|
176
MCLXIV
A. D. 1052
+ In nomine domini tricesimo quarto anno principatus domni nostri guaimarii, et tertiodecimo
anno ducatus eius amalfis et sirrenti, et decimo anno principatus et ipsorum
ducatum domni gisulfi eius filii eximii principis et ducis, mense februario, quinta indictione.
Memoratorium factum a me ralfo filio quondam ralfi eo quod ante subscripti testes
richardus et allerisi germani filii quondam miri iudici pro bice ecclesie sancte dominice
crucis illorum pertinentis, que constructa est ante porta maiori de castello nucerie, per
combenientiam tradiderunt michi de rebus ipsius ecclesie due pecie de terra una cum arbustum
et alia cum abellanietum, quod pars predicte ecclesie abet in locum nucerie; prima
pecia ubi dicitur floccanum, et alia pecia que est a super ipso loco floccanum, ubi at
pratellum dicitur, que est per ec finis et mensure iuxto passu ominis mensurata: prima
pecia da floccanum que est cum abellanietum a parte occidentis fine bia caba, inde passi
quinquaginta unum; et de alie tribus partibus fine ipsius ecclesie; a parte meridiei passi
quadtuordecim: a parte orientis passi quinquaginta et gubitum; a parte septemtrionis passi
undecim; secunda alia pecia cum arbustum in ipso loco pratellum per ec finis: de ex
omni parte fine ipsius ecclesie: a parte sebtemtrionis passi biginti quadtuor: a parte orientis
passi triginta unum et gubitum: a parte meridiei passi alii biginti quadtuor: a parte
occidentis passi triginta duo minus uno gubitum. ec vero suprascripti ambe pecie de terra
per iamdicte finis et mensure, ut superius legitur, inclitum illut nobis ipsi germani pro
partibus ipsius ecclesie tradidit cum omnia infra se abentibus et cum bice de bie sue,
tali ordinem, ut amodo et omni tempore, natos nascentes, at mea vel de meis eredibus
sint potestatis ipsa traditio illut eos tenere et lavorare, fobee, omnis nostre utilitatis iusta
rationem ibidem faciamus, et eos illut pastenemus, et ipso arbustum potemus, propaginemus
et, ubi meruerit, in ipsa traditione arbores et bites, et abellane nos illut ibidem
plantemus, et sic tota ipsa traditio lavoremus subter et super, sicut locus ipse meruerit,
ut in melius proficiant et non dixpereant, et per omnem annum per tempore de bindemie
et de ipse abellane, quando ille collecte et secke abuerimus, faciamus nos et nostris
eredibus scire ipsi germani et illorum eredibus vel partibus ipsius ecclesie ut illuc dirigat
missum suum, et nos ipsa traditio bindemiemus, et omnis binum quam inde exierit, et
abellane secke inter nos dibidamus: nos tollamus medietatem, et ipso missum medietatem,
sortionem de ipso binum quod in partibus ipsius ecclesie benerit, nos illut portemus salbum
usque in pede de monte de castello nucerie, et partibus ipsius ecclesie presentaliter
ipso binum recipiant et portarent ubi boluerit, et palmentaticum demus in partibus ipsius
ecclesie, sicut consuetudo est, et de quod ibidem seminatum fuerit, demus inde in partibus
ipsius ecclesie terraticum secundum consuetudinem de ipso locum; et dum ibidem steterit
ipso missum per tempore pro ipsa frugia recipiendo, nos illut nutriemus, sicut iuxtum
fuerit; et quale tempore nos et nostris eredibus ipsa traditio in suprascripto ordinem
tenere et lavorare noluerimus, aut non potuerimus, liceat nos et nostris eredibus inde
exire cum omni causa nostra mobilia, et ipsa traditio lavorata et cultata vona et surta
remidtamus in partibus ipsius ecclesie. et per combenientiam guadia nobis ipsi germani
dederunt et fideiuxorem nobis posuerunt romualdus clericus filius domni ferrandi; et per
ipsa guadia obligaberunt se et illorum eredibus et partibus ipsius ecclesie usque ipsa traditio
nos et nostris eredibus in suprascripto ordinem tenere et lavorare voluerimus, inclitum
illut nobis nostrisque eredibus defenset cum bice de bie sue ab omnibus ominibus;
quod si taliter omnia suprascripta nobis nostrisque eredibus non adimpleverint, et aliquit
exinde contradixerint, per ipsa guadia obligaberunt se et illorum eredibus et partibus
ipsius ecclesie componere nobis nostrisque eredibus quinquaginta auri solidos constantinos.
Sic tamen, ut quando nos vel nostris eredibus voluerimus, potestatem abeamus ibidem
reditum facere et abitare asque omni contrarietatem ipsius ecclesie, quod scripsi ego
mirandus notarius.
+ Ego iohannes.
+ Ego petrus notarius me subscripsi.
| |