ipsius morandi integra ipsa terrola per supradictas fines et mensuras,
cum omnia intro ipso terrola abentes, omnibusque suis pertinentiis cum bice de ipsum
anditum, ea ratione, ud semper ipse marandus et eius heredes integra ipsa eorum venditione
abeant ille et eius heredes, et faciant de ea quitquid boluerat; Et propter confirmationem
uius binditionis, a presente susceperunt ipsi infantes cum ipsa genitrice heorum
Ab ipsum maraldus statutum pretium, i sunt ipsi duodecim auri tarenos in omni deliberatione,
et ipsi infantes cum ipsa genitrice heorum romelgaita guadiam dederunt ipsi marando,
et fideiussorem ei posuerunt se ipsis mater et filii, et per ipsa guadia obligavit se
ipsi infantes et ipsa romelgaita, et illorum heredes semper defendere ad ipsum marandus
et ad eius heredes Integram ipsam eorum venditionem Ab omnes omines omnique partibus.
Et quando ipse marandus et eius heredes per se boluerint esse defensores licentiam eorum
tribuerunt ipsi infantes et ipsa romelgaita potestatem abeant omnimodis exinde causare,
het finem facere, qualiter voluerint, cum omnibus muniminibus et rationibus, quas
inde ostendere boluerint; et si ipsi infantes et ipsa romelgaita, et eorum heredes omnia
suprascripta non adimplerint ipsius marandi et ad eius heredes, et suprascripta vel ex
eis quicquam removere aut contradicere presumserint, per ipsam guadiam obligaverunt se
ipsi infantes, et ipsa romelgaita, et eius heredes componere ad ipsum marandus et ad eius
heredes biginti auri solidos constantinos, et omnia suprascripta adimplere. Ec omnia suprascripta
feci ipsa romelgaita per voluntatem de ipsi mundoalt eius, et super inter birgule
legit ipsa in duobus locis. Verumtamen oc memoramus, ud omni tempore discurrant
aqua plubiales de case de ipsi infantes et de ipsa casa ipsius marandi in ipsa strectola, et
nullam spurcitiosam causam ibidem iactent, et due cartule unius tenoris inde scribere fecimus:
Ista quod retinet ipse marandus, et aliam similem inde retinunt ipsi mater et filii,
quam te petrus notarius scribere precepi.
+ Ego qui supra ademari iudex
| |