|
In Dei nomine. Anno Domini Mcci,vii idus ianuarii,post obitum Henrici imperatoris
imperio vacante.Innocentio papa residente,indictione IIII.Manifesti sumus nos
Ugolinus et Uguicio marchiones,qualiter per hanc cartam pro nobis,et ego Uguicio
pro Guidone fratre meo et pro nostris heredibus,promictimus,finimus,refutamus et
renuntiamus tibi Orlandino filio quondam Sassoli consuli mercatorum Aretine civitatis,
recipienti nomine universitatis mercatorum dicte civitatis,suorumque burgorum et suburgorum,
in perpetuum,omne pedagium quod ab eis,silicet dictis mercatoribus huc
usque per terram nostram exigebatur,ut admodum ab eis non exigatur;et promictimus
pro nobis,et ego Uguicio dictus pro dicto fratre meo ac pro nostris heredibus,de
cetero sive deinceps ullo modo non exigere,sub pena c marcharum optimi argenti
tibi iamdicto Orlandino,pro dicta universitate recipienti,a nobis solenpni stipulatione
premissa.Unde hanc cartam scribere rogavimus.Actum in civitate Aretii,in platea
Comunis eiusdem,in pubblica contione dicte civitatis,in presentia et testimonio domini
Guillelmini aretine potestatis,Rainaldi olim Bostule camararii dicti Comunis,Orlandi
iudicis Rainerii de Nosio,Florensis olim Bernardi,Portafascii et aliorum Multorum.
Ego Omnehonum notarius rogatus scripsi et complevi.
Ego Marsupinus not.filius condam Rainerii Giravallis,sicut inveni in libro instrumentorum Comunis Aretii,ita hic scripsi,nichil addens vel minuens.
| |